Suliffeqarfippit sulisumik atorfissaqartitsinerani sulisoq atorfimmut piukkunnartoq nassaarissavarput
Sulisussaq atorfimmut tulluartoq nassaariniarnerani onlinekkut allagarsiinerinnaq naammanneq ajorpoq. Ilisimasaqassuseq, attaveqaatit aammalu sukumiisumik sulianik ingerlatsinissaq pisariaqarpoq. Suliffissat.gl-mi nunatsinneernersuunerput nunatsinnillu ilisimaarinilluarnerput iluaqutigalugu nunatsinni, Skandinaviami aammalu nunarsuup sinneraniit atorfinnut tulluartorpassuarnik allattugaatitsinnik peqarpugut.
Sulisussarsiuussineq aammalu taartaasussanik attartortitsisarneq neqeroorutitsinnut ilaapput. Illit pisariaqartitat aallaavigalugu atorfinivittussaappat, ukiup ilaannaani sulisartuuppat imaluunniit utaqqiisaagallartumik pisariaqartitsininni atorfeqarallassappat tamaasa ilinnut tulluarsarlugit neqeroorutigisarpagut.
500-nik ikinnerunngitsunik ullormiillu ullormut amerliartuinnartunik uagut aqqutigaluta suliffissarsiortunik imaluunniit atorfinnik pilerinartunik qinaasisunik peqarpugut, taamaasillutalu ilinnut sukkanerpaaq atorlugu pisariaqartitannut aammalu naleqartitannut tulluaqqissaartunik atorfimmut tulluartunik saqqummmiussisinnaalluta.
Maakua ilaatigut ilinnut tunniussinnaavagut:
- Atorfinivittussanik pilersaarusiukkanulluunniit atorfinnut sulisussarsiuussineq
- Faktor aallaavigalugu isumaqatigiissuteqarnikkut taartaagallartussanik attartortitsineq
- Sukumiisumik sulisussanik piukkunnartunik ujaasineq nalilersuinerlu
- Aqutsisunik suleqatigiiaanillu DISC-profil atorlugu inuit qanoq ittuunerannik nalilersuineq
- Siunnersuineq, onboarding aammalu kulturimullu naleqqutsitsineq
Suliarisinnaasagut tamaasa akigititagullu ”AKIT” toorlugu alakkakkit: Gå til PRISER