Suliffik pissanganartoq assigiinngisitaartorlu neqeroorutigaarput, suliffeqarfiup iluani avataanilu – soorlu siunnersortinut pisiortorfitsinnullu attaveqaatit assigiinngitsut akornanni suleqatigiiffiusoq, ileqqorissaarnermillu tunngaveqartoq.
Greenland Airports ingerlaavartumik ineriartortitsineq aammalu aserfallatsaaliineq mittarfiit 13-it, heliportit/helistop-it 43-it ingerlatarivaat kiisalu taakkununnga atasut atortorissaarutit. Mittarfinni ataasiakkaani atortunik mittarfinnillu atulertitsinernik ingerlatsinernillu peqataassaatit, tassa asfaltimik imaluunniit ujaraaqqanik (grus) sanaajusinnaasut, aserfallatsaaliinermut atortorissaarutit atorlugit mittarfiit atortorissaarutaasa aammalu atortuutaasa aserfallatsaalinissaat peqataaffigissallugu. Saniatigut suliassat AutoCad/Revit atorlugu titartakkanik nutarterinissaq aammalu diagrammit nutarternissaat ilaassapput.
Teknikkikkut pisortaq qaninnertut qullersarissavat, tassanilu akisussaaqataaffigisassatit makkuupput illuutit, atuutsitsilerneq aammalu Sertica-mik ingerlatsineq ilinniartitsinerlu kiisalu titartakkanik nutarterineq.
Sertica aserfallatsiiliinertut systemitut atorneqartussatut Greenland Airports-ip toqqarnikuuaa tassani Kalaallit Nunaanni mittarfinnik aserfallatsaaliinissaq pilersaarusiorneqartumik aqutsinermut atorneqartussatut.
Teknikkimut immikkoortortaqarfiup suliassaanut makkua ilaapput: Biilit assingisaaluunniit angallattakkat, maskiinat, orsersuiffiit, innaallagialersornerit il.il.
Ilinniarsimasatit aallaavigalugit mittarfinni suliassanik allanik isumaginninneq periarfissaavoq.
Ilinniarsimasatit imaluunniit piginnaasatit uku naatsorsuutigaagut:
- Aserfallatsaaliinermut atortut/systemit pillugit misilittagaqassasutit, imaluunniit Sertica ilisimasaqarfigissagit
- Titartaasarnermut atatillugu atortut/programmit pillugit ilisimasaqarneq iluaqutaassaaq
- Aserfallatsaaliinissamut pilersaarusiornermik misilittagaqarneq
- Pitsaasumik suleriuseqarneq
- Allanik suleqateqallaqqillunilu attaveqaqatigiillaqqissoq
- Inussiarnersoq suliassanullu pilersaarusiullaqqissoq
Sertica aammalu allat programmit pillugit ilinniartitsineq pissaaq.
Piginnaasassat:
Teknikkeqarnikkut ilinniagaqarsimassasutit soorlu innaallagialerisoq, sanasoq imaluunniit teknikkut assigisaanilluunniit ilinniagaqarsimassasutit naatsorsuutigaarput, taakkualu saniatigut piffissami suliartorfissannik ataqqinnittuullutit, suliffimmi naapikkuminartuullutillu sullississuseqarusuttuusutit.
Taamatuttaaq atorfik makkuninnga piumasaqaateqarpoq:
- Inuttut aalajaatsuusutit, tatiginartuusutit aammalu sullitanik sullissinermut piginnaasaqartutit, peqqissaartuusutillu
- Sulinermi aaqqissuussaasumik aammalu sammivilimmik sulisinnaassuseqartutit
- Kalaallisut danskisullu oqalussinnaasoq allassinnaasorlu, tuluttut piginnaasaqarneq iluaqutaassaaq
- IT-mik atuinermi qaffasissumik piginnaasaqassasutit
- Word aamma Excel-imi qaffasissumik pikkorissarsimasutit
- Pinerlussimannginnermut uppernarsaammik saqqummiussisinnaasutit
Greenland Airportsip makkua neqeroorutigai:
Atorfik piffissaq tamakkiisumi suliffissaq, pissanganartorpassuarnik unammilligassaqartitsisoq aammalu atorfeqarnikkut periarfissaqartitsisoq. Suleqatigilissavatit pikkorissut ikiuukkumatuut, piukkunnartut aammalu suleqatiginnikkusuttut. Suliffigilissavat suliffeqarfik ineriartorfioqisoq pinngortitarsuarmilu kusanarluinnartumiittoq, ukioq tamakkerlugu arlalinnik angalasarnissamik periarfissiisoq. Suleqatit pikkorissut suleqatigalugit, tapersersuisut aammalu nuannaartut.
Atorfinitsitsinermi atugassarititaasut:
Atorfeqarneq immikkut isumaqatigiissutigineqassaaq, makkualu saniatigut ilaapput:
- Sapaatip akunneranut nalunaaquttap akunneri 40-it suliffiusassapput
- Peqqissutsimut sillimmasiineq
Isumannaallisaanermut uppernarsaat:
Atorfimmut qinnuteqartutut isigineqassaguit, politiinit isumannaallisaanermut akuerineqarsinnaassaatit. Taamaattumik qinnuteqaatinnut ilanngullugu pinerluuteqarsimannginnermut uppernarsaammik ilanngussillutit nassiutissaatit www.sullissivik.gl-imi imaluunniit politeqarfimmiit pissarsiarineqarsinnaavoq.
Paasissutissat amerlanerusut:
Atorfik pillugu paasisaqarnerorusukkuit imaluunniit apeqqutissaqaruit, teknikkimut pisortaq Kim Aardestrup attavigisinnaavat oqarasuaammut +299 59 01 76 imaluunniit mailikkut kim@airports.gl
Atorfimmut apeqqutinik nalinginnaanerusut Sulisoqarnermut immikkoortortaqarfimmut, HR-imut mailikkut nassiunneqassapput: hr@airports.gl
Paasissutissat allat Greenland Airports pillugu uani takukkit: www.airports.gl
Qinnuteqaat:
Qinnuteqaatit oqaloqatiginninnerillu ingerlaavartumik ingerlanneqassapput.
Greenland Airports Kalaallit Nunaanni mittarfinnik 13-inik aammalu helipad-inik 46-nik ingerlataqarpoq. Ukiumut mittarfiit aqqutigalugit aallartarnerit minninnerillu 60.000 sinnerlugit pisarput, ukiumullu ilaasut 350.000 sinnerlugit sullitaraagut. Sulisuvut 400-t missaanniipput, nunatsinni suliffeqarfiit annerpaat ilagaatigut, sulisorpassuavut suliffeqarfittalu ineriartortuarnissaanut sulissuteqarpugut. Taamaattumik amerlasuunik sullissinernik pikkorissarnernillu neqerooruteqarpugut, inuiaqatigiillu ineriartornerannut pitsaasumik tunniussaqarsinnaalluta.
