Kalaallit Nunaata pingaarnersaata angallaviatigut pingaaruteqartup iluani aasaanerani suliffissaqartitsinermut peqataarusuppit? Aasaanerani sulisussarsiorpugut, Facility-mut immikkoortortaqarfitsinni, piffissami maaji-miit septembari ilanngullugu.
Ulluunerani suliartornissamut piareersimavit? Suliassaqarfimmi ulapaarfiusinnaasumi suliffik nuannariviuk? Taamaappat illit tassaasinnaavutit sulilertussaq!
Suliassatit ilaatigut makkuussapput:
- Pisariaqartitsinermut assartuinernik ingerlatsineq – atortorissaarutit ajoquteqanngitsumik ingerlanissaat qulakkeerlugu
- Suleqatigiinneq – immikkoortortaqarfiit allat suleqatigalugit ingerlalluartumik ingerlatsineq
- Ad hoc suliassat – pisuni assigiinngitsuni ikiueqataasarneq
Uagutsinniit naatsorsuutigisat:
- Takkuttuaannarnissamut piareersimaneq aammalu akisussaaffimmik tigusisinnaaneq
- Ulapaarfiusinnaasumi suleqatigiinnermut piumassuseqarneq
- Weekendimi aammalu allanngorartunik suliffimmi suliarnissamut piareersimaneq
- Aasaanerani sulinngiffeqarnissaq atorneqareersimassasoq
- Kategori B biilinut allagartaq – piumasaqaataanngilarli
- Suleqatigiuminartoq aammalu sullissiumassuseqartoq
Neqeroorutigaagut:
- Aasaanerani suleqatigiinnermi misilittagaqarnerulersitsineq
- Sulisut kattuffianni isumaqatigiissut naapertorlugu akissarsiat
- Suliffik nuannersumik suleqatigiinneq aammalu suliffimmut sunniuteqarsinnaaneq
Isumannaallisaanikkut akuerisaaneq
Atorfinitsitaaniaraanni malittarisassiat atuuttut malillugit politiiniit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitap muminga ilanngullugu nassiutissavat. Taanna najugarisami politeeqarfimmi pissarsiarisinnaavat.
Paasisaqarnerugit:
Atorfik pillugu paasisaqarnerorusunnermi Faciliy Manageritsinnut René Langholtzimut
oqarasuaatitigut +299 24 42 37-mut imlt. e-mailikkut rela@airports.gl-mut attaveqarnissannut tikilluaqqusaavutit.
Apeqqutit naliginnaanerusut HR-afdelingitsinnut emailkkut hr@airports.gl-mut ingerlanneqassapput.
Qinnuteqarneq:
Atorfimmut piukkunnarsassallutit qinnuteqaatit, cv-t (misilittakkat allattorsimaneri) kiisalu ilinniarsimanermut allagartat onlinekkut nassiunneqassapput kingusinnerpaamik maajip 25-ani 2025.
Malugiuk allakkatigut qinnuteqaatit tiguneqarneq ajormata.
