Kalaallit Nunaanni arsaannerup siunissaanut aningaasaqarnikkut allaffissornikkullu tunngavimmik nukittuumit pilersitseqataarusuppit? Kalaallit Arsaattartut Kattuffiat (KAK) ineriartornermi pissanganartumiippoq, periusissatta atuutilersinneqarneranut atatillugu kattuffik nukittorsarneqarluni. KAK qanittukkut allaffissornermut pisortamik atorfinitsitsivoq, taassumali sulilernerata kinguninngua tassanngaannartumik annaaneranik ajuusaarnartumik nalaataqarpugut. Taamaattumik kattuffimmi qitiusumik inissisimaffimmut nutaamik suleqatissarsiorpugut, atorfimmilu aningaasaqarneq allaffissornerlu suli annertunerusumik ukkatarineqassallutik. Taamaattumik aningaasaqarnermut allaffissornermullu pisortamik tunniusimasumik, aaqqissuussillaqqissumik aningaasaqarnermillu paasisimasaqarluartumik pissarsiorpugut. Atorfik KAK-p ulluinnarni ingerlanneqarnerani ingerlaavartumillu ineriartortinneqarnerani qitiusumik inissisimassaaq. Atorfimmi aningaasaqarneq, allaffissorneq, sulisoqarnermut akisussaaneq kattuffiullu ulluinnarni ingerlanneqarnera ataatsimoortinneqassapput. Peqatigisaanik KAK-p siulittaasuanut, pisortaqatigiivinut siulersuisuinullu pingaarutilimmik sparringpartneriussaatit, aalajangiussallu piviusunngortinneqarnissaat naammassineqarnissaallu qulakkeeqataaffigissallugit.

Atorfik pillugu

Aningaasaqarnermut allaffissornermullu pisortatut KAK-p aningaasaqarnikkut allaffissornikkullu ingerlanneqarneranut qullersatut akisussaaffeqassaatit. Aaqqissuussaanermik ataatsimut isiginnissinnaanermillu pilersitsissaatit, kattuffiullu aalajangiussaasa aningaasaqarnikkullu sinaakkutaasa malinneqarnissaat qulakkiissallugu. Atorfik pingaarnertut aqutsinermut ataqatigiissaarinermullu tunngassuteqarpoq. Kattuffiup iluani suliassat assigiinngitsut ataqatigiinnissaat siuariartornissaallu qulakkiissavatit, unammiuaarnerilli, klubbinut sullissineq, pikkorissarnerit sammisassallu allat ulluinnarni piviusunngortinneqarnerat sulisut suliassaqarfinnullu akisussaasut susassaqartut isumagissavaat. Illit suliassarissavat tapersersuineq, pingaarnersiuineq malitseqartitsinerlu – pisariaqartitsisoqartillugulu ikiuunnissamut piareersimassaatit. Atorfimmi pingaarutilik alla tassaavoq kattuffiup aningaasaqarneranik ingerlaavartumik ersarissumillu ataatsimut isiginnissinnaaneq qulakkiissallugu, tassunga ilanngullugit missingersuutit, akiliisinnaassuseq, suliniutit, tapiissutit aningaasallu siunertanut aalajangersimasunut immikkoortinneqarsimasut. Ulluinnarni naatsorsuutinik nalunaarsuineq nammineq suliarisariaqanngilat. KAK avataaneersunik aningaasaqarnermut siunnersortinik suleqateqarpoq, kisitsisilli paasisinnaassavatit, ineriartorneq malinnaavigisinnaassallugu, apeqqutit eqqortut apeqqutigisinnaassallugit kiisalu siulittaasup, pisortaqatigiit siulersuisullu aalajangiinissamut paasissutissanik pitsaasunik nutaanillu peqarnissaat qulakkiissallugu. Atorfik siulittaasumut atassuteqassaaq KAK-llu pisortaqatigiivinut ilaassalluni.

Suliassatit pingaarnerit

Ilaatigut makkununnga akisussaassaatit:

• KAK-p aningaasaqarneranik ataatsimut aqutsineq

• missingersuusiorneq, missingersuutinik malitseqartitsineq akiliisinnaassutsimillu ingerlaavartumik aqutsineq

• siulittaasumut, pisortaqatigiivinut siulersuisunullu aningaasaqarnikkut nalunaaruteqartarneq

• tapiissutinik, suliniutinut aningaasaliissutinik siunertanullu aalajangersimasunut immikkoortinneqarsimasunik malitseqartitsineq

• KAK-p sammisassaasa suliniutaasalu aningaasaqarnikkut malinnaavigineqarnerat

• avataaneersumik naatsorsuuserisumik, kukkunersiuisumik aningaasaqarnermullu siunnersortinik allanik suleqateqarneq

• aningaasaqarnermut tunngatillugu uppernarsaatit, suleriaatsit malittarisassallu pitsaasut ersarissullu qulakkeernissaat

• fakturanik, isumaqatigiissutinik aningaasaqarnikkullu pisussaaffinnik malitseqartitsineq

• allattoqarfiup ulluinnarni allaffissornikkut aqunneqarnera ataqatigiissaarneqarneralu

• allattoqarfimmi sulisunut akisussaaneq

• siulersuisunik pisortaqatigiinnillu sullissineq

• siulersuisut ataatsimiinnerinik, sinniisoqarfiup ataatsimiinnerinik ataatsimiititaliallu attuumassuteqartut ataatsimiinnerinik pilersaarusiorneq ataqatigiissaarinerlu

• allaffissornikkut suleriaatsit pitsaasut, allagaatinik aqutsineq toqqorsiveqarnerlu qulakkeernissaat

• aqutsilluarneq (governance) kiisalu siulersuisut pisortaqatigiillu aalajangiussaannik malitseqartitsineq

• allaffissornikkut suliassanik immikkoortortat akimorlugit ataqatigiissaarineq malitseqartitsinerlu

• sulisut akisussaasullu sammisassanik suliniutinillu piviusunngortitsineranni tapersersornissaat

• KAK-p periusissiaata atuutilersinneqarneranik kattuffiullu ingerlaavartumik ineriartortinneqarneranik tapersersuineq.

KAK-mi sulisut suliassaqarfinnullu akisussaasut qanimut suleqatigissavatit, aningaasaqarnerup allaffissornerullu timersornikkut sammisassat klubbinillu ineriartortitsineq pitsaasumik tapersersorsinnaaqqullugit.

Kinaana ujagarput?

Timersornermik suliaqareersimanissat pisariaqanngilaq. Pingaarnerpaavoq aningaasaqarnermut allaffissornermullu paasisimasaqarluarnissat, kiisalu kattuffimmi sammisassarpassualimmi aaqqissuussaanermik, ataatsimut isiginnissinnaanermik siuariartornermillu pilersitsisinnaanissat.

Pingaartippagut:

• aningaasaqarnermut allaffissornermullu attuumassuteqartumik misilittagaqarnissat, ajornanngippallu aqutsinermik misilittagaqarnissat

• aningaasaqarnermik aqutsineq, missingersuutit naatsorsuutillu pillugit pitsaasumik ilisimasaqarnissat

• aningaasaqarnikkut paasissutissanik misissueqqissaarisinnaanissat aalajangiinermullu tunngavissatut paasiuminartumik saqqummiussisinnaanissat

• missingersuutinik malitseqartitsineq, akiliisinnaassuseq suliniutinullu aningaasaqarneq suliarisinnaassagitit

• uppernarsaatinik, aningaasaqarnikkut suleriaatsinik pitsaasumillu aningaasaqarnermik aqutsinermik ilisimasaqarnissat

• aaqqissuussaasumik sulisinnaanissat suliassarpassuillu ataatsimut isigisinnaanissaat

• sulisunik aqutsinermik misilittagaqarnissat imaluunniit tamatuminnga ilisimasaqarnissat

• allat suliassaannik ataqatigiissaarisinnaanissat, suliassat tamaasa nammineq suliarisariaqarnagit

• siulersuisut pisortaqatigiillu qanimut suliallit pitsaasumik suleqatigisinnaanissaat

• aalajangiussat iliuusinngortissinnaanissaat malitseqartinneqarnissaallu qulakkeersinnaanissaat

• akisussaassuseqarnissat, aaqqiissutissanik ujartuisuunissat iliuuseqarsinnaassuseqarnissallu

• nammineerlutit sulisinnaanissat suliniuteqarsinnaanissallu

• suleqatiginnillaqqissuunissat soqutigisaqartorpassualimmilu kattuffimmi sulinissaq nuannarissagit

• allakkatigut oqaluttariarsornikkullu pitsaasumik saqqummiussisinnaanissat.

Kalaallisut, qallunaatut tuluttullu oqaaseqarsinnaaneq iluaqutaassaaq, qinnuteqartulli piginnaasai ataatsimut isigalugit atorfimmillu kivitsisinnaassusia pingaartinnerussavagut.

Tunniussinnaasagut

KAK-mi Kalaallit Nunaanni arsaannerup ingerlaavartumik professionaliunerusumik ineriartortinneqarneranut annertuumik sunniuteqarsinnaallutit aqutsisutut qitiusumik atorfittaassaatit.

Ilaatigut makku neqeroorutigaavut:

• KAK-p aqutsinerani ineriartortinneqarneranilu qitiusumik inissisimaffik

• siulittaasumik, siulersuisunik pisortaqatigiinnillu qanimut suleqateqarneq

• KAK-p aningaasaqarnikkut allaffissornikkullu aaqqissuussaaneranut sunniuteqarnissamut periarfissaq

• kattuffimmi ineriartortuartumi suleriaatsinik pitsaasunik ersarissunillu pilersitseqataanissamut periarfissaq

• klubbinut, kommuninut, suleqatinut timersornermilu kattuffinnut attaveqarluarnissaq

• nunatsinni nunanilu tamalaani suleqatinik suleqateqarneq

• nammineersinnaaneq akisussaaffillu annertooq

• inuttut suliamullu tunngatillugu ineriartornissamut periarfissat pitsaasut

• sulinermi aaqqissuussinerit eqaatsut

• piginnaasat isumaqatigiissullu naapertorlugit akissarsiat.

• KAK pillugu

Kalaallit Arsaattartut Kattuffiat Kalaallit Nunaanni arsaannermut immikkut kattuffiuvoq, nunarpullu tamakkerlugu arsaannerup ineriartortinnissaa anguniarlugu sulilluni. Ukiuni aggersuni meeqqat inuusuttullu, klubbit ineriartortinneqarnerat, sungiusaasunik arsaanermilu aqutsisunik (dommerinik) ilinniartitsineq, futsal, unammiuaarnerit, nunanut allanut unammisartut, atortulersuutit nunanilu tamalaani suleqatigiinnerit ineriartortinneqassapput. Peqatigisaanik sammisassat tunuanni kattuffik nukittorsarusupparput. Aningaasaqarneq peqqissoq, allaffissorneq professionaliusoq, akisussaaffiit ersarissut suleriaatsillu pitsaasut KAK-p timersornikkut periusissiornikkullu anguniakkaminik angusaqarnissaanut pingaaruteqarluinnarput. Taamaattumik aningaasaqarnermut allaffissornermullu pisortamik KAK-p nukittuunngornissaanut, professionaliunerulernissaanut piujuartitsisumillu ineriartortinneqarnissaanut peqataarusuttumik pissarsiorpugut.

Paasissutissat pingaarutillit

Suliffissaq: KAK-p Nuummi qullersaqarfia

Sulilerfissaq: Piaartumik imaluunniit isumaqatigiissuteqarnikkut

Qinnuteqarnissamut killigititaq: 30.09.2026

Atorfininnermut atatillugu sulisunut inissamik atugassiisoqassanngilaq.

Akissarsiat atorfininnermilu atugassarititaasut piginnaasat sinaakkutillu atuuttut naapertorlugit isumaqatigiissutigineqassapput.

Qinnuteqaatit naleqquttut tigunerini atorfinitsitsinissamut oqaloqatiginninnerit ingerlaavartumik ingerlattassavagut. Taamaattumik qinnuteqarnissamut killigititaq nallertinnagu atorfik inuttalerneqarsinnaavoq, soqutiginnittullu qinnuteqaatiminnik piaartumik nassiussinissaat kaammattuutigaarput.

Qinnuteqaat attaveqarnerlu

Qinnuteqaat CV-lu uunga nassiunneqassapput:

Søren Høy

E-mail: hoy@kak.gl

Oqarasuaat: +45 21 29 70 19

Atorfik pillugu apeqqutissaqaruit imaluunniit KAK-p ineriartornera pillugu paasisaqarnerorusukkuit Søren attaviginissaanut tikilluaqqusaavutit.

KAK – Arsaqatigiitta

Greenland Business School ilinniarnermi allatsimik pissarsiorpoq. 

Ilinniarnermi allatsimik ilinniarfimmut ilisimasaqarluartumut eqeersimaartumullu, ilinniakkanik siammasissunik arlalinnik inuussutissarsiutinut sammivilinnik neqeroorutilik. . Eqimattaavugut, nukittuut, nutaaliortut tunniusimasullu, tatiginninneq, qanimut suleqatigiinneq, nutaamik eqqarsartut aammalu qaffasissumik suliatigut piginnaasaqarneq ilinniarfimmi qitiutinneqarpoq. 

Pilersaarusiornermik allaffissornermullu nukittuujuit? Ilinniartut, sulisut, suleqatigullu avataaniittut eqaatsumik, eqqortumik, qanilaartuullutillu sullissinnaavigit? Taava illiuvoq sulisussatut ujagarput.

Suliassatit…

Ilinniarnermut allatsitut suleqatigiinni peqataassaatit, suliassaqarfiit annertupput, tunngaviusumik ilinniakkaniik ilinniakkanut ingerlaqqiffisunut, ilinniaqqinnernullu tunngasuullutik. Ilinnianermut allatsitut sulissanut piumasaqaataavoq, suliassavit suliarisinnaaneranik takutitsissinnaanissat, aammalu sulissininni qaffasissunik eqqortumik torersumillu periaaseqassangavit. Sulinermi pisariaqarpoq eqqortumik suliassanik sulisinnaanissat, aammalu akornusersorneqaraluarlutit sulisinnaassallutit.   

Ulluinnarni ilinniartunut, sulisunut aammalu suleqatinut avataaniittunut attaveqartartussaagavit,  taamaattumik saaffigiuminartuullutillu kiffartuussinermut piukkunnaartuussaatit. Inuttut tatiginartuussaatit tusarnaarsinnaallutit avatangiisitillu paasissinnaassallugit. Ilinniartunut saaffiginnittarfimmi ilaalissaatit, ilinniartunik sullissineq, ilinniarnermi aqqutissiuussineq – suliffigilerumaakkanillu aqqutissiuussinermik sulialik. Atuarfiup Pisortaanut attaveqaateqassaatit.

Suliassat pingaarnersiorlugit makkuupput: 

• Ulluinnarni sullissineq aamma allaffissornermi sakkussat ilinniakkanut tunngasut  atorneri
• Ilinniartunik tigooraanermi, aggersaanermilu allakkiorneq il.il sullissineq.
• Suliassat ilinniartunut tunngasut, uani aamma angalanerit, ineqarnermut tapit,meeqqanut tapit il.il.  
• Ilinniakkanik aqqutissiuusinermi, ataqatigiissaarinermilu pisussani pilersaarusiorneq
• Suliassat ilinniarnernut tunngasut suugaluartulluunniit suliarineri 

Kissaatigarput…

• Inuutissarsiornermut tungasumik, assigusumilluunniit ilinniagaqassasutit, imaluunniit pikkorissarsimassasutit ilinniarnermi inuussutissarsiornermullu aqqutissiuussinermik.
• Aqqutissiuussinermik nuannarisaqarlutillu misilittagaqarsimassaatit, inuussutissarsiutigalugu ilinniakkanik ilisimasaqassallutit, kiisalu Kalaallit nunaani ilinniartitaaneq ilisimasaqarfigissallugu.
• Office-pakke ilisimasaqarfigissagit, ilinniarnermi allaffissornermi systemit atortut ilisimasaqarfiginissaai soorlu assersuutigalugu Lectio, Wiseflow il.il. 
• Nammineersinnaassuseqassaatit, peqqissaartoq immilluullarissunillu takunnissinnaasoq. 
• Suleqatinut ilinniartunullu suleqatikkuminartuussaatit, suliffimmilu ulapaarfiusumi ingerlalluarsinnaasoq.
• Attaveqarluarsinnaasuussaatit kalaallisut qallunaatullu oqaatsinik atuilluarsinnaaneq pingaartinneqarpoq.

Neqeroorutigaarput…

Ilinniarfimmi alliartortumi suliffik pissanganartoq, ilinniartuutitsinnik, inuttut sulinermilu ineriartornissamik pikkorissarnikkut ilinniaqqinnikkullu periarfissalik.

Unamminartunik pissanganartunik nalaataqartarneq, periarfissaqassallutillu sulisut pikkorissut, suliaminnik aallussisut, isumassarsinartut pilersitsisinnaasullu suleqatigilernissaannut, ulluinnarnilu ataqatigiinnermik pingaartitaqarlutik suleqataasunut.  

Sap. akunneranut nal. ak. 40-nut suliffiuvoq, atorfillu 1. november 2026 inuttalerneqarnissaa kissaatigineqarpoq, imaluunniit isumaqatigiissuteqarnikkut.

Akissarsiat, atorfininnermilu atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq.

Ineqarneq

Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu ineqaraanni suliffimmiik soraarnermi inigisaq qimanneqartussaavoq. 

Paasissutissat allat 

Ilinniarnermut allatsisut uatsinni sulisutut imminut takorloorsinnaaguit, paasisaqarnerorusullutillu, taava Ilinniarnermi pisortaq Annasofie Wædeled-Møller e-mail anwm@gbs.gl atorlugu attavigisinnaavat.

Greenland Business School pillugu atuarsinnaavutit uani www.gbs.gl

Qinnuteqaat

Qinnuteqarnermut killigitinneqarpoq ulloq 30. septemberi 2026. Atorfik pillugu oqaloqateqarnerit ataavartumik ingerlanneqassapput. 

Qinnuteqaat nassiuguk, CV, Ilinniarsimanermut- pikkorissarsimanermut uppernarsaatit, allallu qinnuteqaammut soqutiginarsinnasut ilanngullugit uunga HR@gbs.gl.

Tusarfiginissat qilanaaraarput!

Ulloq unnuarlu meeqqanut inuusuttuaqqanullu angerlarsimaffik Inuuneq Meeraq Pinngortitarlu (IMP) sulisussarsiorpoq
Suleqatitta unittussanngornera peqqutigalugu paarlatsissaanik ujartuivugut, meeqqanut inuusuttuaqqanullu ulluinnarni sullissinissat uummateqarfigaajuk? taava immaqa illit ujartorpatsigit 😊 

IMP Nuuk marlunnik immikkoortortaqarpoq, meeqqanit aqqaneq marlunnik najugaqarfigineqarluni.

Pingaartitaraarput meeqqat inuusuttullu immiikkoortortani angerlarsimaffimminni toqqissisimasuunissaat, sukkullu tamatigut aallulluarneqarnissaat ineriartornissaat siunertaralugu. 

Naatsorsuutigaarput:

• Pinerlussimannginnermut uppernarsaateqartutit
• Meeqqanut pinerliisimannginnermut uppernarsaateqartutit 
• Inulerinerup iluani ilinniagaqarsimasutit/ ilinniagaqarsimanngikkaanni misilittagaqartutit
• Suliffeqarfiup malittarisassaanut aammalu inatsisitigut piumasaqaatinut meeqqanik ulloq unnuarlu angerlarsimaffinni sullissinermi malitassanik malinnissinnaasuussasutit.
• Suliartorfissamut ataqqinnittuusutit aammalu aalajaatsuunissat
• Akisussaassuseqartuusutit
• Angalasinnaasutit/ asiarsinnaasutit
• Meeqqanik inuusuttuaqqanillu ineriartortitsinissamik sullisseqataarusuttuusutit
• Qiimasuusutit suleqatikkuminartuullutillu

Neqeroorutigaarput:

• Sap.akunneranut akunnerit 40-t suliffigisinnaagitit
• Nikerartumik suliffiuvoq, ulloq unnuarlu angerlarsimaffiit allat assigalugit
• Suliffeqarfik ersarissunik sinaakkutilik

Atorfik soqutigaajuk? ima qinnuteqarit:

• Qinnuteqaatit IMP mailianut: kontor@imp.gl-imut nassiutikkit

• Sulisussarsiornermut allagarsiissummut tunngatillugu allamik apeqqutissaqassaguit ingerlatsinermi pisortamut saaffiginnissinnaavutit uunga: Malik Skifte mask@imp.gl imaluunniit sianerlutit +299 529878

• Atorfininnermi imal. oqaloqatiginninnermi paasissutissat itinerusut soorlu aningaasarsianut tunngassutillit, perorsaariaatsit periutsillu suunerinik nassuiaanerit ingerlanneqartarput.

Klubbit nukittorsarnissaannut Kalaallit Nunaannilu arsaannerup ineriartortinnissaanut peqataarusuppit?

Kalaallit Arsaattartut Kattuffiat (KAK) klubbinut ineriartortitsinermullu siunnersortimik tunniusimasumik aaqqissuussillaqqissumillu pissarsiorpoq. Klubbit qanimut suleqatiginissaat Kalaallit Nunaannilu arsaannerup ineriartortinneqarneranut peqataanissaq soqutigisarissavat.

KAK ineriartortitsivoq, ilaatigut klubbinut sullissinerput nukittorsarusupparput, klubbit KAK-mut qaninnerusumik attaveqarsinnaaqqullugit ulluinnarnilu sulinerminni ineriartornerminnilu pitsaanerusumik tapersersorneqarsinnaaqqullugit. Klubbinut ineriartortitsinermullu siunnersortitut KAK-p allattoqarfiani pingaarutilimmik inissisimassaatit. Klubbinut sullissineq, allaffissorneq ataqatigiissaarinerlu suliarisassavatit, kiisalu suliniutinik sammisassanillu minnerusunik isumassarsiamit naammassinninnermut nammineerlutit ingerlatsinissamut akisussaaffeqassallutit.

Ulluinnarni suliassat assigiinngiiaassapput. Aaqqissuussillaqqissuseq, suleqatigiinneq suliassanillu naammassinnittarneq arsaannermik soqutigisaqarnermut naligiimmik pingaaruteqarput.

Klubbinut sullissineq sulianni pingaaruteqartassaaq

KAK-p klubbinut aalajangersimasumik attaveqaataasa ilagissavaatsit, Kalaallit Nunaannilu klubbinut sullissinerup ineriartortinnissaanut nukittorsarnissaanullu peqataassallutit.

• klubbit ingerlaavartumik attaveqarfigisassavatit oqaloqatigisassallugillu

• klubbit allaffissornikkut ulluinnarnilu suliassatigut ikiorlugit

• ilaasortanik nalunaarsuineq klubbinullu paasissutissat malinnaavigalugit

• klubbinut tikeraarnerit klubbinillu ineriartortitsinerit pilersaarusiorlugit ataqatigiissarlugillu

• klubbit aaqqissuussaanikkut, ingerlatsinikkut suleriaatsitigullu ikiorlugit

• klubbit suleqatigalugit sungiusaasunut arsaanermilu aqutsisunut (dommerinut) pikkorissarnerit ataqatigiissarlugit

• isumaqatigiissutit, sammisassat piffissaliussallu malinnaavigalugit

• klubbit pisariaqartitaat kissaataallu katersorlugit, KAK-p klubbinut tapersersuisinnaanera suli pitsaanerulersinniarlugu.

Akissutit tamaasa nammineq ilisimassallugit pisariaqanngilaq. Pingaarnerpaavoq akisussaaffimmik tigusisinnaanissat, eqqortumik ikiorneqarnissaq nassaarisinnaanissat aammalu suliassat saaffiginnissutillu naammassineqarnissaat qulakkeersinnaanissaat.

Suliniutit, sammisassat aningaasaqarnerlu

Atorfimmi aamma pingaaruteqarpoq suliniutinik sammisassanillu minnerusunik nammineerlutit akisussaaffigisinnaanissat. Assersuutigalugu klubbinik ineriartortitsineq, pikkorissarneq, arsaannermik atuarfik, aaqqissuussineq minnerusoq imaluunniit ineriartortitsinermut sammisassaq allat sakisussaaffigalugit. Suliassaq tamakkerlugu akisussaaffigissavat - pilersaarusiornermit ataqatigiissaarinermut, piviusunngortitsinermut, aningaasaqarnermut kiisalu kingorna malitseqartitsinermut.

• pikkorissarnernik, arsaannermik atuarfinnik, unammiuaarnernik sammisassanillu pilersaarusiorneq ataqatigiissaarinerlu

• nunanut allanut unammisartunut angalanernullu atatillugu ulluinnarni aaqqissuussineq

• suliniutinut minnerusunut pilersaarusiorneq malitseqartitsinerlu

• klubbinut, ilinniartitsisunut suleqatinullu attaveqarneq

• suliniutinut minnerusunut missingersuusiorneq aningaasaqarnikkullu malitseqartitsineq

• bilaginik, fakturanik uppernarsaatinillu KAK-p allaffissornera suleqatigalugu suliaqarneq

• sammisassanik suliniutinillu nalunaarusiorneq

• ulluinnarni allaffissorneq, e-mailit saaffiginnissutillu

• attaveqaqatigiinneq inunnillu attaveqaatit (sociale medier) akisussaasut suleqatigalugit

• nioqqutissat (merchandise) toqqorsivimmillu ingerlatsineq

• allattoqarfimmi allaffissornikkut ulluinnarnilu suliassat allat.

Kinaana ujaripput?

Inummik ataatsimut isiginnissinnaasumik, suliassallu assigiinngiiaartut akornanni aaqqissuussaasumik sulisinnaasumik ujartuivugut. Allaffissornermut attuumassuteqartumik ilinniagaqarsimanissat imaluunniit allaffissornikkut misilittagaqarnissat naatsorsuutigaarput. Peqatigiiffimmi, suliffeqarfimmi, kattuffimmi assigisaaniluunniit misilittagaqarneq iluaqutaassaaq.

• aaqqissuussillaqqissuussaatit suliassallu arlallit ataatsikkut malinnaavigisinnaassallugit

• pilersaarusiornermut, ataqatigiissaarinermut suliassanillu naammassinninnissamut pikkorissuussaatit

• nammineerlutit sulisinnaassaatit suliassanullu nammineq akisussaaffigisannut suliniutinullu minnerusunut akisussaaffimmik tigusisinnaassallutit

• aningaasaqarnermik pitsaasumik paasisimasaqassaatit, missingersuutinik minnerusunik, bilaginik, fakturanik aningaasaqarnikkullu malitseqartitsinermik suliaqarsinnaassallutit

• sullissiumatuujussaatit inunnillu assigiinngitsunik suleqateqarsinnaassallutit

• suleqatigiit ikittunnguit akornanni sulisinnaassaatit, suliassanillu assigiinngitsunik ikioqatigiinnissamut piareersimassallutit

• Microsoft Office-mik nalinginnaasunillu allaffissornermut systeminik atuisinnaassaatit

• timersornermik, ajornanngippat arsaannermik, soqutigisaqassaatit

• kalaallisut danskisullu attaveqarsinnaassaatit - kalaallisut piginnaasaqarneq annertuumik iluaqutaassaaq

• sulisinnaaninni eqaatsuussaatit, sammisassat ilaat nalinginnaasumik suliffiup avataatigut ingerlanneqarsinnaammata.

Arsaannermut imaluunniit aningaasaqarnermut immikkut ilisimasalittut aallartinnissaat pisariaqanngilaq. Pingaarnerpaavoq akisussaaffimmik tigusisinnaanissat, aaqqissuussaasumik sulisinnaanissat, ilinniarusussuseqarnissat pilersaarutillu piviusunngortissinnaanissaat.

Tunniussinnaasagut

KAK-mi Kalaallit Nunaanni arsaannerup ineriartortinneqarneranut qanimut peqataassaatit, klubbinullu nunarput tamakkerlugu arsaannermik pilersitsillutillu ingerlatsitsisunut iluaqutaasinnaassallutit.

Allattoqarfimmi suleqatigiit ikittunnguit akornanni sulissaatit, klubbinut, kajumissutsiminnik sulisunut, sungiusaasunut, arsaattartunut, kommuninut Kalaallit Nunaannilu nunanilu allani suleqatinut attaveqarluassallutit. Ulluinnarni suliassat assigiinngiiaassapput, nammineerlutillu suliassanik suliniutinillu minnerusunik ingerlatsinissamut akisussaaffeqarlutillu periarfissaqassaatit, KAK-p ataatsimut ineriartortinneqarneranut peqataaninni. Suliamut inuttullu ineriartornissamut periarfissaqassaaq.

Akissarsiat piginnaasat isumaqatigiissullu naapertorlugit aalajangersarneqassapput.

KAK pillugu

Kalaallit Arsaattartut Kattuffiat (KAK) Kalaallit Nunaanni arsaannermut immikkut kattuffiuvoq.

KAK meeqqat inuusuttullu, klubbit nukittorsarnissaat, sungiusaasunik arsaanermilu aqutsisunik (dommerinik) ilinniartitsineq, futsal, unammiuaarnerit, nunanut allanut unammisartut nunanilu tamalaani suleqatigiinnerit pillugit arsaannermik ineriartortitsinermik suliaqarpoq.

Periusissiarput tassaavoq:

“Arsaqatigiitta - Fællesskab gennem fodbolden. Hele året - hele landet.”

Anguniagaraarput Kalaallit Nunaanni sumi najugaqarneq apeqqutaatinnagu arsaannissamut ataatsimoornermullu peqataarnissamut periarfissat suli pitsaanerulersinnissaat.

Atorfik pillugu

Atorfik sapaatip akunneranut agguaqatigiissillugu 40 tiiminik suliffiuvoq, Nuummi inissisimalluni.

Sulilerfissaq: Piaarnerpaamik imaluunniit isumaqatigiissuteqarnikkut

Qinnuteqarnissamut killigititaq: 30. september 2026

Qinnuteqaatit CV-lu toqqaannartumik uunga nassiunneqassapput:

Søren Høy
E-mail: hoy@kak.gl
Oqarasuaat: +45 21 29 70 19

Qinnuteqaatit naleqquttut tigunerini atorfinitsitsinissamut oqaloqatiginninnerit ingerlaavartumik ingerlattassavagut. Taamaattumik qinnuteqarnissamut killigititaq nallertinnagu atorfik inuttalerneqarsinnaavoq, qinnuteqaatillu piaartumik nassiunnissaa kaammattuutigaarput.

Sumiiffiit

Sisimiut

Terminalarbejderitut ilinniarsimavit silaannarimmilu ullut tamaasa sulilluartarneq pingaartillugu? Taava Sisimiuni mittarfimmi terminalarbejderitut atorfik ilinnut naleqqutissaaq.

Suliassat:

Pissanganartunik assigiinngiiaartunillu suliassaqassaatit, ullullu tamarmik assigiittarnavianngillat. Ilaatigut makku suliarisassavatit:

• Timmisartut isumagineri – timmisartut usilersorlugillu usingiarneri
• Nunniffimmi sulinerit
• Qatserisarnermik annaassiniarnermill, kiisalu immami annaassiniarnermik sulinerit
• Securitymi sulinerit
• Aputaajaanerit
• Mittarfimmi atortuutinik iluarsaassillunilu aserfallatsaaliuinerit
• Suliat isumagisassat takkuttartut 

Piginnaasat:

Naatsorsuutigaarput terminalarbejderitut, imaluunniit assassornermut tunngasunik ilinniarsimanissat, aammalu tamatigut suliartortuartarnissat, takujuminarnissat, kiffartuusserusuttuunissallu. Tamakku saniatigut suliffimmi pisariaqartinneqarput illit

• ilakkuminartuunissat, sungiussiasuunissat, mianersortuunissallu
• kalaallisut, danskisut ajornanngippallu tuluttut oqaatsinik atuisinnaanissat
• peqqissuunissat
• biilersinnaanermut allagartamik angisuumik truckersinnaanermullu allagartamik peqarnissat

Greenland Airports neqeroorutigaat:

Suliffik pissanganartoq allanngoriartortoq, suleqatitsinnut pitsaasunik atugassaqartitsinermik pingaartitsillunilu suleqatigiilluarnermik naleqartitsisoq. Suleqatigiinni 12-ini ilaalissaatit, taakkulu tamarmik namminersuutigisaminnik, soorlulusooq suleqatigiissutigisaminnik suliaqartuupput. Atorfinni piginnaasannik ineriartortitseqqinnissamut periarfissaqarluassaatit, hands-on’imik sungiusarnikkut, soorlulusooq ilassutitut pikkorissartitsinerit ilinniagarisallu aqqutigalugit.

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat.

Atorfinitsitaanermi atugassarisat:

Aningaasarsianut atorfininnermilu pissutsit sulisartut kattuffiannut attuumassuteqarmut tunngatillugit pissapput. Taamatut ittoqanngippat inunnut ataasiakkaanut tunngasutut atorfinitsitsisoqarsinnaavoq, atorfimmi atugassarisanik makkuninnga ilanngussiviusumik:

• Sapaatip akunneranut nal. akunnerini 40-ni sulisarneq
• Mittarfik Sisimiut sulisut inissaanik pissarsiniarnermi ikiuussinnaavoq.

Annermik paasisaqarit: www.airports.gl

Atorfik pillugu annertunermik paasisaqarnissat kissaatigigukku imaluunniit apeqqutissaqaruit Mittarfiup pisortaanut Jakob Olsenimut sianernissannut tikilluaqqusaavutit, oqarasuaatikkut +299 52 26 91 imaluunniit +299 38 17 90. Apeqqutit nalinginnaanerusut HR-imi immikkoortoqarfimmut saaffiginnissutaasinnaapput, mailikkut ugguuna: hr@airports.gl

Greenland Airports pillugit annertunerusumik nittartakkatsinni nassaarsinnaavutit, ugguuna: www.airports.gl

Qinnuteqaat

Taava qinnuteqaatit, cv, kiisalu ilinniagaqarnermut uppernarsaatit ataani linki aqqutigalugu kingusinnerpaamik ulloq 27. September 2026-mi tigunissaat qilanaaraagut. Atorfinitsitsiniarnermut atasunik oqaloqatiginnittuartoqassaaq.

Ilinniartuuit? laserimik kigartuineq, atisanut, allagartarsuarnut, bannerinut nipitittakkanullu printerineq, sociale medialerinerlu soqutigisaraajuk? NP Laser studentermedhjælperimik tunniusimalluartumik atorfimmut pissanganartumut sulisussarsiorpoq, eqqortumik suliaqarsinnaaneq nassaassarsiullaqqinneq aammalu eqqumiitsuliulaarsinnaaneq qitiutillugu.

Suliassat assigiinngitsuupput, laserimik suliaqarneq, assigiinngitsunut printerineq aammalu qaffasissumik naammassinnissinnaanermik qulakkeerinninneq.

Taassumap saniatigut sullittakkat kissaataat aallaavigalugit naammassinnissinnaaneq aammalu qulakkeerinnissinnaaneq.

Ulluinnarni suliassat:

• Laserinik suliaqarneq aammalu aserfallatsaaliineq
• Printerineq, atisanut, allagartarsuarnut, bannerinut, nipitittakkanut, assigisaanullu
• Kigartuinermik printerinermillu qaffasissumik pitsaassutsimik naammassinnissinnaaneq
• Ulluinnarni sullittakkat piumasaanik eqqortumik naammassinnissinnaaneq

Misilittakkat:

• Laserilerinermik printerinermillu misilittagaqarnerit qinnuteqarninnut iluaqutaassaaq
• Nassaassarsiullaqqinneq aammalu eqqumiitsuliulaarsinnaaneq assut iluaqutaassaqaaq
• Teknikkekkut atortuutinut ilisimasaqarluarneq aammalu systeminut sukkasuumik ilinniarusussuseqarneq
• Suleqateqallaqqissuuneq aammalu aalajaatsuuneq

Makkua neqeroorutigaagut:

• Suliffik pissangartoq atortunik nutaaliaasunik atortuutilik 
• Assigiinngitsorpassuarnik atortuutinik suliaqarfiusinnaaneq aammalu assassorluni eqqumiitsuliorluniluunniit suliaqarsinnaaneq
• Akissarsiat atorfeqarnermilu atugassarititaasut pitsaasut

Qinnuteqarfissaq:

Qinnuteqaat uunga nassiuguk info@nplaser.gl. Paasissutissanik atorfimmut tunngasunik paasiniaarusukkuit uunga attaveqarit Nikki Heegård Poulsen mail: nikki@nplaser.gl imaluunniit oqarasuaat +299 549290. 

Tusarfiginissat qilanaarilereerparput!

Sumiiffiit

Nuuk

Inuttut pimoorussillutillu sullissinnermik nuannarisaqarpit, pisinianut nuannernerpaamik misigisaqartitsinissat pingaartillugu? Sulisuvut eqimattatut aaqqisukkanut peqataarusuppit pisiniarfitsinnilu Duty Free Shoppimi sullissineq asseqanngitsumik pitsaassusilik ilapittuutaallutit? Taava imaassinnaavoq pisiniarfimmi sulisussarigitsigit!

Suleqatissarsiorpugut pikkorissunik suliffimminullu tunniusimalluartunik, pisinarfiup eqaatsumik ingerlanneqarnissaannut qulakkeerinneqataasinnaasunik immikkullu ittumik pisiniartutsinnut ajunngitsumik sullissisinnaasunik.

Suliassatit ilaatigut makkuupput:

• Suliaminik ilinniarsimasutut pisisartutsinnut tuniniaanermik ilitsersuisoq
• Karsimi sullissineq
• Karsimi pisinianik imminut sullittunik ikiuineq
• Nittartakkatsigut tunisanik poortuineq
• Nioqqutissanik takkuttunik tigusineq aamma niuertarfimmi nioqqutissanik immiineq
• Suliassat tamalaamik takkussuuttut

Ilisarnaatitit:

• Inuttut saaffikkuminartuuvutit, qungujulasuullutit, sullissinermik nuannarisaqartuullutit, nuannaarnermik suliffimmullu tunniusimanermik qinngorneqarputit pissuseralugulu.
• Tuniniaanermik soqutigisaqarputit, pisisartunik toqqaannartumik attaveqarnissat soqutigilluinnarlugu aamma sullissillaqqissuullutit, tamannalu pisisartuvut Duty Freenik pisinniarfitsinnut uteqattaassutigivaat.
• Atugassanik pisiniarfinni tuniniaanermik sullissinermillu misilittagaqarputit
• Namminersorlutit sulivutit, aamma suleqatigiinni peqataassallutit ilinnut pissusissamisuuginnarpoq, ulluinnarni suleqatitut sullissininni tunniuttakkatit niuerpalaartumik ingerlanitsinni pingaaruteqarluinnarput, kiisalu ilinnut suleqatinnullu ineriartornissinnut aamma pingaaruteqarluni.
• Nutaaliullaqqipputit, suliumatuujullutit aamma allannguisoqartillugu piareeqqajuarlutit. Aamma sapaatip akunnerisa ullui tamakkerlugit pisariaqassappat suliffissap piffissatigut nikerartumilluunniit akunnerni tamani sulisinnaallutit.
• Duty Free pisiniarfimmi nioqqutaasussat eqqarsaatigalugit ajunngitsumik soqutiginnittumillu misigisaqarlutit sulisinnaavutit.
• Aalajaatsuuvutit.
• 18-inik ukioqalereersimassaatit.

Neqeroorutigaarput:

• Suliffik pissanganartoq susoqarfiulluartorlu inuttut suliamullu inerisarnissannut periarfissarissaarluni.
• Sulinermik avatangiisit nuannersut atugarissaarnermik suleqatigiinnermillu ukkatarinniffiusoq.
• Sulinermik atugassarititaasut pitsaasut aamma sulisunut ajunngitsorsiassatigut pitsaaqutit

Tamanna ilinnoorpa? Taava nalorninak massakkorluinnaq qinnuteqaatit nassiutiinnaruk!

Soqutiginnippit? Uani paasisaqarnerusinnaavutit:

Atorfimmut apeqqutissaqaruit tikilluaqquneqarputit Duty Freemi aqutsisoq Kuuna Lange e-mailikkut kula@airports.gl imaluunniit oqarasuaatikkut uunga sianerfigalugu: +299 384378. Apeqqutit naliginnaanerusut HR-imut apeqqutigineqarsinnaapput mailkkut hr@airports.gl.

Qinnuteqaat

Qinnuteqaatit, CV, aamma ilinniartitaanermut uppernarsaatitit toqqaannartumik ataani link-iusumut nassiunneqassapput kingusinnerpaamik 30. September 2026.

Malugiuk, qinnuteqaatit mailikkut nassiussat tiguneq ajoratsigit.

Greenland Airports pillugit paasissutissanik sukumiinerusunik nassaarsinnaavutit nittartakkatsinni uani www.airports.gl.

Savalimmiuni Vágar-imi ukiaq ukiorlu misingerusuppiuk? Laksefabrik (kapisilinnut aalisakkerivik) 3-4-nik sulisussanik ujaasivoq 1.oktober aallartittussanik.

Suliffik pillugu

Laksefabrik 220 missaannik amerlatigisunik sulisoqarpoq maannakkullu 3-4-nik nordjobber-inik 1.oktober aallartissinnaasunik ujaarlerluni. Siornatigut misilittagaqarsimaneq piumasaqaataanngilaq, suliffeqarfiup sulianik ilitsersuinissaq neqeroorutigimmangu. Naatsorsuutigissavat timi atorlugu sulisarnissat.

Vágar qeqertaq nuannersuuvoq neriniartarfilik, Café-lik, pisiniarfiillu aammalu busserluni Tórshavn-iliartoqarsinnaavoq. Ukioq suliffiusoq aallartissaaq 01.10.2026 unissallunilu juulip qaammataata missaani, kisianni allanngortinneqarsinnaalluni.

Pingaaruteqarpoq 1 aamma 3.oktober akornanni sulillutit aallartissinnaassasutit.

Suliassat:

• Eqqiaaneq aammalu kapisilinnik poortuineq.

Akunnerit suliffiusut:

Akunnerit suliffiusut nikerartut. Sulisitsisoq isumaqatigalungu aaliangerneqassapput.

Akissarsiat:

• 161,79 dkk missaa tiimimut (Savalimmiuni akileraarut 45%-iuvoq, kisianni nordjobber-it akileraarummut ilanngaammik pisarput skattefradrag).
•  Akunnerit suliffiusut sinnerlugit sulingaanni isumaqatigiissutit malillugit akissarsissutigineqartassapput.

Inissaq

 Nordjobber-it allat ineqatigalungit Vndrehjemmemi ineqassaatit. Ineqarnermut akiliut qaammammut 3.386 dkk-mik akeqarpoq ineeraq ataasiuttariaq, aammalu 2.600 dkk. Ineeraq marluuttariaq akeqarluni.

Piumasaqaat:

Piffissaq suliffiusoq tamakkerlugu sulisariaqarputit.

Paasissutissat allat: Sulisussarsiorneq ataavartumik ingerlassaaq, taamaattumik qinnuteqarnissat utaqqinangu qinnuteqapallagit!

Nordjobb pillugu

Nordjobb tassaavoq piffissaq aalajangersimasoq suliffik, ineqarneq piorsarsimassuserlu – aammalu sunngiffimmi aaqqissuussaasoq inuusuttunut 18-init 30-illu akornanni ukiulinnut. Tassa Nordjobb-erit nalilimmik sulinermik misilittagaqalernissaat anguniarlugu aammalu nunat avannarliit paasisaqarfiginissaat anguniarlugu. Nordjobb aqqutigalungu misigisavatit, nunani avannarlerni najugaqarluni qanoq innersoq, nordjobber-it allat naapinnerisigut nutaanillu ikinngutitaartornikkut nunat avannarliit akornanni.

Malugiuk: Nordjobb-imut qinnuteqarsinnaanngilatit nammineq nunangisarniippat. Kisiannili qinuteqarnissaq ammasuuvoq Danmark, Kalaallit Nunaat aammalu Savalimmiut akornanniippat Finland aammalu Åland ilanngullugit.

Sumiiffiit

Nuuk

Kalaallit Nunaata nunarsuaq naapippagu toqqissisimanermik pilersitsigit,Greenland Airportsimi Security-medarbejderinngorit

Kalaallit Nunaanni mittarfiit annersaanni akisussaaffik, ineriartornissamut periarfissalik aammalu ingerlatsinermi pingaarutilimmik inissisimavilik suliffigerusuppiuk?

Mittarfik Nuummi Security-mi sulisussarsiorpugut pimoorussisunik, ilaasutta isumannaatsumik toqqissisimanartumillu angalanissaannut peqataarusuttunik. Security-medarbejderitut suleqatigiit nukittuut ilagilissavatit, tassani suleqatigiinneq, piginnaaneqarluarneq akisussaassuseqarnerlu pingaaruteqarluinnarlutik.

Sulinermi suliassat

Suliassatit ilaatigut tassaassapput:

• Ilaasunik aammalu nassataannik misissuineq.
• Ilaasussat bagageannik, nassiussanik aammalu allanik misissuinermik isumaginninneq.
• Mittarfiup isumannaallisaanermut immikkoortuisa illersugaasut iserfigineqarsinnaanerannik nakkutiginninneq.
• ID-kortinik, pulaartunik aammalu biilinik misissuisarneq.
• Mittarfiup sumiiffiinik nakkutilliineq alapernaarsornerlu.
• Isumannaallisaanermut tunngasunik pisoqaraangat aammalu malittarisassanik unioqqutitsisoqartillugu iliuuseqarnissamut peqataaneq.
• Ilaasunik ilitsersuineq aammalu timmisartuutileqatigiiffiit, politiit aammalu mittarfimmi suleqatigisat allat peqatigalugit sulineq.

Sulisutut avatangiisit ullui assigiinngiiaartuupput. Taamaattumik pitsaasumik sullissisinnaassaatit, peqatigisaanillu isumannaallisaanermut piumasaqaatit atuuttut malillugit sulinissat qulakkeertariaqarlugu.

Kinaavit?

Naatsorsuutigaarput:

• Akisussaassuseqartutit, aalajaatsuusutit piffissarlu eqqorlugu takkuttartutit.
• Eqqissisimasuusutit aammalu ulapaarfiusumi paasisimasaqarnerit pigiinnarsinnaagit.
• Annertunerusumik maluginiagaqartutit aammalu suleriaatsit malittarisassallu malittarlugit.
• Inuit assigiinngitsut amerlasuullu suleqatigisinnaagitit.
• Sullissiumatuujusutit aammalu ataqqinnittumik ersarissumillu attaveqarsinnaasutit.
• Suliffiup allanngorartumik piffissalersorneqarnera eqqarsaatigalugu eqaatsumik sulisinnaasutit.
• Kisimiillutit aammalu suleqatigiit ilaatut sulisinnaasutit.
• Ilinniartinneqartuarnissannut aammalu piginnaasavit ineriartortittuarnissaannut piumassuseqartutit.

Kalaallisut, qallunaatut tuluttullu oqalussinnaaguit iluaqutaassaaq, kisiannili isiginnittaatsit, aalajaassutsit aammalu ilinniarusussutsit minnerpaamik aamma pingaaruteqarput.

Europami pitsaassutsinut naapertuuttumik ilinniartitaaneq

Security-mut tunngasumik ilinniagaqareertariaqanngilatit. Ilinniartinneqarnissat aammalu pisariaqartutigut ilinniartinneqarnissat uagut isumagissavarput.

Sulisutut security-mut tunngasumik sukumiisumik tunngaviusumik ilinniartinneqassaatit, pitsaassutsit Københavns Lufthavniani aammalu Europami mittarfinni allani atorneqartunut assingusut malillugit. Ilinniartitaaneq nunat tamat akornanni piginnaasaqarluartunik ilinniartitsisunit ingerlanneqassaaq, aammalu security-mi suliassanik assigiinngitsunik suliaqarnissamut piginnaasanik tunineqassaatit.

Ilinniartitaanerit naammassisimanerini aammalu piginnaasanik amerlanerusunik pissarsiaqarsimanikkut suliassat assigiinngitsut amerlanerit isumagisinnaalissavatit, kiisalu suliffeqarfiup iluani ineriartornissamut periarfissaqassallutit.

Uagut neqeroorutigaarput

• Aallarniutigalugu akissarsiaq: nal. akunneranut 150 kr.
• Sapaatip akunneranut nal. akunnerini 40-ni sulinermi qaammammut akissarsiaq miss. 26.000 kr. akileraaruteqannginnermi.
• Piginnaasat aammalu ilinniartitaanerit naammassineqartut naapertorlugit akissarsiat qaffatsinneqarsinnaanerannik periarfissaq.
• Peqqinnissamut sillimmasiissut.
• Akiliunneqarlutit ilinniartitaaneq aammalu piginnaasanik ingerlaavartumik ineriartortitsineq.
• Atorfik akisussaaffeqartoq aammalu ineriartornissamut periarfissagissaarfiusumik suliffik.
• Suleqatit akornanni ataatsimoorneq nukittooq.
• Nuup mittarfiata ingerlanneqarnerani ineriartortinneqarneranilu pingaarutilimmik inissisimanissaq.

Atorfinitsitsineq Greenland Airportsimi piffissami pineqartumi atugassarititaasut atuuttut malillugit pissaaq.

Suliffiup piffissaa

Security timmisartuussinerit malillugit sulisarpoq, taamaattumik suliffiup piffissaa allanngorartuuvoq. Ullaakkut, ullukkut unnukkullu nikerartumik sulisarnissannut, kiisalu sapaatit akunnerata naanerini aammalu ulluni nalliuttuni sulisarnissannut piareersimasariaqarputit.

Isumannaallisaanermut akuersissummik pissarsineq

Atorfinitsinneqarnissamut piumasaqaataavoq tunuliaqutaasumik misissuinermik aammalu isumannaallisaanermut akuersissummik naammassinnillutit akuerisaasinnaanissat.

Taamatuttaaq silaannakkut angallannermut isumannaallisaanermut tunngasunik sulinissamut pisariaqartutut ilinniartitaanerit misilitsinnerillu pinngitsoorani ingerlanneqartussat naammassillugillu angusinnaasariaqassavatit.

Qinnuteqaat

Takorloorsinnaagukku Nuummi mittarfimmi Security-mi suleqataalernissat, taava qinnuteqaativit tigunissaanut qilanaarpugut.

Isumannaallisaanermut uppernarsaat:

Atorfimmut innersuunneqassaguit piumasaqaataavoq isumannaallisaanermut akuerineqaqqaarnissat. Tamannalu pissaaq pinerlussimannginnermut uppernarsaatip ilanngullugu nassiunneratigut. Taannalu illoqarfigisanni politeeqarfinni pissarsiarineqarsinnaavoq imaluunniit www.sullissivik.gl aqqutigalugu aaneqarsinnaalluni. 

Atorfik pillugu paasisaqarnerorusukkuit apeqqutissaqaruilluunniit ulluinnarni aqutsisoq Pollas Lyberth poly@airports.gl attavigiuk.

Oqaloqatiginninnrit ingerlaavartumik ingerlanneqassapput

Apeqqutit naliginnaanerusut HR-afdelingimut emailikkut nassiunneqassapput: hr@airports.gl 

Soqutiginnippit?

Isumannaallisaanermut immikkoortortami suleqataalernissat soqutiginartikkukku, CV aammalu paasissutissat pingaartut linkimut ataaniittumut nassiunneqassapput kingusinnerpaamik 30. September 2026.

Sumiiffiit

Hovedkontoret Nuuk

ATS Koordinator

Greenland Airports-imi ATS-chefimut aammalu ataatsimut ATS-qarfiup sulineranik ikorfartuisussamik, aaqqissuussilluarsinnaasumik akisussaassusilimmillu ATS Koordinator-imik pissarsiorpugut. Suliffimmi pingaarnertut suliassat tassaassapput ataqatigiissaarineq, uppernarsaatinik suliaqarnermut, allaffissorneq aammalu malitseqartitsineq.

ATS Koordinator-itut ATS-qarfiup iluani suliassat amerlasuut, suleqatigisartakkat assigiinngitsut aammalu malittarisassat piumasaqaataat eqqarsaatigalugit ataatsimut isiginninnermik, siuariartornermik aaqqissuussaanermillu pilersitseqataassaatit. ATS-p qitiusumik immikkoortortaqarfianut ilaassaatit, ATS-chefimut aammalu Head of Training ATS-imut qanittumik suleqateqassallutit, kiisalu Greenland Airports-ip immikkoortortaqarfiini ATS-imi suleqatigiit aammalu suliassaqarfinni tapertaasuni assigiinngitsuni suleqatigineqartassallutit.

Atorfik tapersersuisutut aammalu ataqatigiissaarisutut inissisimavoq, timmisartuussinermut angallannermullu sullissinerni (lufttrafiktjenester) nammineq immikkut akisussaaffimmik suliamut tunngasumik imaluunniit ingerlatsinermut tunngasumik akisussaaffeqarnani. Kisianni pingaarutilimmik inissisimassaatit qulakkeerniarlugu suliassat, aalajangiinerit, uppernarsaatit aammalu malitseqartitsinerit piffissaq eqqorlugu, aaqqissuussaasumik aammalu piginnaassuseqarluartumik ingerlanneqarnissaat.

Qitiusumik allaffeqarfipput Nuummi inissisimavoq, taamaattumik suliffiup sumiiffissaa pingaarnerpaaq Nuummiissaaq. Greenland Airports-ip aaqqissuussaanerata iluani immikkoortortaqarfiit assigiinngitsut akornanni suleqatigiittoqarnissaa aammalu sulinermut atatillugu angalasoqarsinnaanera naatsorsuutigineqassaaq. Toqqaannartumik ATS-chefimut nalunaaruteqartassaatit.

Akisussaaffigisassat suliassallu pingaarnerit

• ATS-chefimut ATS-imut tunngasunik suliassanik ataqatigiissaarinermut, pilersaarusiornermut aammalu malitseqartitsinermut tapersersuisassaatit.
• Ulloq killiliussat, aalajangiinerit, iliuusissatut pilersaarutit aammalu suliassat suli naammassineqanngitsut pillugit ataatsimut takunnissinnaaneq pilersissavat attatissallugulu.
• Ataatsimiinnernut imaqarniliorneq, aalajangiinernik nalunaarsuutit, killiffimmik nalunaarutit, ataatsimiinnermut atortussat aammalu malitseqartitsinermut takussutissat suliarissavatit.
• ATS-imi immikkoortortaqarfinnit, MET, CNS, AIS, Safety, Quality & Compliance, HR aammalu suliassaqarfiit allat attuumassuteqartut paasissutissanik tunniussinerannik ataqatigiissaarisassaatit.
• Periutsit, ilitsersuutit, suleqatigiinnissamut isumaqatigiissutit aammalu ATS-imut tunngasunik allanik uppernarsaatinik suliaqartassaatit.
• Audits, nakkutilliinerit, nassaarisat (findings), maluginiakkat aammalu iluarsiissutissatut iliuusissat pillugit malitseqartitsinermut peqataassaatit.
• ATS-chefip allannguutinik aqutsineranut tunngasumik suliaqarnermut tapersersuisassaatit, tassunga ilanngullugit uppernarsaatinik suliaqarnermut, tusarniaanernut, atuutsitsilernermut malitseqartitsinermut aammalu killiffimmik nalunaaruteqartarnermut.
• ATS-qarfimmi sulisussarsiornernut aammalu sulilersussanik piareersaanermut (onboarding) tunngatillugu allaffissornikkut ataqatigiissaarinermut tapersersuisassaatit.
• Atortut aammalu aalajangiinissamut tunngavissat aaqqissuulluagaasut, nutarterneqarsimasut aammalu ajornanngitsumik pissarsiarineqarsinnaasut qulakkiissavatit.

Akisussaaffigisassat suliassallu tulleriiaarneqartut

• ATS-qarfiup aqutsisunut paasissutissanik aammalu nalunaarusianik suliaqarnermut peqataassaatit.
• ATS-imut tunngasunik pisoqartartunut aammalu nalunaarusianut tunngatillugu allaffissornikkut malitseqartitsinermut tapersersuisassaatit.
• Ataatsimiinnernut, audits-inut, oqartussaasunik oqaloqatiginninnernut aammalu aqutsisut ataatsimiittarnerinut atortussanik piareersaanermut ikiuutissaatit.
• ATS-qarfiup iluani suliniutinut aammalu pitsanngorsaanissamut suliniutinut attuumassuteqartunut peqataassaatit.
• Suleriutsinik, malitseqartitsinermut atortunik aammalu uppernarsaatinik aaqqissuussaanermik ingerlaavartumik pitsanngorsaanermut peqataassaatit.

Illit pillutit

Eqqarsaatigaarput aaqqissuussinermut, allaffissornermut, uppernarsaatinik suliaqarnermut, compliance-imut, suliniutinut tapersiinermut imaluunniit assingusumik sulinermut misilittagaqartutit, pingaartumik aaqqissuussami ajornakusoortumi. Iluaqutaassaaq timmisartuutileqatigiinnermut, mittarfeqarfinnik ingerlatsinermut, safety-mut, quality-mut imaluunniit oqartussaasunit malittarisassatigut aqunneqartunut ilisimasaqareeruit. Kisianni pingaarnerpaavoq aaqqissuussaasumik sulisinnaanissat, suliassanik malitseqartitsisinnaanissat aammalu ulluinnarni suliassat amerlasuut ataatsikkut ingerlanneqartillugit ataatsimut takunnissinnaanissat.

Atorfimmi aalajangiinernut aammalu suliamut tunngasunik apeqqutinut qanittumik inissisimassaatit, kisianni suliassat pingaarnerpaat tassaassapput allat pitsaasumik ataqatigiissaarinikkut, erseqqissumik uppernarsaatinik suliaqarnikkut aammalu piginnaassuseqarluartumik malitseqartitsinikkut tapersersornissaat.

ATS Koordinator-itut suleqatigineqartartut amerlaqaat, ATS-chef, Head of Training ATS, sumiiffinni ATS-/AFIS-funktionit, MET, CNS, AIS, Safety, Quality & Compliance, HR aammalu suleqatigisartakkat allat attuumassuteqartut qanittumik suleqatigissavatit.

Immikkut pingaartipparput, illit:

• Suliassanik, uppernarsaatinik aammalu malitseqartitsinermik aaqqissuussaasumik aammalu systematisk-imik periuseqartutit.
• Suliassat ataatsimut isigalugit takunnissinnaasutit aammalu ulloq killiliussat, aalajangiinerit aammalu akisussaasut malinnaaffigisinnaagitit.
• Allakkatigut ersarissumik eqqoqqissaartumillu allassinnaasutit, tassunga ilanngullugit imaqarniliat, killiffimmik nalunaarutit aammalu aalajangiinissamut tunngavissat.
• Nammineq sulisinnaasutit aammalu suliassat siuariartornissaannut akisussaaffimmik tigusisinnaasutit.
• Suleqatigiinnissamut piareersimasuusutit aammalu soqutigisaqaqatigiit amerlasuut aammalu suliatigut akisussaaffiit assigiinngitsut akornanni piginnaassuseqarluartumik sulisinnaasutit.
• Timmisartuutileqatigiinnermut, mittarfeqarfinnik ingerlatsinermut aammalu malittarisassatigut piumasaqaataanut soqutiginnittuusutit.
• Digitalinik atortunik, uppernarsaatinik aqutsinermut, Excel-imut, SharePoint-imut aammalu Microsoft 365-imut sungiussilluarsinnaasutit.
• Danskit tuluttullu allattariarsornikkut oqalunnikkullu piginnaasaqartutit. Kalaallisut piginnaasaqarneq iluaqutaassaaq.

Neqeroorutigaarput

Suliffik pissanganartoq qitiulluinnartorlu ataqatigiissaarinermut tapersiinermullu tunngasoq neqeroorutigaarput, inuiaqatigiinnut pingaarutilimmik inissisimasumi aammalu ineriartortitsinissamut suliassanik pingaarutilinnik amerlasuunik ingerlatsivimmi. Immikkoortortaqarfimmi aaqqissuussaanermut, uppernarsaatinik suliaqarnermut, ataqatigiissaarinermut aammalu malitseqartitsinermut pingaaruteqaqisumut ilaassasutit, taakkulu isumannaatsumik aammalu sunniuteqarluartumik ingerlatsinermut pingaaruteqarlutik.

Timmisartuutileqatigiinnermut tunngasunik sulianik, ilinniartitaanermut piginnaasanillu aqutsinermut, aqutsinermut aaqqissuussanut, oqartussaasut piumasaqaataannut aammalu Greenland Airports-ip iluani suleqatiginnittarfinnut qanittumik suliaqarnissamut periarfissaqassaatit. Atorfik ATS-qarfiup iluani aammalu ingerlatsinerup, training-ip, compliance-ip, safety-p, quality-p aammalu aqutsinerup akornanni suleqatigiinnerup qanoq ingerlanneqarneranik annertoorujussuarmik paasisaqarfiussaaq.

Akissarsiat immikkut isumaqatigiissuteqarnikkut inissinneqassapput, atorfimmut piumasaqaatit aammalu illit piginnaasatit naapertorlugit. Sulinngiffeqarnissamut il.il. pisinnaatitaaffiit Kalaallit Nunaanni sulinngiffeqarnermut inatsit atuuttoq naapertorlugu katersorneqarlutillu atorneqassapput, tassungalu ilanngullugu Greenland Airports sapaatip akunneranik ataatsimik immikkut sulinngiffeqartitsivoq.

Atorfinitsinneqarnissamut piumasaqaataavoq isumannaallisaanermut akuersissummik (sikkerhedsgodkendelse) suliassamut naleqquttumik qaffasissusilimmik pissarsisinnaanissat aammalu atorfininnermi piffissaq tamaat akuersissummik attassisinnaanissat.

Paasisaqarnerugit

Paasissutissat amerlanerusut piniarneqarsinnaapput atorfinitsitsiniarnermi ikiortaasoq Karina Sloth O’Donnell attavigalugu telefonikkut +45 25 26 47 72 mailerfigaluguluunniit uunga: karina@hald-lie.dk imaluunniit Kristoffer Heiselberg/ATS-Chef-imut +299 48 74 74-imut imaluunniit mailimut uunga kris@airports.gl attaveqarnikkut.

Qinnuteqaat CV-mik aammalu ilinniarsimanermut uppernarsaatinik/certifikat-inik attuumassuteqartunik ilallugu, ataani linki aqqutigalugu nassiunneqassaaq kingusinnerpaamik 23. september. Qinnuteqaatit aammalu oqaloqatiginninnerit ingerlaavartumik ingerlanneqassapput.

Qinnuteqaativit tigunissaanut qilanaarpugut.

Qinnuteqaatit e-mailikkut nassiunneqartut tiguneqassanngillat.

Sumiiffiit

Qaqortoq

Qaqortumi mittarfimmi nutaami digital-ikkut atortorissaartumi AFIS tårn-imi suleqatigilerusuppitigut? Taava immaqa illit suleqatissaraatsigit!

Qaqortumi mittarfik Kalaallit Nunaanni siullersaalluni digital-imik ingerlasumik AFIS tårn-eqarluni siulliuvoq, taamaattumik Qaqortumi AFIS-imi sulisoqarneq annertusarparput.

Atorfininneq piaartumik pissaaq, imaluunniit isumaqatigiissuteqarnikkut.

Suliassatit:

• Timmisartoqarfimmi timmisartuussinermut paasissutissiinermik sullissineq aamma kalerrisaarinermut sullissineq.
• Silassap nakkutigineqarneranut sullissineq.
• Paasissutissiinermut suliassat suliarineri. (Immikkuutaarlugit)
• Mittarfeqarfimmi imaqarniliornerit, allaffissornermullu suliassat aqunneri (havnekontor suleqatigalugu).
• Qaammatikkaartumik pingaartuuffissat aalajangersimasut, kisiannili unnuakkut nalliuttunilu suliartoqqusaasarnissaq naatsorsuutigineqassaaq.
• Mittarfeqarfinnut allanut piffissami aalajangersimasumi suliartoqqusaasarnissaq pisarsinnaavoq, Greenland Airports-ip pisariaqartitsinera malillugu.

Piginnaasat

• AFIS-certifikat atorsinnaasumik peqarneq (minnerpaamik) AFI.
• Vejrobservatør-itut ilinniagaqarsimaneq.
• OJTI-mut pikkorissarsimanermut allagartaq atorsinnaasoq, kisiannili piumasaqaataanngilaq.
• Qarasaasialerinermut naliginnaasumik atuisinnaaneq.
• Qallunaatut, Tuluttullu oqalussinnaaneq aammalu Kalaallisut oqalussinnaasutit neriuutiginarpoq.

Mittarfeqarfiit neqeroorutigaat

• Atorfinitsinneqarneq malittarisassat Serviceforbund-imi piumasaqaatit malillugit.
• Atorfinitsinneqarnermi aammalu soraarnermi angallannermut piumasaqaatit malillugit akiliunneqarneq.
• Atorfimmut tunngatillugu piumasaqaatit malillugit inissaqartitsisoqarsinnaavoq.

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit isumannaallisaanikkut akuerisaasinnaanissat piumasaqaataavoq. Piumasaqaatit saniatigut peqqissutsimut akuersissummik atuuttumik peqassaatit.

Paasisaqarnerugit

Atorfimmut tunngatillugu paasisaqarnerorusukkuit apeqqutissaqaruilluunniit ulluinnarni aqutsisuugallartoq attaviginissaanut tikilluaqqusaavutit Semion Nielsen mailikkut seni@airports.gl

Apeqqutit sukumiinerusut pillugit apeqqutissaqaruit immikkoortortaq HR attavigiuk uunga mail: hr@airports.gl

Qinnuteqarneq

Atorfimmut soqutiginnikkuit piaartumik qinnuteqaatit, CV ilinniarsimanermullu uppernarsaatit ilanngullugit ataani link tungassaq toorlugu nassiutikkit imaluunniit kingusinnerpaamik ulloq 1. oktober 2026.

Savalimmiuni kapisilinnut suliffissuarmi kantinamut igaffimmi ikiortissarsiorneq!

Ukiaanerani ukiuuneranilu qaammatini arfinilinni Savalimmiuni najugaqarlutillu sulerusuppit? Aalisakkanik suliffissuaq oktobarimi aallartittussamik kantinamut sulisussarsiorpoq!

Aalisakkanik tukertitsivimmi sulisut 120-it missaanniittut nerisassaannik suliaqartussamik maanna Nordjobberimik ataatsimik sulisussarsiorput. Sulineq 1. oktoberimi aallartissaaq, qaammatillu arfinillit ingerlassalluni. Siusinnerusukkut misilittagaqarsimanissaq kissaatigineqarpoq. Suliaq timikkut artornarsinnaammat tamatumunnga piareersimasariaqarputit.

Sørvágur illoqarfiuvoq nuannersoq, Mykinesimut qeqertamut kusanartumut angallammik attaveqartoq. Illoqarfimmi aamma caféqarpoq, ulluinnarni pisiniarfeqarluni kiisalu Tórshavnimut bussinik angallassisoqartarluni.

Pingaaruteqarpoq isumaqatigiissutigineqartup suliffiup piffissaanut tamarmut sulisinnaanissat.

Suliassat

Igaffimmi suliassat nalinginnaasut, soorlu nerisassanik ajornanngitsunik iganeq aamma saliineq, kantinami suleqatigiit allat pingasut peqatigalugit.

Suliffiup piffissaa

Suliffiup piffissaa allanngorarsinnaassaaq. Suliffeqarfiutilimmut isumaqatigiissutigineqassaaq.

Akissarsiat

Akissarsiat tassaapput nalunaaquttap akunneranut 161,79 DKK missaanni. Savalimmiuni akileraarut 45 %-iuvoq, Nordjobberilli akileraarutinut ilanngaateqartinneqartarput. Suliffiup nalaani immikkut sulineq isumaqatigiissut naapertorlugu akilerneqassaaq.

Inissaq

Nordjobberit allat peqatigalugit illumi najugaqassaatit. Inissaq qaammammut akeqarpoq:

• 3.714 DKK — ineeraq kisermaattariaq
• 2.877 DKK — marlunnik ineerartalik

Piumasaqaatit

Suliffiup piffissaanut tamarmut sulisinnaasariaqarputit. Suliffeqarfimmi nerisassanik iganermik misilittagaqarsimanissat iluaqutaassaaq.

Paasissutissat allat

Sulisussarsiornermi qinnuteqaatit ingerlaavartumik suliarineqartassapput, taamaattumik qinnuteqaativit nassiunnissaanut kinguarsarnagu!

Nordjobb formidler sæsonarbejde, bosted og kultur- og fritidsprogram til unge mellem 18 og 30 år. At nordjobbe er både en værdifuld arbejdserfaring og en måde at udforske et af dine nabolande på. Gennem dit Nordjobb vil du opleve, hvordan det er at bo i et andet nordisk land mens du møder andre nordjobbere og får nye venner fra alle Nordens hjørner.

Bemærk, at du ikke kan søge Nordjobb i dit eget land.
Det er dog fuldt muligt at søge job mellem Danmark, Grønland og Færøerne samt mellem Finland og Åland.

Tórshavnimi saqisutut sulerusuppit?

Saqisunik sisamanik sulisussarsiorpugut, neriniartarfinni assigiinngitsuni marlunni sulisussanik. Ukiakkut Tórshavnimi kusanartumi isigiuminartumilu najugaqarlutillu sulisinnaanissannik soqutiginnippit? Tórshavnip qiterpiaani neriniartarfimmi immikkut pitsaassusilimmi, pitsaassutsimik pingaartitsiffiusumi, nuannersumik suleqatigiit ilagalugit sulisinnaavutit. Aamma periarfissaqarputit nunap avannaani pinngortitap, kulturip illoqarfimmilu inuunerup immikkuullarissumik ataatsimoorneranik misigisaqarnissamut.

Tórshavn tassaavoq Savalimmiuni illoqarfiit pingaarnersaat kiisalu Atlantikup Avannaani inissisimasoq. Illoqarfik pisuinnarnut pitsaasumik naleqqussagaq Streymoyip qeqertaani kujataatungaani inissisimavoq, nunaqarfiillu eqqaaniittut ilanngullugit innuttaasut 20.000-it missaanniipput. Tórshavnimi neriniartarfiit kaffisorniartarfiillu amerlasuut pigineqarput, aammattaaq filmertarfik, naluttarfik timersortarfiillu.

Suliassat

• Nuannersumik avatangiiseqalersitsineq qulakkeerlugulu isersimasullu tikilluaqqusaasutut misigitillugit
• Neriniartarfimmi pulaartunut nerisassanik sassaalliineq pitsaasumillu sullissineq
• Pulaartut naammagittaalliutaannik imaluunniit oqaaseqaataannik pisariaqartillugu isumaginninneq
• Neriniartarfiup saligaatsuutinneqarnissaa aserfallatsaaliorneqarnissaalu

Piumasaqaatit

• Saqisutut sulinermik misilittagaqarputit
• Suliffimmi ilaannikkut ulapaarfiusumi sulineq nuannaraat
• Scandinaviami oqaatsit minnerpaamik ataatsit (qallunaatut, svenskitut imaluunniit norskisut) kiisalu tuluttut oqalussinnaavutit

Illit pillutit

Atorfik naleqquppoq sullissilluarnissamik nuannarisalinnut, nunanit assigiinngitsuneersut akornanni sulinermik nuannarisalinnut kiisalu avatangiisini kusanartuni ulluinnarni suliffimmik pissanganartumik kissaateqartunut.

Akissarsiat

Akissarsiat tassaapput 161,79 DKK (miss. 21,6 EUR, 238 SEK, 236 NOK, 3.075 ISK) kiisalu ilassutit, akileraarutit suli ilanngaatigineqanngitsut.

Suliffiup piffissaa

Sapaatip akunneranut miss. 40 tiimit. Sapaatip akunnerata naanerani aamma sulisarnissaq naatsorsuutigineqassaaq.

Suliffiup piffissaa

1. november 2026 – 2. januar 2027.

Inissaq

Nordjobb inissamik nassaarnissamut ikiuutissaaq. Akigitinneqartut nalinginnaasumik qaammammut 3.500–6.000 DKK akornanniipput.

Paasissutissat allat

Oqaloqatiginninnerit qinnuteqaatit takkussuuttut naapertorlugit ingerlaavartumik ingerlanneqartassapput, taamaattumik qinnuteqaatit sapinngisamik piaartumik nassiutissavat!

Islandimi nunaqarfimmi inuunermik misigisaqarnissaq kiisalu nunalerineq uumasunillu paarsineq pillugu misilittagaqarnissaq takorluugaraajuk?

Maannakkut Nordjobberimik sulisussarsiorpugut Vest-Húnavatnssýsla-mi, Islandip avannamut kitaaniittumi, nunaleriffimmut. Nunaleriffik assigiinngitsunik suliaqarluni ingerlatsivoq, tassani nersussuarnik immuiaaneq savanillu paarsineq. Kisianni suliassat pingaarnertut nersussuit immuiarnissaat aamma nersutaatit inaanni ulluinnarni suliassani tunnganerupput.

Suliassat ilaatigut tassaassapput nersutinik nerukkaaneq, saliineq kiisalu nunaleriffimmi suliassat allat pisariaqartinneqartut. Suliaq timikkut nukittuujunissamik piumasaqaateqarpoq, taamaattumik timikkut pitsaasumik inissisimallutit sulianillu piviusunik suliaqarnissaq nuannarisariaqarpat.

Periarfissaq pitsaasoq illit Islandimi pinngortitamik aamma Islandimi nunaqarfimmi ulluinnarni inuunermik misigisaqarnissannut.

Suliassat

• Nersussuarnik immuiaaneq nerukkaaneq paarsinerlu
• Nersutit inaanni saliineq ulluinnarnilu suliassat
• Nunalerinermi suliassat nalinginnaasut allat
• Pisariaqartitsineq naapertorlugu suliassat allat assigiinngitsut

Piginnaasat

• Timikkut nukittuujuneq aamma pitsaasumik timikkut inissisimaneq
• Tatiginartuullutit akisussaassuseqartuullutillu
• Timersorluni sulineq suliassallu nukersornartut qunugissanngilatit
• Nunalerinermut uumasunillu paarsinermut soqutiginnittuullutit
• Uumasunik paarsinermut misilittagaqarnissaq iluaqutaavoq, piumasaqaataananili
• Nikerartumik sulisinnaasutit ilinniarnissamullu piumassuseqarlutit
• Pujortartartuunngitsutit

Suliffiup piffissaa

Oktober 2026-miit januar 2027-mut imaluunniit isumaqatigiissuteqarnikkut sivisunerusumik.

Suliffiup piffissaa

Sapaatip akunneranut miss. 48 tiimit.

Akissarsiat

Akissarsiat isumaqatigiissutit naapertorlugit.

Suliffiup inissisimaffia

Vest-Húnavatnssýsla, Islandip avannamut kitaani.

Inissaq nerisassallu

Suliffeqarfiutilik inissaqartitsillunilu nerisassanik neqerooruteqarpoq, taakkulu atorfinitsitaanermut ilaapput.

Qinnuteqaat attaveqarnerlu

Atorfik soqutigigukku qinnuteqarnissamut immersugassaq immersoruk, qinnuteqaatit suliffeqarfiutilimmut ingerlateqqissinnaaniassagatsigu. Eqqaamallugu atorfimmut qinnuteqarnermi nalunaarummi qinnuteqarnissamut tuugassaq aqqutigalugu qinnuteqassasutit, qinnuteqaatillu toqqaannartumik Nordjob-imut nassiunnagu.

Apeqqutissaqaruit Nordjobb Island attavigisinnaavat uunga: +354 680 7477 / island@nordjobb.org.

Nordjobb formidler sæsonjob, bolig samt et kultur- og fritidsprogram til unge mellem 18 og 30 år. Nordjobb er både en værdifuld arbejdsoplevelse og en mulighed for at udforske et af dine nabolande. Gennem Nordjobb får du mulighed for at opleve, hvordan det er at bo i et andet nordisk land, samtidig med at du møder andre nordjobbere og får nye venner fra hele Norden.nordjobb+1

Bemærk, at du ikke kan søge Nordjobb i dit eget land. Det er dog fuldt ud muligt at søge job mellem Finland og Åland samt mellem Danmark, Grønland og Færøerne

Sumiiffiit

Hovedkontoret Nuuk

Kalaallit Nunaanni mittarfiit ingerlatsinerannik siuttuujumavit?

Greenland Airports misilittagaqarluartumik iliuuseqarsinnaasumillu Head of Aerodromes-imik sulisussarsiorpoq, Kalaallit Nunaanni mittarfiit selskabip pigisai 12-it aqunneqarnerannik ingerlatsinerannillu akisussaasussamik. Nuuk Ilulissallu aaqqissuussaanikkut atorfiup akisussaaffiata avataani inissisimapput.

Head of Aerodromes-itut peqatigiiffiup iluani pingaarutilimmik inissisimassaatit, akisussaaffigalugulu safety, ingerlatsineq, periusissiaq, aningaasaqarneq kiisalu aaqqissuussaanikkut ineriartortitsineq akornanni ataqatigiissitsisoqarnissaa.

Mittarfinni pisortat aqutsisorissavaatsit, ataatsimoortumik sammiviliinissamut, nukissanik pingaarnersiuinissamut kiisalu mittarfiit akimorlugit ingerlatsinermut, aqutsinermut angusanullu malitseqartitsinissamut piginnaatitaaffeqarlutit.

Suliamut pingaarutilittut ilaassaaq ingerlatsinerup isumannaatsuunissaa, aalajaatsuunissaa sunniuteqarluartuunissaalu qulakkiissallugu, peqatigisaanillu mittarfiit nunami inissisimanermikkut ingerlatsinermikkullu atugaat assigiinngitsut eqqarsaatigineqassallutik.

Atorfik aqutsisumik ersarissumik aqutsisinnaasumik pisariaqartitsivoq, mittarfinni pisortat akornanni aqutsisinnaasumik, ataatsimoortumik sammiviliisinnaasumik kiisalu safety, ingerlatsineq, aningaasaqarneq aamma aaqqissuussaanikkut ineriartortitsineq eqqarsaatigalugit mittarfiit akimorlugit angusanik qulakkeerisinnaasumik.

Akisussaaffigisassatit

Ataatsimut akisussaaffigissavatit:

• Selskabip mittarfiini pisortanik aqutsineq, ineriartortitsineq isumasiueqatigiinnerlu
• Greenland Airportsip mittarfiini isumannaatsumik, aalajaatsumik sunniuteqarluartumillu ingerlatsineq
• Ingerlatsinermi anguniakkanik, naammassinninneq periusissianullu suliniutinik malitseqartitsineq
• Isumalluutinik aqutsineq ingerlatsinermilu suliniutinik pingaarnersiuineq
• Oqartussaasut piumasaqaataannik, suleriaatsinik aamma suliffeqarfiup iluani standardinik malinninneq
• Suliffeqarfiup akimorlugu pitsanngorsaanernik, allannguutinik aaqqiissutissanillu nutaanik atuutsitsilerneq
• Oqartussaasunik, timmisartortitseqatigiiffinnik soqutigisaqaqatigiinnillu allanik suleqateqarneq
• Safety-kulturi nukittooq pilersillugu, ingerlaavartumik pitsanngorsaanermut ukkataqarneq
• Pisoqarnernik, aarlerinartunik, ajornartorsiutinik misissuineq pinaveersaartitsinerlu
• Aaqqissuussaanikkut ingerlatsinikkullu allannguutinik sunniuteqarluartumik naammassinninneq
• Mittarfiit akimorlugit ingerlatsinermi piginnaassuseqarluarnerup aamma qaffasissumik aaliangersimasunik malittarisaqarnerup qaffasissuunerata qulakkeerneqarnera

Aqutsisoq ujartugarput:

• Suliffeqarfinni anginerusuni ingerlatsinermik misilittagarluartoq
• Aqutsisut aqqutigalugit aqutsinermik misilittagaqartoq
• Aaqqissuussaanikkut, sammiviliinikkut aamma naatsorsuutigisat ersarissuuneratigut angusanik pilersitsisinnaasoq
• Aaliangiisinnaasoq periusissiallu iliuusissanut tigussaasunut allanngortissinnaallugu
• Suleqatigiinnermut attaveqatigiinnermullu piginnaaneqarluartoq
• Safety management-imik aamma safety-mik pingaarutilimmik ingerlatsiviup iluani aarlerinartunik aqutsinermik paasinnissinnaasoq
• Ajornartorsiutinik paasiuminaatsunik soqutigisaqaqatigiinnillu amerlasuunik suliaqarnermik nuannarisaqartoq
• Ingerlatsinermi aningaasaqarnermik, isumalluutinik pingaarnersiuinermik aamma performanceledelse-mik misilittagaqartoq
• Ataatsimoorussanik standardinik najukkani pisariaqartitanik aamma ingerlatsinermi atugassanik assigiinngitsunik oqimaaqatigiissitsisinnaasoq
• Qallunaatut kalaallisut allattariarsorlunilu oqalunnikkut pisinnaasaqartoq
• Kalaallit kulturiannik inuiaqatigiillu pissusaannik ilisimasalik

Tamatuma saniatigut naatsorsuutigaarput, makkuninnga ilisimasaqarluartuusutit:

Safety management, risk management, Management of Change (MoC) kiisalu suliffeqarfimmi malittarisassanik malittarinninnermut aamma pitsaassutsimik sulinermut tunngasunik ilisimasaqarluartuussaatit.

Qaffasissumik immikkoortut tamaasa immikkut ilisimasalissuusariaqanngilatit, kisianni suliassaqarfinni immikkut ilisimasallit aqqutigalugit aqutsisinnaassaatit aammalu piumasaqaatit, aarlerinartut aamma aaqqiissutissat iluarsiissutaasussat malitseqartinneqarnissaat qulakkeerlugu.

Timmisartornermik, mittarfeqarnermik, angallannermik, nukissiuuteqarnermik imaluunniit atortulersuutinik pingaarutilinnik allanik ingerlatsinermik misilittagaqarnissaq iluaqutaassaaq.

Neqeroorutigaarput

Greenland Airportsimi Kalaallit Nunaata inuiaqatigiinnut ineriartortinneqarneranullu pingaarutilimmik inissisimasumi suliffeqarfiup ilagilissavaatit.

Uagut neqeroorutigaarput:

• Aqutsinermi atorfik pingaarutilik sunniuteqangaatsiarnissamik periarfissaqartoq
• Mittarfinni pisortat aqqutigalugit sammiviliinissamut angusanillu pilersitsinissamut piginnaatitaanerup ersarissuunera
• Kalaallit Nunaanni mittarfiit akimorlugit ingerlatsinermut aqutsinermullu akisussaaffik
• Siunissami mittarfiit ingerlatsinerannik ineriartortitsinermut sunniuteqarnissamut periarfissaq
• Suliffeqarfiup iluani suliamut tunngasumik nukittuumik avatangiiseq, aqutsisunik immikkut ilisimasalinnillu pimoorussisunik peqarluni
• Suliamut tunngasumik inuttullu ineriartortitsinissamut periarfissat pitsaasut

Aaqqissuussaanikkut inissisimaneq

Head of Aerodromes toqqaannartumik COO / Driftsdirektøren / Accountable Manager-imut nalunaaruteqartassaaq, Greenland Airportsillu mittarfiini pisortat arlalinnik aqutsisuussalluni.

Atorfik selskabip timmisartornermut tunngasumik aqutsinerani pingaarutilittut ilaassaaq, suliffeqarfiup tamarmiusup ineriartortinneqarneranut, safety-mut aamma ingerlatsinermut suleqataalluarluni.

Atorfik Nuummi qullersaqarfimmi inissisimavoq, Kalaallit Nunaanni Greenland Airportsip mittarfiinut sumiiffiinullu allanut angalangaatsiartarnissaq ilanngullugu.

Qinnuteqaat

Qinnuteqaatit aamma CV-it nassiutereersimassavatit kingusinnerpaamik 24.9.2026.

Atorfik pillugu apeqqutissaqaruit, Niels Grosen attavigisinnaavat oqarasuaatikkut +299 52 79 89 imaluunniit ngr@airports.gl, imaluunniit atorfinitsitsisussaq Mie Rajcic oqarasuaatikkut +299 56 05 79 imaluunniit mira@airports.gl.

Tusarnissannut qilanaarpugut.

Mittarfeqarfiit, Greenland Airports, Kalaallit Nunaanni mittarfinnik 13-inik heliportinillu 46-nik ingerlatsivoq. Ukiumut 60.000-init amerlanerusunik timmisartuussinernik (tinginerit miffiginerillu) isumaginnittarpugut aammalu ilaasunik 350.000-init amerlanerusunik sullissisarluta. Sulisut 400-t missaanniittut nunatsinni suliffiit annerpaat ilaanniippugut, aammalu sulisut suliffeqarfiullu ineriartortinneqarnissaat ingerlaavartumik sulissutigisarparput. Taamaattumik sullissinerit ilinniartitseqqinnerillu assigiinngitsut neqeroorutigisarpagut, inuiaqatigiillu ineriartortinneqarnerannut pitsaasumik peqataasinnaalluta.

Sumiiffiit

Nuuk

Nuummi Nunat tamalaat akornanni Mittarfik elektrikerimik / mittarfiup qaammaqqutaanik kiisalu peqqumaatinik aqutsisumik sulisussarsiorpoq.

Elektrikeritut mittarfiup qaammaqqutaanik aamma peqqumaatinik aqutsisutut akisussaaffeqaruit, mittarfiup qaammaqqutaasa, mittarfiup qaammaqqutaanik kiisalu atortulersuutit attuumassuteqartut pitsaasumik ingerlaannarnissaat qulakkeeqataaffigissavat. Peqatigitillugu reservedele-nik, atortussanik atortuutinillu peqqumaatinut inissinneqarsimasunik tamakkiisumik paasisimasaqartussaassaatit.

Suliassat pingaarnerit tassaassapput:

• Mittarfiup qaammaqqutaanik, mittarfiup mittarfiullu angallaffigisartagaani (taxiway) qaammaqqutinik, PAPI-mik, nalunaaqutsersuutinik qaammaqqutinik kiisalu mittarfimmut attuumassuteqartunik allanik innaallagissamut atortulersuutinik aserfallatsaaliuineq, iluarsaassineq misilittaanerlu, atuuttutut standardit malillugit.
• Ajoqutilinnik ujarlerneq, atortunik taarsersuineq, eqqortumik ingerlaneq qulakkeerlugu kiisalu aserfallatsaaliuinermut atatillugu suliat Sertica aamma Opscom aqqutigalugit uppernarsaasiorlugit nalunaarsorneqarnissaat.
• Peqqumaatinik aqutsineq: reservedele-nik, kabelinik, qullernik, atortussanik kiisalu atortunik allanik pisariaqartunik tigooqqaanerit, toqqorterinerit aamma paarlaasseqatigiittarnerit. Peqqumaatit ingerlatsinerup pisariaqartitaanut tamatigut naapertuuttuunissaat qulakkeerlugu. Aamma Facility-afdelingimik qanittumik suleqateqarneq, assersuutigalugu bagagebåndinut reservedele-nik kiisalu mittarfiup illuutaani atortulersuutinut innaallagissamut tunngasunut atortunik isumaginninnermi.
• Peqqumaatinik allaffissornikkut aqutsineq, tassunga ilanngullugit peqqumaatinik nalunaarsuisarneq, peqqumaatini qanoq innerannik nutarterisarneq, reservedele-nik nutaanik piniarneq kiisalu atuinermut nakkutilliineq aamma peqqumaatinik ulikkaartitsisarneq.
• Ingerlatsinermut aamma aserfallatsaaliuinermut suleqatit suleqatigalugit, aserfallatsaaliuinerit pilersaarutigineqartut, nutarterinerit imaluunniit iluarsaassinerit nalaanni atortussanik aamma reservedele-nik pisariaqartitanik pilersaarusiorneq.

Piginnaasat aamma kissaatigineqartut

• Elektrikeritut ilinniarsimasuunissaq imaluunniit taamatut naleqquttumik misilittagaqarnissaq.
• Peqqumaatinik aqutsinermik, logistikimik imaluunniit reservedele-nik / atortussanik aqutsinermik misilittagaqarnissaq.
• Isumannaallisaanermut periutsinik, innaallagissamut isumannaallisaanermik, mittarfiup malittarisassaanik kiisalu innaallagissamut atortulersuutinik suliaqarnermi uppernarsaatinik paasinnilluarnissaq.
• Aaqqissuussaasumik suleriaaseqarnissaq, tamakkiisumik takunnissinnaassuseqarnissaq kiisalu teknikkimut aamma allaffissornermut tunngasunik suliassanik nammineerluni suliaqarsinnaassuseqarnissaq.
• Nikerartumik atugassaqartitsinermi suliassanik ingerlaannaq takkuttunik, atortut ajortissimasunut iluarsiissutinik kiisalu aserfallatsaaliuinermik suliaqarnissamut piumassuseqarnissaq aamma allanngorartunik pissutsinut naleqqussarsinnaassuseqarnissaq.
• Innaallagissamut tunngasunik suliniutinut peqataasinnaaneq imaluunniit suliniutinik aqutsisinnaaneq, soorlu innaallagissamut tunngasunik atortulersuutinik pitsanngorsaanermi imaluunniit allanngortiterinermi.
• Ingerlatsinermi pingaarutilimmik akornuteqartoqarnerani sianerfigineqarnikkut sulinissamut aaqqissuussamut peqataasinnaanissaq.

Neqeroorutigaarput

• Piffissami tamakkiisumik atorfeqarneq, akisussaaffeqarnermik sunniuteqarsinnaanermillu imalik, mittarfiup isumannaatsumik ingerlanneqarneranut pingaaruteqartumik attaveqaatinik, mittarfiup aqquserngini qaammaqqutinik aamma peqqumaatinik akisussaaffeqarnermik.
• Suliffissat teknikkikkut unammillernartut, sulianik piviusunik aamma allaffissornikkut akisussaaffinnik imallit.
• Ilisimasaqarnermik piginnaasanillu siammasissumik atuisinnaaneq: innaallagissamut tunngasunik ilinniagaqarsimanerit, logistik, aserfallatsaaliuineq kiisalu uppernarsaasiorneq.

Apeqqutit nalinginnaasut Frederik Sommer-imut nassiunneqarsinnaapput:
frso@airports.gl
Mobil: 266381

Qinnuteqaatit ingerlaavartumik suliarineqassapput, sapinngisamillu piaarnerpaamik atorfinitsitsisoqassalluni.

Atorfimmut atatillugu inissiamik innersuussisoqarsinnaanngilaq.

Atorfininneq: Sapinngisamik piaarnerpaamik imaluunniit isumaqatigiissuteqarnikkut.

Qinnuteqarneq

Atorfimmut ilanngunneqarsinnaajumallutit qinnuteqaatit, CV kiisalu ilinniarsimanermut uppernarsaatit online aqqutigalugu, ataaniittukkut nassiunneqassapput kingusinnerpaamik 29. september 2026.

Sumiiffiit

Hovedkontoret Nuuk

Kalaallit Nunaanni timmisartuussinermi isumannaallisaanermut siuttutut inissisimarusuppit?

Greenland Airports misilittagaqarluartumik, tunniusimasumik aamma piginnaasaqarluartumik Head of Safety-mik sulisussarsiorpoq, taassuma ataatsimut Safety Management System (SMS)-put siulersussavaa, ineriartortissavaa nukittorsarlugulu.

Head of Safety-tut suliffeqarfiup safety-mut tunngasuni pingaarnerpaamik immikkut ilisimasallit akornanni qitiusumik inissisimassaatit. SMS-ip sunniuteqarluartumik ingerlanissaa, ulluinnarni ingerlatsinermut tapersiinissaa aammalu oqartussaasut piumasaqaataannik atuuttunik naammassinninnissaa akisussaaffigissavat – nunani tamalaani aamma nunap immikkoortuini mittarfinni.

Atorfik inuttut nukittuffissamik annertuumillu iliuuseqarsinnaassusissamik, kiisalu suliffeqarfimmi ajornakusoortumi nunarsuarmilu sumiiffinni assigiinngitsuni siammarsimasumi siuariartortitsisinnaassusissamik piumasaqarpoq. Suleriaatsit ileqquusut pitsaasumik apeqqusersorsinnaassavatit, pisoqarsimasut aamma ulorianartorsiutinik nalilersuinerit tunngavigalugit pitsanngorsaatinik aalajangersimasunik pilersitsisinnaassaatit, aammalu iliuusissatut aalajangiunneqartut naammassineqarnissaasa tungaanut malinnaaffigisinnaassallugit.

Atorfik attaveqarfinnik amerlasuunik ilaqassaaq, aammalu Greenland Airports-imi timmisartuussinermi isumannaallisaanerup ingerlaavartumik ineriartortinneqarnissaanut pingaaruteqartorujussuussalluni..

Akisussaaffiit

Ataatsimut akisussaaffigissavatit:

• Greenland Airports-ip ataatsimut SMS-ia siulersorlugu, paaralugu ineriartortillugulu, kiisalu oqartussaasut piumasaqaataannik malinnaaviginninneq
• MSM-ip (Management System Manual) paarinissaa nutarterneqartarnissaalu akisussaaffigalugu
• Safety-organisation siulersorlugu, suliassaqarfimmi sammivissamik aalajangersaaneq kiisalu safety-kulturi aamma just culture nukittorsarlugit
• Ulorianartorsiutinik, pisoqarsimasunik, nalunaaruteqartarnermik aamma aaqqiissutissatut iliuusissanik pilersaarusiorluakkamik aqutsineq
• Safety assessments aamma Management of Change ingerlannerisigut kiisalu safety performance-ip nakkutigineratigut nalunaarusiorneratigullu
• Safety-mut tunngasuni Trafikstyrelsen-imut Greenland Airports-ip pingaarnerpaamik attaveqaataanik inissisimaneq

Piginnaasatit

Eqqarsaatigaarput, illit:

• timmisartuussinermi imaluunniit allami isumannaallisaanermut immikkut pingaaruteqartumi SMS, ulorianartorsiutinik aqutsineq imaluunniit timmisartuussinermi isumannaallisaaneq pillugu misilittagaqarluartuusutit
• aqutsinermi misilittagaqartutit, inuttut nukittuffeqartutit aamma aalajangiussanik anguniagassanik pilersitsisinnaallutit, siuariartortitsisinnaallutit suliassallu naammassinissaasa tungaanut malinnaasinnaallutit
• misissueqqissaarlutit sulisartutit, paasissutissat, pisoqarsimasut aamma ulorianartorsiutinik nalilersuinerit tunngavigalugit aalajangiinernik pitsanngorsaatinillu aalajangersimasunik pilersitsisinnaallutit
• qallunaatut tuluttullu oqaatsinik pitsaasumik atuisinnaasutit, oqaatsit atorlugit aamma allakkatigut, kiisalu nunami tamarmi aamma nunani tamalaani attaveqarfippassuarni tatiginnilersitsisinnaallutit
• namminersorlutit sulisartutit aammalu immikkut ilisimasatit tunngavigalugit ilumoorfiginnittuartuusutit, aamma aalajangiinerit ajornakusoortut ingerlanneqartariaqartillugit suliffeqarfiullu pitsaasumik unammilligassaqartillugu

Timmisartuussinermut tunngasuni imaluunniit inuussutissarsiummi allami malittarisassatigut aqunneqartumi misilittagaqarsimaguit iluaqutaassaaq, aammalu nunami namminermi nunanilu tamalaani piumasaqaatit attuumassuteqartut ilisimaarigukkit. Kalaallit Nunaannik kiisalu kalaallisut oqaasilinnik kulturimillu ilisimasaqarnissat aamma iluaqutaassaaq.

Suliffeqarfiup iluani inissisimanerit

Head of Safety-p Accountable Manager toqqaannartumik attaveqarfigisarpaa, qullersaqarfimmullu toqqaannartumik attaveqarsinnaalluni, kiisalu safety-mut tunngasunik ataatsimiititaliani ataatsimiinnernilu attuumassuteqartuni peqataassalluni.

Suliassaqarfiup pingaarnerpaap ingerlanneqarfissaa tassaavoq Greenland Airports-ip Nuummi qullersaqarfia. Mittarfiit akornanni suleqatigiinnermut malinnaanermullu atatillugu angalasarnissat naatsorsuutigineqassaaq.

Neqeroorutigaavut

• Atorfik pingaarutilik sunniuteqarluartorlu, qullersaqarfimmut toqqaannartumik attaveqarsinnaanermik periarfissaqartoq
• Suliffeqarfimmi ineriartorluartumi ajornakusoortumi timmisartuussinermi isumannaallisaanermut sammivissamik pilersitsinissamut periarfissaq
• Suliaqarfimmi avatangiiseq pitsaasoq aammalu nunami tamarmi nunanilu tamalaani suleqatigiinnissamut attaveqarfinnik siammasissunik periarfissaq

Qinnuteqarneq

Qinnuteqaatit aamma CV-it nassiunneqassapput kingusinnerpaamik 15.9.2026.

Atorfimmut apeqqutissaqaruit, Hans Nilsson, C2C Management-imi Managing Partner, atorfinitsitsinermut ikiuuttoq, attavigisinnaavat: +46 76 561 2101 imaluunniit hans.nilsson@c2caltitude.com

Aamma atorfinitsitsisussaq Mie Rajcic, Greenland Airports-imi COO aamma Accountable Manager, attavigisinnaavat:
+299 56 05 79 imaluunniit mira@airports.gl

Qinnuteqaatinnik tusagaqarnissatsinnut qilanaarpugut.

Mittarfeqarfiit, Greenland Airports, Kalaallit Nunaanni mittarfinnik 13-inik heliportinillu 46-nik ingerlatsivoq. Ukiumut 60.000-init amerlanerusunik timmisartuussinernik (tinginerit miffiginerillu) isumaginnittarpugut aammalu ilaasunik 350.000-init amerlanerusunik sullissisarluta. Sulisut 400-t missaanniittut nunatsinni suliffiit annerpaat ilaanniippugut, aammalu sulisut suliffeqarfiullu ineriartortinneqarnissaat ingerlaavartumik sulissutigisarparput. Taamaattumik sullissinerit ilinniartitseqqinnerillu assigiinngitsut neqeroorutigisarpagut, inuiaqatigiillu ineriartortinneqarnerannut pitsaasumik peqataasinnaalluta.

Suliffeqarnermut immikkoortortaqarfimmi AC-fuldmægtigissarsiorneq

Naalakkersuisut inuiaqatigiinni inuussutissarsiutini arlalinni imminullu pilersorneq annertusillugu suliffeqartitsinissaq siuarsarniarlugu sulisinnaasunik neqeroortitsisarnerup siunissaq ungasinnerususoq eqqarsaatigalugu ajunngitsunik ineriartornissaa sulissutigaat. Naalakkersuisut suliassaraat, siunissaq qaninnerusoq ungasinnerusorlu eqqarsaatigalugit, nunatsinni suliffeqarnerup ajunngitsumik sammiveqarluni ineriartornera qulakkiissallugu.

Nunami sulisussaaleqineq suliffeqarnermut unammilligassaavoq, aamma sulisussaaleqineq tunngavigalugu inuussutissarsiortut pisortallu avataaniit sulisussarsiorlutik. Naalakkersuisut anguniagaasa ilagaat, inuit maannga nuuttut pitsaanerusumik akuunerulersinneqassasut.

Suliffeqarfimmi pissanganartumi atorfimmik neqerooruteqarpugut, ingerlatsineq ineriartornerlu ingiaqatigiissinneqarfianni. Sukumiisumik ilinniartinneqarnissamut periarfissaqarpoq, aamma soqutigisaqaqatigiit oqaloqatigalugit suleriaatsinik ineriartornermi sunniuteqarsinnaaneq periarfissaalluni. Soqutigisaqaqatigiit ilaatigut tassaapput suliffeqarnermi illuatungiliuttut kommunillu.

Sullissisumik pissarsiorpugut najugaqarnissamut sulinissamullu akuersissutit pillugit akissarsianut atorfininnermilu atugassarititanut qinnuteqaatit tusarniaassutigisarnissaannik isumaginnissinnaasoq, avataaniit sulisussat sulisussarsiarineqarnerat pillugu sukkasuumik sulilersitsinermik isumqatigiissummik aqutsisinnaasoq, sammisami ineriartortitsinermut suliassanik kiisalu suliassaqarfimmi oqartussat nakkutilliinerannik misissuinerannillu ataqatigiissaarinermik isumaginnissinnaasoq.

Immikkoortortaqarfik assigiinngisitaartunik suliassaqarpoq, Inatsisartunut Naalakkersuisunullu isummernissamut tunngavissianik suliaqarnermiit, suliffeqarnermik suliassaqarfimmi ineriartortitsinermut, misissueqqissaarneq, paasissutissanik suliarinninneq aamma immikkoortortaqarfiup suliassaqarfiani ingerlaavartumik suliassanik suliarinnittarneq aamma suliniutit tamaasa pillugit paasissutissiissutinik suliaqarneq.

Piukkunnaatitit piginnaasatillu
Takorloorparput, illit:

• ilinniagartuutut attuumassutilimmik ilinniagaqartutit
• naalakkersuinikkut aqunneqartumik aaqqissuussaanermi sulinissamik misilittagaqartutit
• nammineerlutit, aaqqissuussaasumik anguniagalimmillu sulisinnaasutit
• suliassanik siuariartornissaannut akisussaaffimmik tigusinissamut piareersimasutit
• suliassat aaqqiiffiginissaanni pitsaassutsimut akisussaaffimmik tigusinissamut piareersimasutit
• suleqatiginnissinnaanermut suliassaqarfiillu akimorlugit suleqataasinnaanermut piginnaasaqarluartutit
• eqaatsumik pissuseqartutit, piffissamik eqqorluaasinnaasutit inussiarnisaartuullutillu
• marluinnik oqaaseqartutit, kalaallisut/qallunaatut imaluunniit kalaallisut/tuluttut
• angalasarnissaq piareersimaffigissagit
• nalinginnaasumik ulapillutit suliassat assigiinngitsut arlallit ataatsikkut suliarisinnaagitit

Tamatuma saniatigut:

• Suliassanik suliarinninnermi aaqqissuussaq F2mik allamilluunniit misilittagaqarneq ilinnut iluaqutaasinnaavoq.
• Peqatigalugu inuiaqatigiinnut kalaallinut piorsarsimassutsimullu ilisimaarigukkit annertuumik pingaaruteqarpoq
• Soorunami qiimasuuvutit suleqatitsialaallutillu!

Suliassatit pingaarnerit makkuussapput:

• Najugaqarnissamut sulinissamullu akuersissutit pillugit tusarniaanerit isumaginissaat
• Sukkasuumik sulilersitsinissamut aaqqissuussamik suliffeqarfiit siumut akuersissuteqartut pillugit allattuiffimmut tunngatillugu suliassanik suliarinnittarneq aserfallatsaaliuinerlu
• Avataaniit sulisussanut sukkasuumillu sulilersitsinissamut atatillugu suleriaatsinik ingerlariaatsinillu naammassiuminarsaaneq
• Suliassaqarfinnut tunngatillugu suleriaatsinik ineriartortitsineq
• Avataaniit sulisussat sulisussarsiarineqarnerinut tungnatillugu kommuninik suliffeqarfinnillu siunnersuineq
• Avataaniit sulisussanut tunngatillugu kommunini sullissisunut pikkorissaaneq
• Sulisussat killilersimaarneqarnerat malinnaaffigalugu
• Nakkutilliinermik misissuinermillu avataaniit sulisussanik kalluaasunik ataqatigiissaarineq
• Allaffissornikkut suliassanik suliarinnittarneq

Neqeroorutigaavut:

• Atorfik pissanganartoq inuiaqatigiinnullu iluaqutaasoq ineriartornissamut periarfissagissaartoq
• Nammineerluni akisussaaffilik
• Suliassat pissanganartut sunniuteqarfiginissaanut periarfissalik
• Suleqatit pitsaasut

Ulloq atorfiniffissaq tassaavoq 1. november 2026 imaluunniit isumaqatigiissuteqarnerup kingorna.
 

Atorfik pillugu apeqqutissaqaruit, immikkoortortaqarfimmi pisortaq Lona Lynge saaffiginissaatut tikilluaqqusaavutit +299 345624 / loly@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Sumiiffiit

Hovedkontoret Nuuk

Greenland Airports Senior Financial Controller-imik misilittagalimmik misissueqqissaallaqqissumik, suliffissuup aningaasaqarnikkut nalunaarusiortarnerani, naatsorsuutinik saqqummiisarnerani aningaasaqarnermullu ingerlatsivianik ineriartortitsinerup ingerlaqqinnerani qitiusumi inissisimalerusuttumik, sulisussarsiorpoq.

Naatsorsuusiornermik suliaqarnerup nukittuumik ingerlanneratigut, suliffiup iluani misissuisarnerit sunniuteqarluartillugit aammalu aningaasalersuinermik aqutsinerup qaffasissumik pitsaassuseqartillugu eqqortumik, piffissaagallartillugu tutsuiginartumillu aningaasalersuinermut nalunaarusiortarnissap qulakkeernissaa akisussaaffigalugu Aningaasaqarnermut immikkoortortaqarfimmi pingaaruteqartutut inissisimalissaatit. Peqatigisaanik aningaasaqarnermut suliat ingerlasarnerinik ineriartortitsinerup sunniuteqarfiginissaanut aammalu siunissami aqutsisutut inissisimalernissamut ineriartornissamut periarfissaqalissaatit.

Greenland Airports-ip ineriartortinneqarnerani qitiusumi inissisimaneq

Greenland Airports Kalaallit Nunaanni mittarfinnut attaveqaasersuutinik oqaluttuarisaanermi ineriartortitsinermi inissisimavoq, tassani aningaasaqarnermi aqutsinermut, governance-mut aamma aningaasalersuinermut nalunaarusiornermut piumasaqaatit aatsaat taama annertutigalutik.

Senior Financial Controller-itut Suliffissuarmi naatsorsuuserinermut pisortaq, CFO aqutsisullu allat qanimut suleqatigalugit aningaasaqarnermi ingerlatsivimmi qitiusumi inissisimassaatit. Naatsorsuutinik saqqummiussinermi qaffasissumik pitsaassuseqarnissaata qulakkeernissaanut suliffissuarnilu aningaasaqarnermi suliat ingerlasarnerini ineriartortitsinerup ingerlaannarnissaanut suliaqarnermi pingaaruteqarlutit isumasioqataasassaatit.

Atorfik – akisussaaffiit suliassallu

Financial controlling, naatsorsuutinik saqqummiisarnerup aningaasaqarnermik ingerlatsiviup ineriartortinneqarnerata iluanni atituumik akisussaaffeqassaatit.

Suliassarni pingaarnerni ilaatigut ilaatinneqassapput:

• Suliffissuarmi naatsorsuuserinermut pisortaq qanimut suleqatigalugu aningaasalersuinermut nalunaarusiornermut kiisalu qaammatikkaartumik ukiumoortumillu inaarsaanermut akisussaasuusoq.
• Compliance, suliffiup iluani misissuisarnerit aamma naatsorsuusiornermut tunngaviusut atuuttut malinneqarnissaat ukkataralugit nukittuumik misissuisarnermut avatangiiseqarnissamik qulakkeerineq.
• Missingersuusiorneq, forecasting aammalu ingerlaavartumik oqimaaqatigiissitsinermi akiliisinnaassuseqarnermilu malinnaaneq.
• Akiliisinnaassuseqarneq oqimaaqatigiissitsinerlu pillugit qaammatikkaartumik nalunaarusiornernik suliaqarneq.
• Akiliisinnaassuseqarnermut forecast-imik ineriartortitsineq ingerlaavartumillu cash flow-imi malinnaaneq.
• CFO, aqutsisut aammalu soqutiginnittut allat aningaasalersuinermut tunngasut pillugit isumasioqatigisarneri.
• Kukkunersiuisumik avataaneersumik suleqateqarneq aammalu ukiumoortumik naatsorsuutinut najoqqutassanik ataqatigiissaarineq.
• Aningaasaqarnikkut misissueqqissaarnernik aammalu pisariaqalernerani aalajangiinissamut tunngavissianik suliaqarneq.
• Naatsorsuusiornerup aningaasaqarnerullu ingerlanerannik ingerlaavartumik pitsanngorsaaneq ingerlaavartunngortitsinerlu.
• Suliassaqarfiit akimorlugit ineriartortitsinermut suliniutini peqataaneq, ilanngullugit naatsorsuuserinerup ingerlanerinik aningaasaqarnermilu ilusilianik nutaanik atuutsitsilertarneq.
• Tamanna soqutigisarnut piginnaasaqarnernullu tulluarsimappat, BI-mi nalunaarusiornerup paasissutissanillu aallaavilimmik aalajangiinissamut tapersiisarnerup ineriartortinneqarnerannut peqataaneq.

Ilisarnaatitit – misilittakkat piginnaasaqarfiillu

Senior Financial Controller misilittagaqartoq, nukittuunik naatsorsuuserinermi piginnaasaqartoq, sukumiisut pingaartillugit, peqatigisaanillu aningaasaqarnerup ingerlaneri tamaasa paasisimaariinnarlugit, sulisinnaasumik sulisussarsiorpugut.

Pingaartipparput illit:

• Financial Controlling, kukkunersiuinerup taamaaqataanilluunniit aningaasaqarnermi ingerlatsiviup iluanni ukiuni arlalinni misilittagaqartutit.
• Aningaasaqarnermut naleqquttumik ilinniagaqarsimasutit, assersuutigalugu HD(R), cand.merc., cand.oecon. taamaaqataanulluunniit.
• Kukkunersiuinermut inuussutissarsiornermit tunuliaqutaqaruit pitsaassaaq.
• Aningaasalersuinermut tunngasunut nalunaarusiornernik, naatsorsuutinik saqqummiisarnermik aamma qaammatikkaartumik ukiumoortumillu inaarsaasarnermik patajaatsunik misilittagaqartutit.
• Suliffiup iluani misissuisarnerit, compliance aamma kukkunersiuisumik avataaneersumik suleqateqarnermik misilittagaqartutit.
• Akiliisinnaassuseqarnermut aqutsinermik, oqimaaqatigiissitsinermi malinnaanermik aammalu aqutsisunut nalunaarusiortarnermik misilittagaqartutit.
• Excel qaffasissumik annertussusilimmik atorsinnaagit aammalu ERP-mi periaatsit –Microsoft Dynamics 365-iuppat pitsaassalluni – kiisalu Power BI imaluunniit taamaaqatai BI-mi sakkussat misilittagaqarfigigitit.
• Ersarissumik attaveqaqateqartartutit aammalu aningaasaqarnermut økonominut aqutsisunullu aningaasaqarnermut tunngasunik paasissutissiisinnaasutit.

Inuttut illit:

• Misissueqqissaallaqqipputit aaqqissuussaasumillu sulisarlutit.
• Akisussaaffeqarneq eqqumaffigaat pitsaassuseqartitsinerlu pingaartillugu.
• Nammineersinnaavutit sioqqutaarillaqqissuullutillu.
• Paasisimaarinnilersitsillaqqipputit aaqqissuussaasumillu sulisarlutit.
• Pissusissamisoortumik sunniussinnaassuseqarlutit suleqatigiinneq pingaartippat.
• Piffissanut killiliussat ingerlalluartarpatit suliassatillu piginnittuuffigilertarlugit.

Suliffissuarmi naatsorsuuserinermut pisortanngornissamut imaluunniit aningaasaqarnermut ingerlatsivimmi aqutsisutut allatut inissisimalernissamut ineriartornissat anguniagarigukku, tamanna iluaqutaalluinnartutut isigissavarput.

Neqeroorutigaagut

Greenland Airports-imi aaqqissuussaanermi anguniagaqarfiusumi ilaalissaatit, tassani aningaasaqarnermut ingerlatsivik suliffeqarfimmi ineriartortitsinerup ingerlaqqinnerani aalajangiisuulluinnartumik inissisimavoq.

Ilaatigut neqeroorutigaagut:

• Qitiusumi immikkut ilisimasalittut, suliffeqarfimmi aningaasalersuinermi annertuumik akisussaaffeqarluni, aqutsinermullu annertuumik sunniuteqarluni, inissisimaneq.
• CFO, Suliffissuarmi naatsorsuuserinermut pisortanik aqutsisunillu allanik qanimut suleqateqarneq.
• Suliatigut aqutsinikkullu ineriartornissamut periarfissaqarluartoq.
• Suliffimmi naleqartitat Pimoorussineq, Sapiissuseqarneq, Torersuuneq Ikiuukkumatunerlu malunnarlutik.
• Aningaasarsiatigut atorfininnermilu atugassarititaasut unammillersinnaassuseqartut.
• Ineqarnermut periarfissaqarneq.

Qinnuteqarneq aamma sulisussarsiornerup ingerlanera

Sulisussarsiornerup ingerlanera Thomsen Consulting-imit isumagineqarpoq. Qinnuteqaatit ingerlaavartumik suliarisarpagut qinnuteqartullu naleqquttut oqaloqatigiinnissamut aggersartarlugit.

Sulisussarsiornerup ingerlaneranut apeqqutissaqaruit, Niels Thomsen, Thomsen Consulting, uunga +299 586636 / +45 54328408 imaluunniit niels@thomsen.gl, attaveqarfigisinnaavat.

Atorfimmut apeqqutissaqaruit, Aningaasaqarnermut pisortaaneq Per Trærup uunga +299 243504 imaluunniit petr@airports.gl, attaveqarfigisinnaavat.

Sumiiffiit

Nerlerit Inaat

Terminalarbejderi Nerlerit Inaanni (Tunup Avannaani)

Terminalarbejderitut ilinniagaqarsimasuuit imaluunniit sanasutut ilinniagaqarsimasuuit, ullut tamaasa suliannik pitsaasumik suliaqarnissat pingaartillugu, silaannarissumilu sulinissat nuannaralugu? Suliamut pimoorussisuuit, eqqiluisaarlutillu aaqqissuussaasumik sulisarpit aamma suleqatitut pitsaasuullutit? Taava Nerlerit Inaanni terminalarbejderitut suliffik ilinnut naleqquttuugunarpoq.

Suliassat makkuupput

Suliassat pissanganartut assigiinngisitaartullu suliarisassavatit, ullullu tamaasa assigiinngitsumik ingerlasassapput. Ilaatigut uku suliarisassavatit:

• Timmisartunik sullissineq – timmisartunik usilersuineq usingiaanerlu
• Ikuallattoqartillugu annaassiniaaneq aammalu imaani annaassiniaaneq
• Isumannaallisaanermut tunngasunik suliassat
• Aputaajaaneq
• Mittarfimmi atortunik iluarsartuussineq aserfallatsaaliinerlu
• Suliassat allat takkussinnaasut

Piginnaasassat

Naatsorsuutigaarput terminalarbejderitut ilinniagaqarsimasutit imaluunniit sanasutut ilinniagaqarsimasutit, aammalu suliffimmut takkuttarninni 100%-imik tatiginartuullutit, imminut isumagilluarsinnaallutit aammalu sullissinermik pingaartitsisuullutit. Aammattaaq suliffiup piumasaqaatigaa:

• Inussiarnersuullutit, allanngorartunut naleqqussarsinnaallutit mianersortumillu sulisarlutit
• Qallunaatut oqalussinnaassasutit, kalaallisut tuluttullu oqalussinnaaguit iluaqutaassaaq
• Peqqissutsikkut pitsaasumik inissisimassasutit (ikuallattoqartillugu annaassiniarnermi sulinermut akuerineqarsinnaassaatit)
• Biilinut nalinginnaasunut allagartaqartutit. Biilinut angisuunut allagartaqarlutit aammalu truckinut allagartaqarlutit iluaqutaassaaq
• Pinerlussimannginnermut uppernarsaat (pinerluuteqarsimannginnermut allagartaq) pigissagit

Greenland Airports neqeroorutigaa

Sapaatip akunnerini akunnerpassuarni pissanganartunik unammilligassaqartitsisunik kiisalu suliffimmi ineriartornissamut periarfissarpassuarnik ulikkaartoq full-time suliffik neqeroorutigaarput. Suleqatit pikkorissut ikiuukkumassusillit, quiasaarneq aammalu suleqatigeeriaatsimik pitsaasumik pingaartitsisut ilagilissavatit. Suliffissavit avatangiisai pinngortitarsuarmi kusanarluinnartumiissapput, suliffeqarfimmilu soqutiginartumi sukkasuumik ineriartortumi sulisassaatit.

Uku neqeroorutigaavut:

• Najugaqarfik pequsersugaq nerisaqarnerlu tamakkiisoq (akileraaruteqaataassaaq)
• Nerlerit Inaanut uterlugulu angalanerup akilerneqarnera, sulinngiffeqarnermut atatillugu Danmarkimi imaluunniit Kalaallit Nunaanni najugaqarfinnit Nerlerit Inaanut angalaneq
• 2:1 aaqqissuussineq, tassa sapaatit akunnerini 8-ni sulineq, kingornalu sapaatit akunnerini 4-ni sulinngiffeqarneq
• Suliffik pinngortitarsuarmut kusanartumut alutornartumut qitiusoq, tassani nannut, umimmaat, teriannissat, ukallit aammalu aqissit qanillillugit takusinnaavatit
• Suliffik ullut marluk tamarmik assigiinngitsut
• Suliffik immikkuullarilluinnartoq, tassani suliassaqarfissavit iluani aalajangeeqataanissamut periarfissaqassallutit

Atorfinitsitaanermut atugassarititaasut

Atorfinitsitsineq ilinniagaqarsimanermut piginnaasanullu naapertuunneqassaaq, aammalu immikkut isumaqatigiissusiornikkut pissalluni. Atorfinitsitaaneq pissaaq 1. november 2026 aallarnerfigalugu.

Isumannaallisaanikkut akuerisaaneq

Atorfimmut eqqarsaatigineqassaguit piumasaqaataavoq isumannaallisaanikkut akuerisaasinnaassasutit. Taamaattumik pinerlussimannginnermut allagartaq qinnuteqaammut ilanngullugu nassiunneqassaaq. Taanna najukkami politiinit imaluunniit www.sullissivik.gl aqqutigalugu pissarsiarineqarsinnaavoq.

Paasisaqarnerorusukkuit

Atorfik pillugu paasisaqarnerorusukkuit imaluunniit apeqqutissaqaruit, mittarfimmi pisortaq Morten Mandrup attavigisinnaavat e-mailikkut mman@airports.gl imaluunniit oqarasuaatikkut +299 25 25 57.

Apeqqutit nalinginnaanerusut HR-imut nassiunneqarsinnaapput e-mailikkut hr@airports.gl.

Greenland Airports pillugu paasisaqarnerusinnaavutit nittartakkatsinni www.airports.gl.

Soqutiginnippit?

Taamaappat qinnuteqaatit, CV, pinerluuteqarsimannginnermut allagartaq kiisalu ilinniarsimanermut uppernarsaatitit online aqqutigalugu ataaniittukkut nassiunnissaannut qilanaarpugut. Qinnuteqarfissaq kingulleq tassaavoq 20-09-2026.

Ataavartumik atorfinitsitsinissamut oqaloqatiginninnerit ingerlanneqartassapput, taamaattumik qinnuteqaatit sapinngisamik piaartumik nassiutissallugu iluaqutaassaaq.

Nuummi nujaleriffitsinnut Nujalerisumik ilinniarsimasumik suleqatissarsiorpugut.

Nuummi nujalerisutut sulinissamut periarfissatsialak maanna saqqummiupparput.

Suleqatigiinnut arfineq marluusunut aammalu ataatsimik ilinniartulimmut pingaaruteqartumik inissisimassallutit, suleqatigiit Nuummi nujaleriffiit siuttuusut ilaanni Frisør Lulu-mi nutaaliornermik aammalu atortunik akuutissaqanngitsunik ingerlatsiffiusumi sulilernissannut periarfissaqarputit.

Piginnaasatit:

• Nujalerisutut ilinniagaqarsimanissaq
• Suleqatigiinni suleqateqallaqqissuussaatit
• Nutaaliullaqqissuullutit aammalu akisussaassuseqarnermik pingaartitsisuusutit
• Tatiginartuullutit, aalajaatsuullutit sullissillaqqissuusutillu.
• Sungiussiasuusutit

Piginnaasat misilittakkallu naapertorlugit akissarsiaqartitaaneq. Atorfimmut atatillugu inimik pequtsersoriikkamik inissaqartitsisoqarsinnaavoq, inimik attartornermi maleruaqqusat malillugit akiliisoqartassalluni, aammattaarlu Nuup illoqarfiata avataaneersunut atorfininnermi angalanermut akiliutsittoqarsinnaavoq, aammalu minnerpaamik qaammatit aqqaneq marluk (12) sinnerlungit sulisimangaanni soraarnermi aggerfimmut angerlalernermi akiliutsittoqarsinnaalluni.

Atorfininnissaq pissaaq: Piaarnerpaamik isumaqatigiissuteqarnikkulluunniit.

Soqutiginnippit?

Qinnuteqaat, ilinniarsimanermut uppernarsaat aammalu CV ilanngullugit uunga Hbhairnuuk@gmail.com nassiunneqassapput. Annertunerusumik apeqqutissaqaruit Hanne Bang attavigineqarsinnaavoq oqarasuaammut uunga +299 58 87 78

Sumiiffiit

Qaqortoq

Nunanut tamalaanut pissanganartumik avatangiiseqarluartumi, siunissamilu periarfissarpassuarnik neqerooruteqartumi suleqataalernissamut soqutiginnippit? Qaqortup Mittarfiani security-mi suleqataasinnaanerit takorloorsinnaaviuk?
Taava Qaqortumi mittarfittaami securityp immikkoortortaqarfiani atorfiit ilaannut qinnuteqarit.

Mittarfimmi isumannaallisaaneq tamatigut pingaartinneqartuuvoq, Greenland Airports-imilu security-mi sulisut nammineerluta nunani tamalaani malittarisassat piumasaqaatillu sakkortunerpaat naapertorlugit ilinniartittarpavut.
Suliffinni pingaarnerpaatut mittarfiit, timmisartut ilaasullu isumannaatsuunissaannut peqataassaatit.
Securitymedarbejderitut eqqummaarissuussaatit. Scannerimik atortoqarluni misissuinermi pigisat pasinartut ilisarisinnaassavatit, kiisalu nakkutiginninnermi suliassat peqataaffigissallugit.

Ilinniarnermi suna ilinniassaviuk?

Security-mut tunngasut tamakkiisumik sukumiisumik ilinniarneqassapput, ilaatigut:

• Nassiussanik bagaginillu tigusineq scannerinerlu
• Ilaasunik misissuinermi tigusiffiginninneq
• Mittarfiup immikkoortuini assigiinngitsuni isersinnaanermut nakkutilliineq
• Nakkutilliineq aamma misissuilluni angalaarneq
• Scannerini pigisanik pasinartunik ilisarsineq
• Oqartussaasunik, soorlu politiinik, akileraartarnermut oqartussanik aamma Angallannermut Aqutsisoqarfimmik suleqatiginninneq

Isumannaallisaaneq pillugu aaqqissuussamut nukittuumut ilanngutissaatit, kiisalu pissutsini eqqoqqissaarnissaq, ataatsimut isiginnissinnaaneq eqqissisimasuunissarlu pingaaruteqartutigut sunniuteqarluartumik sulisarnissaq ilinniassallugu.

Kinaavit?

Ujartorparput illit, kajumissuseqartutit, paasisassarsiorusussuseqartutit kiisalu suliassaqarfimmi sukkasuumik ineriartortumi imminut ineriartortikkusuttutit. Suliffiup annersaa tassaavoq piginnaasatit nutartertuarnissaat – malittarisassat nutaat teknologilu nutaaq eqqarsaatigalugit. Aamma suliffiup piffissai allanngorarsinnaasut piareersimaffigissavatit, ulapaarfiusunilu ataatsimut isiginnissinnaanissat attatiinnarsinnaallugu.

Naatsorsuutigaarput:

• Politiinit isumannaallisaanermut akuersissutigineqarsinnaasutit
• Sulilernermut atatillugu ilisarititsinermut pikkorissarnermut peqataassasutit
• Ikinnerpaamik oqaatsit marluk atorsinnaagitit, soorlu kalaallisut, qallunaatut, tuluttut imaluunniit allamik
• Biilersinnaanermut allagartaqartutit
• Ilinniarusussuseqartutit, akisussaassuseqartutit aamma immikkoortunut mikisunut eqqumaffiginnittuusutit
• Ilinniagaqarsimanissat kissaatigaarput, piumasaqaataanngilarli
• Inussiarnersuusutit sullissiumatuujullutillu

Ilinniarnermut tunngasut

Ilinniartitaaneq ilaatigut Politiit aamma Akileraartarnermut Oqartussaasut suleqatigalugit ingerlanneqassaaq, kiisalu Angallannermut Aqutsisoqarfiup piumasaqaatai atuuttut tamarmik malinneqassallutik.

Aamma periarfissaqarpoq ingerlaavartumik ilinniarnissamut aammalu security-mut tunngasunik immikkut ittunik pikkorissarnissamut, taamaalillutit sulinerni piginnaasatit ineriartortittuarsinnaavatit.

Neqeroorutigaarput

• Ilinniarneq naammassereerpat suliffissamik qulakkeerinninneq
• Isumaqatigiissutit atuuttut naapertorlugit atorfinitsitsineq
• Suliffik ammasoq, qiimasoq suleqatillu pitsaasut
• Suliffeqarfik sulisunut toqqissisimanermik isumannaallisaanermillu pingaartitsisoq
• Inuttut suliamullu tunngasutigut ineriartortitsinissamut periarfissaq suliffeqarfimmi ineriartortuartumi

Isumannaallisaanermut akuersissut

Atorfimmut eqqarsaatigineqassaguit piumasaqaataavoq Kalaallit Nunaanni Sinniisoqarfimmit isumannaallisaanermut akuersissutigineqarsinnaasutit. Qinnuteqaat atorfinitsinneqarnermi suliarineqassaaq.

Atorfimmut eqqarsaatigineqassaguit qinnuteqaammut ilanngullugu pinerlussimannginnermut uppernarsaat ilanngutissavat. Taanna najukkanni politiinit pissarsiarineqarsinnaavoq imaluunniit www.sullissivik.gl aqqutigalugu pissarsiarineqarsinnaalluni.

Atorfik pillugu paasissutissanik amerlanerusunik paasisaqarusukkuit Securityleder Thomas Henriksen attaveqarfigiuk uunga:

– Mail: tghe@airports.gl
– Tlf.: +299 275699

Paasissutissat nalinginnaanerusut pillugit HR-afdeling-imut apeqqutigineqarsinnaapput uunga: hr@airports.gl

Soqutiginnippit?

Security-team-imut ilanngukkusukkuit qinnuteqaatit, CV aamma uppernarsaatit attuumassuteqartut ataani linki aqqutigalugu nassiutissavatit, kingusinnerpaamik ulloq 11. September 2026.

Atorfiniffissap ullua 12. Oktober .2026

Nuna tamakkerlugu Kigutileriffimmi suleqataalerit

Nuna tamakkerlugu Kigutileriffik klinikassistentinik, ikiortinik aamma kigutigissaasunik pimoorussisunik akisussaassusilinnillu Nunatsinni illoqarfinni arlalinni kigutigissaavinnut sulisussarsiorpoq.

Sulisussarsiorpugut, innuttaasunut pitsaasumik kigutigissaaneq qulakkeerniarlugu aamma pitsaasunik misigisaqartitsinissamut peqataarusuttunik. Nuna tamakkerlugu Kigutileriffimmi sulisunut ilaallutit meeqqat, inuusuttut inersimasullu Kalaallit Nunaannilu innuttaasut kigutaasa peqqissuunissaannut ullut tamaasa suliniuteqarnermi pingaarutilimmik inissisimassaatit.

Illoqarfinni arlalinni suliffissat inuttassarsiuunneqartut

Kigutigissaavinnut ukunaniittunut sulisussarsiorpugut:

• Qaanaaq

• Upernavik

•  Ilulissat

• Qasigiannguit

• Maniitsoq

• Paamiut

• Tasiilaq

• Nanortalik

Suliffik assigiinngisitaartoq isumalerujussuarlu

Nuna tamakkerlugu Kigutileriffimmi piginnaasaqarluartunik suleqateqassaatit, tassani pitsaassuseq, suleqatigiinneq aamma napparsimasunik sullissineq qitiutinneqarlutik. Ullut suliffigisartakkat pissanganartut assigiinngisitaartullu, nakorsaanermi, allaffissornermi aamma pinaveersaartitsinermi suliassanik suliaqarnissamut periarfissaqassaatit.

Ujartorgaaarput, illit:

• Kigutigissaaneq pillugu attuumassuteqartumik ilinniagaqarsimasutit imaluunniit misilittagaqartutit.
• Suliffimmi pikkorissumik, aaqqissuussamik akisussaassuseqartumillu sulisartutit.
• Kiffartuussinermik pingaartitsisuusutit napparsimasunullu suleqatinnullu saamasuullutillu tikilluaqqusisuusutit.
• Kisimiillutit suliassanik suliaqarnissaq aamma qanimut suleqatigiinnerup akornanni sulilluarsinnaasutit.
• Attaveqatigiinnermut pitsaasunik piginnaasaqartutit aamma inuit pisariaqartitaat assigiinngitsut ataqqillugit.
• Suliffimmi pitsaasumik avatangiiseqarnermut peqataarusuttutit.
• Kigutigissaaneq innuttaasullu peqqissuunissaat pillugu sulinissamut kajumissuseqartutit.
• Kalaallisut qallunaatullu piginnaasaqarluartuusutit

Sulisut misilittagaqarluartut kiisalu qinnuteqartartut attuumassuteqartumik tunuliaqutaqartut, suliassaqarfimmi tassani ineriartorusuttut, qinnuteqaqqullugit kaammattorneqarput.

Neqeroorutigaarput

• Suliffik isumalerujussuaq, innuttaasullu peqqissuunissaannut toqqaannartumik allanngueqataaffigisinnaasat.
• Ullut suliffigisartakkat assigiinngisitaartut, suliatigut inuttullu unammilligassaqartitsisut.
• Suleqatit pitsaasut aamma suliatigut suleqatigiilluarneq.
• Suliatigut inuttullu ineriartornissamut periarfissat.
• Suliffik piginnaasaqarnermik avatangiiseqartoq, pitsaassuseq suleqatigiinnerlu pingaartillugit.
• Akissarsiat atorfinitsitaanermilu atugassarititaasut atuuttut isumaqatigiissutit naapertorlugit.

Atorfik pillugu apeqqutissaqarpit?

Taamaappat Nuna tamakkerlugu Kigutileriffimmut attaviginninnissamut tikilluaqqusaavutit, e-mailikkut: landstand@peqqik.gl imaluunniit oqarasuaatikkut +299 34 40 16.

Atorfinitsitsinermut paasissutissat ataasiakkaat takusinnaavatit aammalu atorfiit pineqartut pillugit paasissutissanik amerlanerusunik uani nassaarsinnaallutit: gjob.gl.

Qinnuteqaativit tigunissaanut qilanaarpugut, suleqatinillu nutaanik Nuna tamakkerlugu Kigutileriffimmut tikilluaqqusissalluta.

Nuna tamakkerlugu Kigutileriffimmut ilaalerit, Kalaallit Nunaannilu tamarmi kigutit peqqissuunissaannut nukittorsaaqataallutit.

Sumiiffiit

Nerlerit Inaat

Atorfik tassaavoq suliffigivissallugu atorfinitsitaaneq.

Makkua akisussaaffigissavatit:

Aserfallatsaaliineq aamma iluarsaassineq makkuninnga:

• Qamutit usisarfillit Mercedes-it
• Aputaajaassutit meqqit assigiinngitsut
• Entreprenør-itut maskinat meqqit assigiinngitsut
• Gaffeltrucki
• Innaallagissiorfik (Volvo D9)
• Qatserinermut qamutit
• Qatserisartut piareeqqasut peqataaffiginissaat
• Security suleqatigiinnut ilaanissat

Immikkoortortani allani sivikinnerusumik suliassaasunik takkuteriataartunik peqartarpoq.

Naatsorsuutigaarput illit:

• Qamutinut usisarfinnut mekaniker-iusutit minnerpaamik ukiunik 3-5 misilittagaqareerlutit.
• Hyrdaulik-imut innaallagiamullu ilisimaqarputit.
• Aalajaatsuuvutit.
• Peqqissaartuuvutit.
• Bilinut lastbilinullu allagartaqarputit.
• Ilinnut tunngasut pinerluttulerinermut nalunaarsuiffimmit allassimasoqassanngilaq.

Neqeroorfiginiarpatsigik:

• Pisatalersukkamik ineqartitaanissat aamma tamakkiisumik nerisaqarnissaq (tamakkiisumik akileraaruserneqassaaq)
• Nerlerit Inaannut avammullu angalanerit akiliunneqarneq, freertilluni Danmark-mi Nunatsinniluunniit najukkamit/najukkamut.
• Pinngortitarsuarmi tupinnartumi pinneqisumilu suliffeqassalluni, periarfissaqassallutillu nannut, terianniat, ukallit aqissillu qanillilluinnarlugit misigisaqarfigissallugit.
• Sapaatip akunneranut suliffiusussaq akunnerit 40-uupput
• Atorfigisami sulinerup sivisussusissaa agguarneqarsimavoq sapaatit 8 suleriarluni sapaatit akunnerit 8 freerfeqarluni.

 Suliffeqarfittaa pissanganartuuvoq inerisarlunilu, suleqatitsinnut atugarissaarnissamik pingaartitsivoq suleqatigiillu ajunngitsumik ataqatigiinnissaat pingaartitaralugu. Mekaniker-imik allamik suleqateqalissaatit, ilissi nammineq akunnissinni isumaqatigiissuteqassaasi qanoq ilisukkut freertarumaarnerlusi.

Mekanikerimik allamik suleqatitaassaatit, ilissillu akornassinni nammineq isumaqatigiittassaasi qanoq ilisukkut freertarniarlusi.

Atorfinitsitaanermut atugassarititat:

Ilinniakkatit piginnaaneqarfigisatillu aalajangiisuullutit isumaqatigiissut Namminersornerusut aammalu kattuffik fagimut tunngatillugu naleqquttoq naapertorlugu atorfinissaatit.

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit politiiniit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitap muminga ilanngullugu nassiutissavat. Taanna najugarisami politeeqarfimmi pissarsiarisinnaavat.

Paasisaqarnerorusuppit:

Siunissami suliffigiumaagassat pillugu sukumiinerusumik atuarsinnaavatit www.airports.gl. Atorfimmut apeqqutissaqarpit, taava tikilluaqquneqarputitattavigissallugu: Robert Larsen, telefon +299 38 28 81 imaluunniit mail: rola@airports.gl. Apeqqutit naliginnaanerusut HR´ikkut immikkoortortamut apeqqutigineqarsinnaapput mail´ikkut: hr@airports.gl

Soqutiginnippit?

Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu kingusinnerpaamik ullormi d. 13. september 2026.

Nuummi ingerlatsinermut pisortamik pimoorussisumik iliorsinnaassuseqarluartumik pissarsiorpugut

Pitsaassuseq, sullissineq sullerissusermillu ukkatarinnillutit suliffeqarfimmi ulluinnarni ingerlatsisutut siuttoorusuppit? Aqutsinermik, logistikkimik suleriaatsinillu pitsanngorsaanernik misilittagaqarpit, akisussaaffeqarnerlu iluarisimaarnaraajuk? Taava immaqa illiuvoq ingerlatsinermik pisortassarput.

Atorfik pillugu

Ingerlatsinermik pisortatut quersuarmi ingerlatsineq tamaat akisussaaffigissavat, nioqqutissanik aassineq, montageafdeling pisisartunillu tapersersuineq. Sulisut 14-it aqutsisuuffigissavatit ilusiliinissamut qulakkeerinninnissaq, siuariartorneq suliffeqarfillu akimorlugu pisisartut qaffasissumik naammagisimaarinninnissaat pingaarnertut inissisimaffigissavat. Taamaasillutit pissanganartunik tamatigoortunillu amerlasuunik attuumassutillit ulluinnarisassavatit. Suleriaatsit ingerlariaatsillu sunniuteqarfiginissaanut pitsaasunik periarfissaqassaatit taamaattumillu suliffeqarfiup ingerlaneranut ineriartornissaanullu qitiusumik inissisimassaatit.

Illit suliassallu

Ingerlatsinermik, logistikkimik, suleriaatsinillu pitsanngorsaanermik misilittagaqaruit, illit ujarpatsigit. Suliffeqarfimmi sulisut pigisanit pingaarnerpaajummata, aqutsisutut misilittagaqarluarnissat pingaartipparput. IT-systemit digitalimillu atortut atornissaat nukittuffigivatit, ulluinnaallu qanoq pitsanngortissinnaaneraat alapernaaffigisarlugit. Tamatuma saniatigut pisisartut pitsaanerpaamik misigisaqartinnissaat kajungernarivat pisariaqartillugulu immikkut ittumik sulinerulaarnissat tunuarsimaarfiginagu.

Akisussaaffeqarnissaq iluarisarivat namminerlu aaliangiinissaq toqqissisimaffigalugu. Ulluinnaat tamatigoortuupput ilaatigullu siumut ilimagereernerit ajornartarlutik, taamaattumik pisariaqarpoq, ulapaarfiup nalaani tamakkiisumik isiginnissinnaaneq atatiinnarsinnaagit, aaqqissussillaqqissoq, naammassinnissinnaassusilik qanoq iliorsinnaassuseqarluartorlu.

Pingaarnertut akisussaaffigissavatit:

• Aqutsineq, ineriartortitsineq sulisunillu 14-nik kajumissaaneq
• Quersuarmik ingerlatsineq akisussaaffigalugu, logistikki nioqqutissallu ingerlaarnerat
• Biiliussinernik pilersaarusiorneq ataqatigiissaarinerlu
• Montageafdeling ulluinnarni aqutsisuuffiginissaa
• Pisisartunik tapersersuilluarnissamik qulakkeerinninneq qaffasissumillu sullissineq
• Sulinermi ingerlariaatsinik pitsanngorsaaneq logistikkilu – inbound aamma outbound
• Nioqqutinik pisiniarluni nalunaarutinik passussinermi ikiuineq pisisartullu akiligassaanik qaffasinnerpaaffinnik naliliineq
• Immikkoortortaqarfiit akimorlugit ingerlatsineq sunniuteqarluartoq qulakkeernissaa ingerlaavartumillu pitsanngorsaanerit

Illit suliffeqarfiit

Arctic Import suliffeqarfiuvoq ilaqutariinnit nukittuunit pigineqartoq, Danmarkimi, Kalaallit Nunaanni Islandimilu inunnik 90 missaaniittunik sulisoqartoq. Atlantikup Avannarpasissua – Kalaallit Nunaat, Savalimmiut Islandilu – angerlarsimaffigivagut ulluinnaallu maani kajumigivagut. Atlantikup Avannarpasissuani niueqatigisassani piumaneqarnerunissaq sulissutigiuarparput, suleqatigiinni nukittunerpaajunissaq Atlantikullu Avannarpasissuani pitsaanerpaamik pisisartunut sullissinissaq.

Suliffeqarfimmi alliartortumi angusaqarluarusuttumi pingaarutilittut suleqataalissaatit. Qullersaqarfittaami pilersitsinitsinni qitiusumik atorfeqassaatit.

Qinnuteqarnissamut killigititaq

Qinnuteqaatit sukkanerpaamik nassiutiinnariuk.

Suleqatigiinni peqataarusukkuit Arctic Importimilu Kalaallit Nunaat A/S-imi siunissat pilersikkusukkukku, taava qinnuteqaatit CV-lu uunga nassiutiguk hr@arcticimport.dk qulequtserlugu "Ingerlatsinermi pisortaq".

Atorfik pillugu apeqqutissaqaruit afdelingschef Michael Hansen, attaviginissaanut tikilluaqqusaavutit uunga mic@arcticimport.gl imaluunniit oqarasuaatikkut 36 36 72.

Oqaloqatigiinnerit ingerlaavartumik ingerlattarpagut atorfimmullu inuttassarsiuineq piissavarput, inuk eqqortoq nassaarineqarpat.

Aasaanerani suliffik Piffissap ilaannaa – Inuusuttoq ilinniartoq (tuniniaaneq & sulisussarsiorneq) – PEQATIGALUTA INERIARTOQATAAGIT!

Suliffissat.gl ineriartortorujussuuvoq – inuusuttumillu ilinniartumik (aasaanerani suliffik, qaammatit 3) ilinniartunut ikiortitut tuniniaanermut sulisussarsiornermullu ikiuisussamik ujartuivugut – aasaanerata kingorna sivitsorneqarnissamut periarfissaqarluni.

Kalaallit Nunaanni suliffissarsiortarfittut sulisussarsiornermullu ataatsimoortumik aaqqiissutaasumik siuttuuvugut – suliffeqarfinnut sulisussarsiornermi suliffissarsiortunullu ataatsimoortumik aaqqiissut pitsaanerpaaq. Suliffeqarfiit piginnaanilinnik pitsaasunik attaveqalersittarpagut suliffissarsiortullu suliffissartik sinnattorisartik nassaarinissaannut ikiortarlugit.

Suliffik piffissap ilaannaani suliffiuvoq tamakkiisumik ilaannakortumilluunniit angerlarsimaffimmit/remote-mik suliarineqarsinnaalluni – Qaqortumiit, Ilulissaniit, Nuummiit imaluunniit aasakkut sumiikkaluaruilluunniit.

Aasaanerani ulluinnarni suliassatit:

• Suliffeqarfinnut (B2B) saaffiginnilluni tuniniaaneq oqarasuaatikkut, inuttut qanimut naapeqateqarnikkut, mailikkulluunniit – suliffeqarfiit nutaat nassaaralugit sulisussarsiornermi aaqqiissutitsinnik neqeroorfigisarlugit
• Suliffeqarfinnut sulisunik ingerlaavartumik sulisussarsiorneq: qinnuteqartut ujarlugit, nalilersorlugit attaveqarfigisarlugillu
• Suliffissarsiortunik paasissutissiiviup (jobbank) CV-nik qinnuteqartunillu nutaanik ineriartortillugulu nakkutiginissaa
• Suliffeqarfinnut saaffiginninneq kiisalu pioreersunik malinnaaffiginninneq
• Tunisaqarneq, sulisussarsiorneq aammalu Kalaallit Nunaanni suliffissaqartitsineq pillugit ilinniarneq
• Uagutsinnik ineriartortitsineq: suliffeqarfimmi ineriartortumi peqataaneq

Kinaavit?

• Inuusuttuuvutit ilinniartuullutillu
• Ammasuuvutit, kajumissuseqarlutit sukkasuumillu ilikkajasuullutit
• Tunisaqarnermik imaluunniit sullissinermik misilittagaqarputit (misilittagaqarneq iluaqutaassaaq piumasaqaataanngilarli)
• Oqarasuaatikkut inuit attaveqarfiginerat nuannarisarpat
• Namminersorsinnaavutit, peqqissaartuullutit akisussaaffimmillu tigusisinnaallutit
• Aasakkut piffissap ilaannaani sulisinnaavutit (piffissat nikerartut)
• Oqaatsit: Kalaallisut, danskisut aamma/imaluunniit tuluttut oqalussinnaavutit

Neqeroorutigaavut

• Qaammatini 3-ni aasaanerani suliffik (juuni–aggusti) sivitsorneqarsinnaaneralu periarfissaalluni
• Piffissap ilaannaani suliffik piffissallu nikerartut – ilinniarninnut naleqqussarneqarsinnaasut
• Tamakkiisumik ilaannakortumilluunniit angerlarsimaffimmit/remote-mik – sumiiffimmit kissaatigisannit sulineq
• Akunnermusialik bonusitalik
• Pisortamit suleqatinillu ilitsersorneqarnissamut tapersersorneqarnissamullu periarfissaq
• Uagutsinnik ineriartortitsineq: Kalaallit Nunaanni tamarmi attaveqarfinnik ineriartortitsinissamut periarfissaq suliffeqarfimmi ineriartortumi

Soqutiginnippit?
Qinnuteqaat CV-llu ataani linki aqqutigalugu nassiutikkit.

Apeqqutissaqarpit?
Suliffissat.gl-ip piginnittua Johannes Qvist-Markussen attavigiuk oqarasuaammut +299 53 22 35 / +45 42 53 22 35 imaluunniit mailimut JQM@SULIFFISSAT.GL allallutit.

Oqaloqatiginninnerit ataavartumik ingerlanneqassapput sapinngisamillu piaarnerpaamik aallartittoqassalluni.

Suliffissat.gl annertusiartorpoq – peqatigisigut!
Nunaatsinni suliffeqarfiit sulisunik amingaateqartillugit sulisussaannik ujaasiuttarpagut – suliffissarsiortullu suliffissaannik tullermik aamma nassaarnissaannik ikiortarlugit. Sulisussarsiuussineq, taartaasartunik (vikarinik) attartortitsineq, atorfiit inuttaligassat nittarsaanneri allarpassuillu suliarisarpagut.

Maanna piumassuseqarluartumik ujaasivugut – TikTok, Instagram, Facebook aamma LinkedIn aqqutigalugit nittarsaassisartussamik avammullu nittarsaassilluarsinnaasumik suleqatitaassalluta kissaatigaarput. Suliffeqarfik ineriartortoq peqataaffigiuk – aammalu illit uagut peqatigaluta ineriartoqataassaatit!

Suliassatit tassaasinnaapput:

• Suliffissat/atorfinnik, suliffeqarfinnik kiisalu ussassaarutit pillugit video-nik ilanngussanillu suliaqassaatit pilersitsillutillu
• TikTok, Instagram, Facebook aamma LinkedIn-mi siammarterineq, suliaqarneq ineriartortitsinerlu
• Isumassarsianik nutaanik saqqummiussinissannut periarfissaqassaatit – nammineq inuttut namminiussuseqarlutit periarfissinneqassaatit

Ilinnut makkua naatsorsuutigaagut:

• Inunnut attaveqallaqqissuusutit, inussiarnersuusutit, inoqatinillu oqaloqatiginnillaqqissuusutit
• Kalaallisut danskisullu oqalussinnaanissat kissaatigaarput – tuluit oqaasiinik piginnaasarnissat iluaqutaassaaq
• TikTok, Instagram aammalu Reels il.il. nittartakkatigut nittarsaassinermik soqutigisaqartutit
• Piginnaasaqareernissat misilittagaqarnissalluunniit pingaarnerpaanngilaq – ilikkarusussuseqarnissallu pisariaqartipparput, aqqutaanilu ilitsersorluarneqassaatit

Neqeroorutigaavut:

• Aalajangersimasumik imaluunniit suliaqarnermi akisarsiaqartitaaneq – soorlu video, ilanngussaq, allatigulluunniit peqataaneq il.il., saniatigut bonusit assigiinngitsut aamma periarfissaapput
• Illit nammineq aaliangersussavat qaqugukkut sumilu sulisassanerlutit
• Akissarsiassat, ajunngitsorsiassat imaluunniit atorfeqartitaanermut isumaqatigiinnikkut isumaqatigiissutigineqassapput ( Suliffeqarfittut normu, CVR-qarsartariaqanngilatit)
• Qanimut suleqatigiinneq avitseqatigiittarnerlu ataavartumik ingerlassapput, sivisuumik suleqatigiinnissaq periarfissaavoq

Paasissutissat allat:

Atorfiup sumiissusaa: Nunatsinni najungaqassaatit
Aallartiffissaq: Piaartumik
Qinnuteqarnermi: Videomik naatsumik imminullu ilisaritinnermik allagaqarlutit uunga nassiutissavat: info@suliffissat.gl imal. link atorlugu qinnuteqaat nassiunneqassaaq.

Apeqqutissaqaruit Suliffissat.gl-ip piginnittua Johannes Qvist-Markussen, mail: jqm@suliffissat.gl imaluunniit oqarasuaatikkut:
+299 383831 / +299 532235 / +45 42532235

Qinnuteqarnissamut killigititaqanngilaq – naleqquttoq nassaarigutsigu matuneqassaaq