Atuisunut tamanut saaffigiuminarlutillu sullissillaqqippit ? Taava imaassinnaavoq Hotel Narsarsuarmi receptionist-tut atorfik ilinnoortoq.
Suliassaqarfitit
Receptionistitut suliassaq siammasissumik inissisimavoq, tassami saaffiginnittarfik akunittarfiup tamaat qiteraa. Ullut suliffiusut marluk assigiinneq ajorput, taamaattumik neriorsorsinnaavatsigit ulluinnassat pissanganartoq, tamatumani isumatuumik peqqissumik tamakkerlugulu isiginninnermik tunngaveqarluta ataatsimoorluta iluatsitsilluartarpugut. Akunnittarfiup saaffiginnittarfia ulloq unnuarlu inuttalerlugu paarineqarpoq pigaartuusarnerillu agguataarnerusimapput ullaakkut unnukkullu pigaartuusarnermut. Weekend-ni aalajangersimasumik pigaartoqartarpoq weekend-it marluk allortarlugit. Unnuarsiornerit aamma pisinnaasarput.
Suliassatit ilaatigut makkuusinnaapput
- Akunnitarfimmi tikeraat aallalersullu isumagineqarnerat
- Ataatsimiigiartunik sullissineq
- Kioskimi tuniniaaneq aamma saaffiginnittarfimmi sullissineqAkunnittarfiup pulaartunut allattorsimaffiinit anisut isumagineratKarsimik naatsorsuineq
- Ineeqqanik pisussanillu inniminniisarneq
Piginnaasatit
Receptionistítut ilinniarsimavutit imaluunniit suliassaqarfiup iluani arlaatigut ilinniarsimasuullutit. Pitsaaqutaavoq akunnittarfimmi inniminniisarnermut pulaartunullu sullissinermik misilittagaqareeruit, akunnittarfinnilu inniminniisarnermut aaqqissukkanik IT-millu ilisimasaqaruit. Akunnittarfiup systemiinut ilinniartitsisoqassaaq. Taassumap saniatigut aamma naatsorsuutigaarput illit:Kalaallisut qallunaatut tuluttullu oqalussinnaavutit.
- Avammut saqqummilaartuuvutit, qungujulasoq aamma saaffigiuminartoq.
- Aalajaatsuuvutit, kajumissuseqarputit nutaaliorsinnaallutillu.
- Suliamut tanngassimaarnerit attatiinnarpat.
- Unneqqarissuuvutit suliffinnut tunniusimasuullutit sulinermullu ileqqorissutsimik pitsaasumik peqarlutit.
Akunnittarfik Narsarsuaq neqeroorutigaa
Suliffik ajunngitsoq, aalajangersimasumik atorfinitsitaaneq, unamminartorpassuit aqqutigalugit atorfittaassaatit pissanganartoq aamma namminersorfiusoq, inuttut suliamullu tunngasutigut ineriartornissannut ajunngitsumik periarfissaqassaatit. Suliffeqarfimmut atalissaatit, ulluinnarni ulapaarnermik nuannarisalimmut, atuisartutsinnullu sullissilluarnermik pingaartitsisumik. Receptionisti receptionimi pisortaasumut atavoq.
Isumannaallisaanikkut akuerisaaneq:
Atorfimmut akuerisaassaguit isumannaallisaanikkut politiiniit akuerisaasariaqarputit. Ilinnut tunngasutut pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat.
Atorfininnermi atugassarititatit
Atorfinittoqassaaq SIK-p isumaqatigiissutaa akunnermusialinnut tunngasoq, ilaatigut imatut isikkoqartoq:
- Malittarisassat atuuttut naapertorlugit ineqartitaaneq
- Malittarisassat atuuttut naapertorlugit sulilernermi akeqanngitsumik angalatitaaneq
- Malittarisassat atuuttut naapertorlugit qaammatini aqqaneq marlunni atorfeqareernermi, ukiumoortumik akilikkamik angalasinnaatitaaneq
- Piffissaq suliffigisassaq sapaatip akunneranut 40 timiuvoq
Annertunerusumik paasisaqarit:
Atorfik pillugu annertunerusumik paasisaqarusukkuit imaluunniit apeqqutissaqaruit, tikilluaqquneqarputit Bende N Madsen Ezekiassen oqarasuaammi +299 49 61 24 attavigissallugu imaluunniit mail-ikkut benm@aiports.gl allaffigalugu, Naliginnaanerusumik paasisaqarusukkuit taava HR-mik immikkoortortamut uunga saaffiginnissinnaavutit mail-ikkiut: hr@aiports.gl
Qinnuteqaat
Atorfimmut akuerisaassaguit qinnuteqaatit, CV, aamma ilinniartitaanermut upernarsaatitit toqqaannartumik www.aiports.gl -mut nassiunneqassapput kingusinnerpaamik 11-07-2025. Saaffiginnissutit tamarmik isertukkamik suliarineqartarput, qinnuteqaatillu ingerlaavartumik suliarineqartarlutik.
Mailitigut qinnuteqaatinik tigusineq ajoratsigit ilisimatissavatsigit.
Hotel Narsarsuaq tassaavoq Greenland Airports A/S-mik pigineqartutut suliffeqarfik namminersortitaq. Hotel Narsarsuaq tassaavoq akunnittarfik nuannersoq, 86-inik ineqartoq, aamma siniffiit 176-iusut agguataarsimasut ininut ataasiuttarissanut, marluuttarissanut, ilaqutariinnullu agguataarneqarlutik. Tamakku saniatigut Hotel Narsarsuup aamma cafeteria , neriniartarfik, bar-i ataatsimeersuartarfik, mittarfimmi kioski, kiisalu sanalukkanik tuniniaaneq ingerlappai.
Tamakkua pillugit www.hotelnarsarsuaq.gl -mi paasisaqarnerullutit atuarsinnaavatit.
