Greenland Airports (GA)-imi Narsarsuarmi teknikkikkut immikkoortortaqarfimmut ukiup naanissaanut ingerlatsinermut sulisussamik pissarsiorneq
Greenland Airports ingerlatsinermut sulisussarsiorpoq sullissilluarnermik pitsaassutsimillu qaffasissumik tunniussinissamut piareersimasumik kiisalu suliassat pitsaanerpaamik naammassineqarnissaannut peqataasussamik.
Suliassaqarfiit
Greenland Airports Narsarsuarmi ingerlatsinermut suliassanik isumaginnippoq, nalinginnaasumik kommunemit, Polaroilimit, RAL-imit aamma INI-mit ingerlanneqartartunik.
Atorfik assigiinngitsorpassuarnik imaqarpoq, kisianni siunissami suliassat taakku GA-mit ingerlanneqarunnaarnissaat pilersaarutaammat atorfik ukiup massumap naaneranut killiligaavoq.
Allat sinnerlugit suliassat ilaatigut makkuupput:
- Nunaqarfiup aqqusernginik, pisuinnaat aqqutaannik aamma tamanut atorneqartartunik ukiuunerani aserfallatsaaliuineq.
- Nunaqarfiup kuuffissuarnik ingerlatsineranik aserfallatsaaliuineq.
- Eqqagassalerinermut eqqaavissuarmillu ingerlatsinermut atatillugu suliassat.
- Umiarsuit tikittarnerannut atatillugu umiarsualivimmi suliassat.
- Ikummatissanik ingerlatsinermut assartuinermullu atatillugu suliassat.
- Nunaqarfimmi qatserisartoqarneq.
Suliassat allat ilaatigut:
- Greenland Airports-ip siunissamut nutaamut piareersarneranut atatillugu suliassat.
- Immikkoortortaqarfiup atortuinik ulluinnarni aserfallatsaaliuineq.
- Iluarsaassinernik aserfallatsaaliuinernillu annikinnerusunik suliaqarnissaq.
- Immikkoortortaqarfinni allani ikiuisarneq.
- Mittarfiup nunaqarfimmi qatserisartoqatigiivinut peqataasinnaaneq.
Piumasaqaatit
- Torersuunissamik pingaartitsisuuvutit pitsaassutsimillu eqqummaariffiginnittuullutit.
- Nuannaartuuvutit suleqatikkuminartuullutillu.
- Angallannermut allagartaq angisooq pigissavat.
- Pinerlussimannginnermut uppernarsaat eqqortoq saqqummiussinnaassavat.
- Suliassat suliffiullu nalaa eqqarsaatigalugit eqaatsumik periuseqarputit.
- Sanaartornermut maskiinanik angisuunik suliaqareersimaneq iluaqutaassaaq.
Greenland Airports neqeroorutigaa
Suliffik pissanganartoq assigiinngitsunillu suliassaqarfiusoq, suleqatit peqatigalugit ulluinnarni suliassat naammassineqartassallutik.
Kalaallit Nunaanni suliffeqarfiit pisortanit pigineqartut annersaasa ilaanni sulilernermi suliffeqarfimmi immikkoortortaqarfinni allani atorfininnissamut periarfissat pitsaasut periarfissaapput.
Isumannaallisaanikkut akuersissuteqarneq
Atorfimmut naatsorsuutigineqassaguit maleruagassat atuuttut naapertorlugit isumannaallisaanikkut akuersissummik pissarsisinnaassaatit. Taamaattumik pinerlussimannginnermut uppernarsaat ilanngullugu nassiunneqassaaq. Tamanna najukkanni politeeqarfimmi imaluunniit www.sullissivik.gl aqqutigalugu pissarsiarineqarsinnaavoq.
Atorfinitsitaanermi atugassarititaasut
Akissarsiat atorfinitsitaanermilu atugassarititaasut kattuffik attuumassuteqartoq naapertorlugu aalajangersarneqassapput.
- Atorfininneq soraarnerlu maleruagassat atuuttut naapertorlugit.
- Sulinngiffeqarnermi angalanissamut pisinnaatitaaneq qaammatit 12-it sulereernermi maleruagassat atuuttut naapertorlugit.
- Sulisunut inissiaq neqeroorutigineqassaaq, ineqarnermut akiliutit maleruagassat atuuttut naapertorlugit.
- Sapaatip akunneranut suliffiusartut akunnerit 40-t.
- Piaarnerpaamik imaluunniit isumaqatigiissuteqarnikkut atorfininneq.
Paasisaqarnerorusukkuit
Atorfik pillugu paasissutissanik amerlanerusunik imaluunniit apeqqutissaqaruit mittarfiup pisortaa Finn Thomsen attavigisinnaavat e-mailikkut: fth@airports.gl imaluunniit oqarasuaatikkut 497701.
Apeqqutit nalinginnaanerusut HR-imut nassiunneqarsinnaapput: hr@airports.gl
Greenland Airports pillugu paasissutissat amerlanerusut nittartakkatsinni www.airports.gl-mi takuneqarsinnaapput.
Qinnuteqaat
Atorfimmut naatsorsuutigineqassaguit qinnuteqaatit, CV-t aammalu ilinniarsimanermut uppernarsaatitit ataani linki aqqutigalugu kingusinnerpaamik 23. juni 2026 nassiutissavatit.
Atorfinitsitsinissamut oqaloqatiginninnerit ingerlaavartumik ingerlanneqassapput.
Greenland Airports pillugu
Greenland Airports Kalaallit Nunaanni mittarfinnik 14-inik heliportinillu 42-nik ingerlatsivoq. Ukiumut timmisartut aallartarneri mittarnerilu 60.000-it sinnerlugit isumagisarpagut aammalu ilaasut 800.000-it sinnerlugit sullissisarluta.
Sulisut 450-t missaanniittut peqatigalugit nunatsinni suliffiit annerit ilaanniippugut, sulisutta suliffeqarfiullu ineriartortinneqarnissaat ingerlaavartumik sulissutigisarlutigu. Taamaattumik sullississutit ilinniartitaanerillu assigiinngitsut amerlasuut neqeroorutigaagut, inuiaqatigiillu ineriartortinneqarnerannut pitsaasumik peqataalluta.
