Nalik Ventures pisortaanissarsiorpoq

Ingerlatseqatigiiffik inuiaqatigiit pigisaannik nalitoorujussuarnik allaffissuussisoq, Nunatsinnilu inuussutissarsiuteqarnikkut ineriartortitsinermi qitiusumik inissisimasoq siuttuuffigerusuppiuk? Inuiqatigiinnut, inuussutissarsiortunut piginnittunullu naleqalersitsiffiusumik angusaqarusussuseqartuuit, aningaasaqarnermullu tunngasunik paasisimasaqarneq periusissiornikkut aqutsinermik ataqatigiisitsiffigerusullugu?

Nalik Ventures A/S siunnerfiliisinnaasumik, aningaasaqarnikkut piujuartitsinissamik qulakkeerinnissinnaasumik aamma suliffeqarfiup sulisuinut toqqissisimatitsisuullunilu ersarissuliorluni aqutsisinnaasumik, misilittagartuumik pimoorussisumillu pisortaanissarsiorpoq. 

Akisussaaffik suliassallu

Siulersuisut qanimut suleqatigalugit siulersuisullu siulittaasuat qaninnertut qullersaralugu, ingerlatseqatigiiffiup aqunnissaa pingaarnerpaamik pisortaanertut akisussaaffigissavat. Sulisut 15-it missaaniittut akisussaaffigissavatit, aammalu inuussutissarsiuteqarnikkut ineriartortitsisutut, aningaasalersuisutut pisortatigoortumillu siunersiueqatitut atuuffiit oqimaaqatigiisinnissaannik ukkassiviusumik siammasissumik suliassaqarfeqassaatit. 

Imaaliussaatit:

• Aningaasaqarnikkut piujuartitsinissaq, ammasumik aqutsinissaq aammalu aningaasaqarnikkut pisortaq (CFO) qanimut suleqatigalugu, patajaatsumik aalajangiiniarnermi tunngaveqarnissaq qulakkeerniagassaraatit. 
• Siulersuisunut, sulisunut soqutiginnittunullu allanut siunersiueqatissaassaatit nukittooq.
• Issittumi, Avannaamioqatigiinni EU-milu nunat tamalaat akornanni aningaasaliisartut, aningaasaateqarfiit suleqatillu suleqatiginerisa attatiinnarneqarnissaat ilanngullugu  ineriartorteqqissavatit.  
• Namminersorlutik Oqartussat, kommunit allallu suliniartut suleqatiginerisigut - nuna tamakkerlugu inuussutissarsiuteqarnikkut ineriartortitsineq aallarnisaanerlu ikorfartussavatit.
• Takornariaqarnerup ineriartortinneranut peqataassaatit aammalu nunatsinni suliffeqarfiit aallarnisarnerannut alliartortinneqarnissaannullu tapersersuissallutit.
• Aningaasaliinermut aalajangersaanermullu tunngavissatut atugassanik, ataqatigiissaarlugu tulleriissaarluakkamik nalunaarsuutinik katersinissaq sulissutigissavat.
• Suliffeqarfimmi sinaakkutit, aaqqissuussaaneq ilorrisimaarnerlu pilersissavatit, suleqatigiit uummaarissumik suleqatigiilluarsinnaaqqullugit aammalu ilinniarsimassutsimikkut qaffasissumik inissisimasinnaaqqullugit.
• Ingerlatseqatigiiffiup sulineranut aningaasalersuineranullu ESG-p inuiaqatigiinnilu akisussaassuseqarnerup pissusissamisoortutut ilanngunneqarnissai qulakkiissavatit. 

Pisortaanissarsiorpugut: 

• Ukiuni arlalinni patajaatsumik aqutsisutut misilittagalimmik aammalu allat aqqutigalugit angusaqarsinnaassusilimmik.
• Aningaasaqarnerup iluani pikkoriffigisaminik ilinniarsimasumik aammalu aningaasaqarnermut, aningaasalersuinermut tamakkununngaluunniit attuumassuteqartunut misilittagalimmik. 
• Aningaasaqarnermut, ajutoorutaasinnaasunik nalilersuinermut periusissiornikkullu suliffeqarfiup anguniagaanut paasinnittaaseqarnermik paasisimasalimmik.
• Naammassinnerusussusilimmik anguniagaqarusuttumillu, kiisalu sulisunit toqqissisimaffigineqarsinnaasumik.
• Periusissiornerup ingerlatsinerullu akornani sulinermini ilorrisaarsinnaasumik – ungasinnerusoq eqqarsaatigalugu anguniakkanik tigussaasumik iliuusissanngortitsisinnaasumik. 
• Siulersuisunik suleqateqarnermik aammalu soqutigisaqaqatigiit soqutigisaannik inississuinermik, paasinninnermik iliuuseqarfiginninnermillu (Stakeholder Management) misilittagalimmik. 
• Oqaatsini atorneqartuni tamani ersarissumik eqqorluartumillu attaveqarsinnaasumik. 
• Nunatsinni pissutsinut piorsarsimassutsitsinnullu ilisimasaqarluartumik. 

Pissarsiassatit tassaapput

• Inuiaqatigiit pigisaanni suliffeqarfimmi, aqutsisutut akisussaaffik qaffasinnerpaaq.
• Nunatsinni inuussutissarsiornikkut ineriartortitsillunilu siuarsaanermut peqataanissamut periarfissaq immikkuullarissoq.
• Suliassaq immikkuualuttunik ataqatigiisitsiniaaffiusussaq unamminartorlu, aningaasalersuinerup iluani inuiaqatigiillu aningaasaqarnerannut annertuumik sunniuteqarfiusoq.
• Periusissiornikkut pingaarutilinnut immikkoortunut, matumani takornariaqarnermut aallarnisaanermullu ineriartortitsinikkut sunniuteqarnissamut periarfissaq.
• Siulersuisunik pimoorussisunik sulisunillu piginnaasaqarluartunik qanimut suleqateqarneq. 

Neqeroorutigaagut

• Atorfininnermi atugassarititaasut ajunngitsorsiassallu pisortaanertut atorfimmi pilerinartumi pissarsiarineqartussat, atugassarititaasunik unammillersinnaassusilinnik sulisutullu ajunngitsorsiassanik – matumani pineqarlutik atorfininnermi soraarnerussutisiassat, peqqinnissamut tunngasuni sillimmat kiisalu angalanikkut aaqqiissutit, sulinngiffeqarnermut atatillugu akiliunneqarluni angalanissamut periarfissiissutaasinnaasut – qulakkeerinniffiusoq.

• Atorfininnermut atatillugu inissaqartitsisoqarsinnaavoq, malittarisassallu atuuttut naapertorlugit pequtit angallanneqarnissaat neqeroorutigineqarsinnaalluni. 
• Suliffik Nuummiippoq – tassanilu najugaqarnissaq piumasaqaataavoq. 

Qinnuteqarneq aamma atorfinitsitsineq

Atorfinitsitsiniarneq Thomsen Consultingimit suliarineqarpoq. Qinnuteqaatit ataavartumik suliarivagut, atorfimmullu piukkunnartut oqaloqatiginissaannut aggersartarlugit. 

Apeqqutissaqassagaluaruit, taava Niels Thomsen, Thomsen Consultingimut +299 586636-mut/+45 5432 8408-mut sianerfigalugu imaluunniit uunga mailerfigalugu niels@thomsen.gl attavigisinnaavat.

Atorfimmut tunngaqqissaartunik apeqqutissaqaruit, siulersuisuni siulittaasoq Miki Lynge miki@lynges.gl -imut allaffigalugu / +299 556699-mulluunniit sianerfigalugu attavigisinnaavat.