Aaqqissuussinermut, aalajaassutsimut aammalu sinaakkutinik pitsaasunik pilersitsinissamut peqataarusuppit, sulisunut meeqqanullu suliffeqarfimmi inuiaqatigiinni pingaaruteqartumi?
IMP sinnerlugu Suliffissat.gl piumassuseqartumik peqqissaartumillu ingerlatsivimmi immikkoortortami aqutsisussariorpoq, suliffeqarfimmi ulluinnarni ingerlatsivimmi(drift) qitiusumik inissisimasussamik.
Pisortamut sulisunullu pingaarutilittut suleqataalissaatit. Aaqqissuussineq, ataqatigiissaarineq aammalu suleriutsimik pitsaasumik ingerlanissap ulluinnarni qulakkeerneqarnissaa akisussaaffigissavat.
Suliffik pillugu
Ingerlatsivimmi immikkoortortami aqutsisutut ulluinnaat toqqissisimanartumik meeqqat angerlarsimaffianni ingerlannissaat qulakkiissavat, sulisut angerlarsimaffimmilu najugaqartut aalajaassuseq, aaqqissuulluagaq, aqutsilluarnerlu ersarissumik ingerlanissaat qulakkiissalugu.
Pisortaq qanimut suleqatigissavat, sulisunullu aqutsinermut pingaarutilittut inissisimassallutit, ulluinnarni ingerlatsinermut, allaffissornermi suliassat aammalu angerlarsimaffimmi aaqqissuussinermi agguataarineq pingaarutilimmik inissisimaffigissavat.
Sulisoqarneq aammalu aqutsisoqarneq
Atorfiup qitiusumik ilangivaa sulisut suleqatiginissaat aammalu suliffigissaanermik inerartortitsineq.
Aammalu:
- Qaammatit pingasukkaarlugit isumassuinermik sulisunik oqaloqatiginninnerit
- Pisortaq peqatigalugu suliffimmut tunngasunik oqaloqatigiinnernut peqataanerit
- Sulisunik nutaanik tikilluaqqusineq ilinniartitsinerit
- Sulisunut ilitsersuutinik kiisalu suliffimmi maleruagassanik atuutsitsilersineq
- Sulisunut paasissutissiineq malinnaatitsinerlu
Ulluinnarni ingerlatsineq
Ulluinnarni ingerlatsinermi aaqqissungaaneq takunnissinnaanerlu akisussaaffigissavat.
- Najugaqatigiiffimmi ulluinnarni sulinermi aaqqissungaanerup agguataarinerullu qulakkeernissaa
- Sulisut ilisimatinnissaat ulluinnarni ingerlatsinermik aammalu suliassanik pisariaqartunik allanik
- Najugaqatigiiffimmi sammisaqartitsinermi pisussanik pilersaarusiorneq
- Nalliuttuni, aaqqissuussinernilu pisortaq peqatingalugu pilersaarusiorneq
Allaffissorneq
Najugaqatigiiffiup allaffissornermi ingerlanneqarnerata torersumik eqqortumillu ingerlanissaa suleqataaffigissavat.
Suliassannut aamma ilaassapput:
- Sulisut eqqortumik tiimilersorneqarnerisa qulakkeernissaat
- Suliffiup iluani periutsit suleriutsillu malinnaaffiginissaat
- Suliffiup iluani suleriutsimik malittarisassat nutartertuarnissaat
Nerisaqarneq suliassallu sukumiisut
Ulluinnarni ingerlatsinermut akisussaaffittut aamma ilaavoq nerisaqarnermut pisiniartarnermullu
pilersaarusiorneq ataqatigiissaarinerlu.
Taakku aamma ilagaat:
- Sapaatip akunneranut nerisaqarnissap pilersaarusiornera
- Nerisassanut pisiniarnermut missingersuutip malittarinera
- Pisiniarneq aamma nerisassanik ataqatigiissaarineq
Sulliassat inatsisitigut tunngavillit
Atorfik akisussaaffinnik aamma imaqarpoq soorli uppernarsaatinik toqqortuineq aammalu malittarisassat atuuttut sulinermilu periutsit.
Taakkua ataanni:
- Killiffinnik imaqarniliornerit
- Periusissiornermut katsorsaanissamullu pilersaarusiornerit
- Nerisaqarnermut aqutsisoqarfimmut nalunaarusiornerit
- Isumannaallisaanermut aaqqissuussinermut malinnaaneq
Kinaavit?
Naatsorsuutigaarput illit:
- Aqutsisutut ilinniagaqartutit (piumasaqaataavoq)
- Ataqatigiissaarinermik misilittagaqartutit imaluunniit inulerinermik
- Aaqqissuulluakkamik suleriuseqartutit aammalu ulapaarfinni nakkutiginnilluarsinnaasutit
- Suleqateqallaqqissuusutit, attaviginnillaqqillutit sulisunut aqutsisunullu
- Akisussaaffimmik suliassanillu tigusinissamut sapiissuseqartutit
IMP Pillugu
IMP tassaavoq ulloq unnuarlu angerlarsimaffik Nuummiittoq, toqqissisimasumik sinaakkuteqartumik pilersitsisoq aammalu ineriartoqqinnissamut periarfissaqarfiusoq, meqqanut inuusuttuaqqanullu immikkut ikorfartorneqarnissamik pisariaqartitsisunut.
Najugaqatigiiffik aalajaassutsimik, attuumassuteqartunut aammalu pisinnaasatigut ineriartortoqarnissaa aallutarivaa.
Qinnuteqarneq
Oqaloqatiginninnerit Suliffissat.gl-imiik ataavartumik ingerlanneqassapput.
Qinnuteqaatit, CV ilanngullugu qinnuteqarfissaq Suliffissat.gl aqqutigalugu nassiunneqassaaq.
Atorfik pillugu apeqqutissaqaruit Johannes Qvist-Markussen attaviginissaanut tikilluaqqusaavutit oqarsuaat: +299 38 38 31 / 532235 imaluunniit mail: jqm@suliffissat.gl
