Angalanerit timmisartullu suliarinissaannut misilittagaqarpit imaluunniit soqutiginnippit – soorlu trafik- imaluunniit check-in assistentitut? Ullut tamaasa pitsaasumik sulinissat pingaartippiuk? Ulapaarfiusumi sullivimmi pitsaasumik ingerlatsisinnaavit suleqatinnillu kajumilersitsisinnaallutit? Taava Greenland Airports Narsarsuarmi Check-in assistentitut atorfik ilinnut tulluartuuvoq.
Aasaanerani ikiortimik pissarsiorpugut, sulilertussaq sapinngisamik piaartumik sulilernissaa kissaatigaarput, atorfeqarnissallu sivisussaa 30. september 2025 tungaanuussalluni.
Suliassat pissanganartut assigiinngisitaartullu suliarisassavatit – ullullu tamarmik assigiinnissaat naatsorsuutiginagu. Ilaatigut suliarisassavatit:
- Icelandairip angalatitaanik nassatalinnillu check-in’ertitsineq
- Chartre-nik assigiinngitsunik suliaqarnermut peqataaneq
- Immikkoortortanut allanut tunngatillugu allaffissornikkut suliassat
Piginnaasassat:
- Trafik- imaluunniit check-in assistentitut ilinniarsimasoq misilittagaqartorluunniit kissaatigivarput
- Sullitanik sullissinermik pingaartitsisoq, taamaattumik paasissutissanik pitsaasunik tunniussisinnaanissaq pingaaruteqarpoq
- Kalaallisut, danskisut oqalussinnaasoq – tuluttullu oqaluussinnaaneq iluaqutaassaaq
Greenland Airports-mit neqeroorutigaarput:
Suliffik pissanganartoq ineriartortoq, tassani sulisut pitsaasumik atugassaqartinneqarnissaat pingaartinneqarpoq, aammalu suleqatigiinnermut pingaaruteqartutut isiginnittoqarluni.
Nakkutilliinermut akuersissut
Atorfimmut innersuunneqarsinnaanissaq anguniarlugu, nakkutilliinermut akuersissuteqaqqaarnissaq pisariaqartinneqarpoq. Taamaattumik politiinit pinerluuteqarsimannginneq allattorsimaffik nassiullugu uppernarsarneqassaaq. Tamanna najukkanni politiinit imaluunniit www.sullissivik.gl -ikkut pissarsiarineqarsinnaavoq.
Atorfeqarnermut atugassarititaasut
Akissarsiat atorfinitsitsinerlu isumaqatigiissutit naapertorlugit ingerlanneqassapput. Tamanna naammassineqarsinnaanngippat immikkut isumaqatigiissuteqartoqarluni atorfinitsitsisoqarsinnaavoq.
Paasissutissanik annertunerusunik pissarsiniarneq
Atorfik pillugu paasisaqarnerorusukkuit imaluunniit apeqqutissaqaruit, Trafik leder Margrethe Egede attaveqarfigisinnaavat e-mailikkut uunga: maeg@airports.gl imaluunniit oqarasuaatikkut: +299 38 84 62.
Apeqqutit nalinginnaanerusut HR-imut ingerlateqqinneqarsinnaapput uunga: HR@airports.gl
Qinnuteqarnissamut
Atorfimmut tiguneqarsinnaassaguit qinnuteqaatit, CV, aammalu ilinniagaqarsimanermut uppernarsaatit kingusinnerpaamik ulloq 31. juli 2025 qinnuteqarfissamut ataaniittumut nassiutissavatit.
Mittarfeqarfiit, Grønlands Lufthavne, mittarfiit 13-nit ingerlappaat aammalu helipadsit 43 kalaallit nunaanni inissisimasut. Suliat 60.000-it ingerlattarpagut (start og landing) qangattarnerit aammalu minnerit. Inuillu 350.000 missiliorlugit sullittarlutigit ukiumut. Sulisut katillugit 450 missaaniipput, taamaattumik aamma Kalaallit Nunatsinni suliffeqarfiit annerpaat ilaattut inissisimavugut, ineriartornissarpullu pingaartillugu. Suliffeqarfimmittaaq pingaartipparput ilinniaqqinnerit aammalu ineriartornissamut tunngasunik periarfissiinerit, tamakkumi qulakkeerinneqataammata inuiaqatigiinnut nuannersumik sunniutilinnik.
