Quality & Safety CoordinatorSuliffeqarfimmi suleqatissarsiorpugut
Greenland Airports-imi Quality & Safety Coordinator-itut atorfininnermi suliffeqarfimmi aaqqissuussamik pitsaasumik aammalu isumannaallisaanermik qulakkeerinninnermut pingaarutilimmik peqataasussanngussaatit. QMS-imik aammalu SMS-imik aaqqissuussanik atuutsitsinermi, malitseqartitsinermi aammalu attassinermi peqataassaatit, kiisalu suliffeqarfimmi periutsit, najoqqutassat piumasaqaataasut pitsaassutsimut naapertuuttuunissaannut qulakkeerinninneq peqataaffigissallugu.
Mittarfeqarfimmi aqutsisut, sulisut aammalu immikkut ilisimasalinnik suleqateqassaatit, aammalu ulluinnarni ingerlatsinermut aammalu ineriartortitsinermik suliniutinut annertuunut - ilaatigut mittarfinnik nutaanik tunngavilinnut – ataqatigiissaarisumik pingaarutilimmik inissisimassaatit.
Atorfik Nuummi qullersaqarfitsinni inissisimavoq, aammalu Quality & Safety-imut vicedirektørimut attaveqartuussaatit. Suliffeqarfimmi ineriartortumi peqataassaatit, suleqatigiinneq, aaqqissuussineq aammalu pitsaassuseq qitiutinneqarput.
Suliassat pingaarnerit:
- Pilersaarusiorneq ataqatigiissaarinerlu suliffeqarfiup iluani avataanilu suliffimmut tunngasunik
- Suliaqartarnerit aaqqissuusaasumik pilersaarusiorlugit, immikkoortortaqarfinnik attuumassuteqartumik ataqatigiissaarineq kiisalu auditit ingerlanneqarsimasut malinnaaffigineri.
- Quality safety-llu iluani ilinniarfissanik ataqatigiissaarineq
- Ilinniartitsinerit pilersaarusiorlugit, malinnaaffigineri aammalu sulisut pisariaqartitaannik pisinnaasaqalernissaat qulakkeerlugu ataatsimut isiginnissinnaaneq.
- Angalanermik ataqatigiissaarineq kiisalu inniminniineq
- Angalanernik inniminniineq kiisalu angalanerit pitsaasumik aaqqissuussaanissaat aammalu suliffeqarfiup iluani malittarisassanut naapertuunneq qulakkeerlugu.
- Ulluinnarni suliffeqarfiup pitsaassusaata aqunneqarnera qulakkeerlugu
- Atuisunik tapersersuineq, systemip eqqortumik atorneqarnissaa qulakkeerlugu aammalu ingerlaavartumik pitsanngorsaanermut peqataaneq.
- Mittarfiliassat nutaat pillugit ataatsimiinnerni peqataaneq aammalu tapersersuineq
Piginnaasatigut siunnersuineq aammalu pitsaassusermut aamma isumannaallisaanermut piumasaqaatit pilersitsinermi ingerlatsinermilu ilanngunneqarnissaat qulakkeerlugu. - Isumannaallisaanermut attuumassuteqartunik suliassanik suliarinninneq aammalu naammassineqarnissaannik qulakkeerineq
Isumannaallisaanermut tunngasunik naammassiniagassanik tigusineq, aaqqissuussineq aammalu malinnaaneq, taamaalilluni aaqqissuussaasumik suliarineqarlutik eqqortumik naammassineqarnissaat qulakkeerlugu.
- Navianartoqarsinnaaneranut malinnaaneq
Ulorianaammik annikillisaataasussanik suliniutinik killiffiinik nakkutiginninneq aammalu iliuuserisat ingerlanneqarlutillu uppernarsarneqarnissaat qulakkeerlugu.
- Manualinik aammalu allagaatinik nutarterineq aserfallatsaalinerlu
Suleriusissanut, manualinut aammalu systeminik nassuiaatinut tunngatillugu nutarterineq, atuuttunik piumasaqaataasunut naapertuutitsinissaq qulakkeerlugu. - Findings pillugit aqutsisunut aammalu kisitsisitigut takussutissianut nalunaarusiorneq
Findings pillugit paasissutissanik aaqqissuussineq aammalu saqqummiussineq, aqutsisut ersarissumik takussutissaqarnissaat aammalu ineriartorneq malinnaaffigisinnaaqqullugu. - Inatsisinik nutaanik malinnaaffiginnineq aammalu inatsisinik uppernarsaarinermik suliaqarneq
Malittarisassat nutaat malinnaaffigineri aammalu suliffeqarfiup malittarisassanut naapertuunnera qulakkeerlugu. - Sulisut nutaanik ilaasortanngortitsinissamut ikiuineq ilinniartitsinerlu
Pitsaassusermut isumannaallisaanermullu suliat ilisarititsissutigalugit, sulisut nutaat aallartilluarnissaanut qulakkeerinninneq
Illit pillutit:
Ingerlatsinermut piginnaasaqarluartumik aammalu aaqqissuussaasumik inummik ujartuivugut, paasissutissanik, allagaatinik aammalu ataqatigiissaarinermik suliaqarnermi nuannarisaqartumik. Mittarfilerinermi misilittagaqarneq piumasaqaataanngilaq, kisianni pitsaassuttimut isumannaallisaanermut aammalu malissarisassanut naapertuffiusumik avatangiiseqarnermi pitsaasumik sulerusussuseqassasutit. misissueqqissaarsinnaassaatit, sukumiisumik suliaqarsinnaavutit aammalu ataatsimut isiginnissinnaallutit - suliassat amerlasuut ataatsikkut ingerlanneqartillugit.
Illit:
- Ingerlatsinermut, pitsaassusermut, isumannaallisaanermut malittarisassanut naapertuilluarsinnaallutit imaluunniit assingusuni misilittagaqarneq.
- Misissueqqissaarnermi piginnaasaq annertooq aammalu Excelikkut misilittagaqarneq, data nalunaarusiat aammalu takussutissiat naapertorlugit
- Allannermi piginnaasaqarluartutit aammalu allagaatinik aaqqissuussineq aammalu paasissutissanik saqqummiussineq misilittagaqarfigalugu.
- Office-kkut misilittagaqarneq qarasaasiakkullu allanik ilisimasaqartutit.
- Suleqatikkuminartoq aammalu immikkoortortaqarfiit akimorlugit suleqatigiinnissamut nuannarisaqartuusutit.
- Tuluttut pitsaasumik pisinnaaneq – allannermi oqalunnermilu.
Pitsaaqutaassaaq pitsaassusermut, isumannaallisaanermut aqutsisinnaassuseq, suliassat, navianartoqarsinnaaneranut isummersornermut ilisimasaqaruit imaluunniit suleriusissanut allanut ilisimasaqarneq -kisianni pingaarnerpaavoq ilinniarusussuseq ineriartornissamullu kajumissuseq.
Neqeroorutigaarput:
- Suliffik pissanganartoq inuiaqatigiinnut pingaaruteqartoq
- Ilinniartitaaneq ingerlaavartoq piumasaqaataasut atuuttut naapertorlugit
- Suliffiup avatangiisia ineriartortitsiffiusoq suleqatillu kajumissuseqarluartut.
- Immikkoortortaqarfik aammalu suliffeqarfik sukkasuumik ineriartortoq aammalu ulluinnarni assigiinngissitaartunik suliaqarfiusoq.
- Akissarsiat piginnaasamut naapertorluakkat aammalu kalaallit atugassarititaat naapertorlugit.
- Sapaatip akunneranik ataatsimik immikkut sulinngiffeqarneq, kalaallit ferieloviat naapertorlugu nalinginnaasumik sulinngiffeqarnerup saniatigut.
Malugiuk: Atorfininnermi piumasaqaataavoq pinerlussimannginnermut akuerineqarnissaq.
Peqataarusuppit?
Apeqqutissaqaruit Safety Manager, Jakob Schyts attavigisinnaavat tlf. +299 53 88 88.
Qinnuteqaatit, CV aammalu uppernarsaatit attuumassuteqartut kingusinnerpaamik ulloq 20-05-2026 nassiunneqassapput.
Qinnuteqaatit aammalu oqaloqatiginninnerit ingerlaavartumik suliarineqassapput.
