Atorfimmik pissanganartumik ujarlerpit, avatangiisini susoqarfiulluartumi?
Terminalarbejderitut ilinniarnikuuit? Ullullu tamaasa suliassamik ajunngitsumik naammassisaqarnissat pingaartitaralugu, silaannarissumilu inuuneq ilorrisimaarutigalugu? Taava heliport Uummannaq suleqatissarsiorpoq terminalarbejderitut/lastemanditullu atorfimmi.
Suliassat
Suliassat pissanganartut tamatigoortullu pisassavatit ullullu tamaasa assigiinnavianngillat. Suliassatit ilaatigut makkuupput:
- Timmisartut attartukkat suliarinissaat – timmisartunik usilersorneq usingiaanerlu, timmisartorlu orsulersorlugu
- Mittarfimmi suliassat s.a. aputaajaaneq il.il.
- Ikuallannermik annaassiniarnermillu sullissineq
- Timmisartoqarfiup illuutaata atortuisalu aserfallatsaalineqarnissaat
- Ilaasunik assartugassanillu passussineq
- Suliassat allat takkussuuttut
Piginnaasassat
Naatsorsuutigivarput terminalarbejder`itut ilinniarsimanissat aamma 100 %-mik takkuttarlutit aalajaatsuunissat, pisussaaffitit paarilluarpatit aamma sullissinermik pikkoriffeqarputit. Tamakkua saniatigut aamma suliffigiligassat ilinnut piumasarivaa;
- Mittarfimmik ingerlatsinermik misilittagaqarnissat, taamaanngippat sanilerisattut ilinniartinneqassaatit naleqquttumillu pikkorissarneqarlutit.
- Kalaallisut ajornanngippallu qallunaatut oqalussinnaasutit
- Peqqissuunissat
- Kørekort angineq pigissagit aamma truckkorti
- Pinerlussimannginnermut uppernarsaateqarnissat
- Mittarfimmi qatserisartussatut ilinniartitaaneq/taamaattoq atorfinittareernermi ilinniartinneqarsinnaavutit
Greenland Airport A/S neqeroorutigaat
Suliffeqarfik pissanganartoq ineriartortoq, sulisut ajunngitsorsiassaannik pingaartitsisoq aamma suleqatigiinni kammagiilluarnissaq pingaartillugu. Suleqatigiinni sisamaasuni peqataalissaatit tamarmik immikkuuffaarissumik sulillutillu suleqatigiikkuutaani sulipput. Trafikkontorimi ilinniartinneqassaatit.
Atorfininnermi piumasaqaatit
Akissarsianut atorfininnermullu tunngasut SIK-p isumaqatigiissutai naapertorlugit qaammammusiaqartoqarpoq, tamannalu aamma makkuninnga ilaqarput.
- Malittarisassat atuttut malillugit sulileqqaarnermi akeqanngitsumik angalasinnaatitaaneq
- Piffissaq suliffiusoq sapaatip akunneranut, akunnerit 40-uupput
- Sulilertoqarsinnaavoq isumaqatigiissuteqarnikkut pisumik
Isumannaallisaanermi akuerineqarneq:
Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimannginnermut nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq
Paasisaqarnerorusuppit?
Atorfik pillugu annertunerusumik paasisaqarusukkuit tikilluaqquneqarputit Mittarfimmi pisortaq James Nielsen oqarasuaammi +299 38 27 51 attavigisinnaallugu imaluunniit mailikkut jani@airports.gl. Apeqqutit naliginnaanerusut HR immikkoortortamut apeqqutigineqarsinnaapput mailikkut uunga hr@airports.gl.
Qinnuteqaat atorfimmut tigutissaguit taava qilanaarpugut qinnuteqaatit tigussallugu, CV aamma ilinniarsimaninnut uppernarsaatit link ataaniittoq atorlugu kingusinnerpaamik 11-08-2025 tigusimassavarput.
Ilisimatissavatsigik E-mail-ikkut qinnuteqaatit tiguneqarnavianngitsut.
