Akunnittarfik Narsarsuup Café/Restaurantiani suleqatissarsiorpugut nuannaartumik sullissillaqqittumillu.
Akunniitarfik Narsarsuaq Café/Restaurantiani ingerlalluartumut suleqatissarsiorpoq sullissillaqqissumik. Pulaartuvut misigisassaannik tupinnartumik tunissallugit peqataaffigerusuppiuk, pinngortitaq pinneqisoq eqqaamioralugu.
Akunnittarfik Narsarsuaq suliffeqarfittut ulapaarfiuvoq makkunani sullissigami: Ataatsimeersuartut, cafeteriami neriniartarfittaanilu pulaartunik nerisitsineq, privatimik aaqqissuussaat soorlu: katittoornerit, qeqartoornerit kiisalu nalliuttuni arlaatigut aamma pisoqarfiusarluni.
Suliassatit
- Cafe/Restaurant tuniniaanissamut piareersagaq
- Ulluinnarni ingerlatsinermi peqataanissaq
- Nioqqutissanik immersuineq
- Karsilerineq
- Torersaassineq erruinerlu
- Matusinissaq karsillu kisinnissaa
- - Suliap suliarinerani imminut nakkutiginninneq
Ilinnut tunngatillugu
Suliassamut naleqquttumik ilinniarsimasuuvutit. Pisisartut inuttut ukkatarilluarlugit ajunnginnerpaamik misigisaqarnissaannut peqataavutit, tamannalu ilapittuutaavoq pulaartuvut uteqqajaarnissaannut.
Suliamik pikkorissuuvutit inuttullu kinaassutsit takutippaa inuppassuit assigiinngikkaluartut kulturimikkut qaffasissusimikkullu tamarmik assigiimmik pisinnaallugit. Illit inunnguuseralugu ilakkuminartuuvutit suleqateqallaqqissuullutillu. Eqqiluisaarneq ukkatarissavat tamakkerlugulu isiginnissinnaallutit. Ulapitsilluta qungujuinnartarputit nuannaartarlutillu.
Neqeroorutigaarput
Suliffik nuannersoq unamminartorpassualik, namminersorfiulluartumik pissanganartumillu imaqartumik, taamaalinerani periarfissilluarneqarlutit inuttut suliamullu inerisarnissannut. Sulinermik avatangiisinut nuannersunut ilaalissaatit, suleqatitillu nalitut inissisimaffigisatit suleqatigilluarumaarpatit.
Atorfininnermi atugassarititat
Akissarsianut atorfininnermullu tunngasut kattuffimmut suliamut naleqquttumik isumaqatiginninniartitaasinnaasoq malillugu atorfinitsitaasoqassaaq, tamatumani ilanngullugu inissamik neqeroorfigitittoqassaaq, malittarisassallu atuutut malillugit akiliisoqassalluni. Malittarisassiat atuuttut malillugit atorfininnermi akilikkamik angalasoqarsinnaavoq.
Tamakkua saniatigut malittarisassiat atuuttut malillugit qaammatit 12 atorfeqareerluni ukiumoortumik akeqanngitsumik sulinngiffeqarluni angalasoqarsinnaavoq. Atorfik ulloq naallugu suliffiuvoq aamma piffissaq suliffiusussaq malittarisassat atuuttut malillugit sapaatip akunneranut 40-timiuvoq. Unnukkut weekendi-nilu sulisarnissat naatsorsuutigissavat.
Paasisaqarnerorusuppit
Siunissami suliffissariumaakkat pillugu paasisarnerorusukkuit uani atuarsinnaavatit www.hotelkangerlussuaq.gl. Atorfimmut apeqqutissaqarpit, taava tikilluaqquneqarputit Igaffimmi pisortaq Taus Borgquist mailikkut allaffigissallugu uunga: taub@airports.gl. Apeqqutit naliginnaanerusut HR-mut apeqqutigisinnaavatit hr@airports.gl -mut.
Qinnuteqaat
Atorfimmut tigusaassaguit taava qinnuteqaatit, cv aamma ilinniarsimaninni uppernarsaatit toqqaannartumik nittartakkakkut www.airports.gl nassiutissaaq kingusinnerpaamik 01-01-2026.
