Suliffeqarfimmi nunarsuarmiunut attuumassuteqartumi pissanganartumi sulerusuppit? Taava Greenland Airports Qaqortumi suliffissaq ilinnut naleqquppoq. Greenland Airports Qaqortoq Airport Briefing Officerimik piaartumik imaluunniit isumaqatigiissuteqarnikkut atorfinittussamik ujartuivoq.
Suliffiup imarisai:
Suliffimmi suliassat pissanganartut assigiinngiiaartullu suliarissavatit, ullullu tamarmik assigiinneq ajorput. Suliassat ilaatigut makkuussapput:
- Airport 20/20-mi timmisartuussinermut allattukkanik suliaqarnissaq
- Timmisartuussinermut tunngatillugu ingerlatsinermi manualinik aserfallatsaaliuineq
- Pilotsinut NOTAM-imik silallu qanoq inneranik paasissutissanik nassiussuineq kiisalu briefingeqartitsineq, kiisalu pilotit timmisartuussinissat pilersaarutaannik eqqortumik immersuinissamut ilitsersuineq
- Ullormut timmisartuussinernik nakkutiginninneq
- Sullitat saaffiginnissutaannik akissuteqarneq, pilersaarusiorneq, sullissineq, piumasaqaatit aammalu charterimik, privatimik kiisalu færgeflyvningimik akit pillugit
- Allaffissornermi suliassat assigiinngitsut timmisartuussinermut tunngassuteqartut
- OCS atorlugu slotsinik forpladsinillu aqutsineq
- Charter-, privat- kiisalu færgeflyvninginut uppernarsaatinik toqqorterineq
- Malittarisassat atuuttut naapertorlugit akitsuutinik akiliisitsisarneq
- Mittarfiup kiffartuussisunut pitsaanerpaamik sullissinissaq qulakkeerniarlugu
- Briefingimut tunngatillugu suliassat allat kiisalu pisariaqartillugu security pillugu suliassat
Piginnaasat:
- Timmisartuussinermut ilisimasaqarnissaq iluaqutaassaaq, kisianni piumasaqaataanngilaq
- Aalajaatsuuneq tatiginartuuneq aammalu suliassanut assigiinngitsunut suliffiullu nikerartumut pitsaasumik isiginnittaaseqarneq
- Oqaatsit: Tuluttut, danskisut, kalaallisut (tuluttut oqalunneq allannerlu pitsaasumik piginnaaneqarfigineqassapput)
Greenland Airports neqeroorutigaa:
Suliffik pissanganartoq ineriartortoq, sulisut pitsaasumik atugassaqarnissaat pingaartinneqartoq aammalu suleqatigiinneq pitsaasoq ataqqineqartoq.
Isumannaallisaanermut akuersissut:
Atorfimmut piukkunnartinneqassaguit isumannaallisaanermut akuersissummik pisinnaassaatit. Taamaattumik pinerluuteqarsimannginnermut uppernarsaat ilanngunneqassaaq. Tamanna najukkanni politeeqarfimmi pissarsiarineqarsinnaavoq.
Atorfinitsitaanermi atugassarititaasut:
Atorfinitsitsineq isumaqatigiissut atuuttoq naapertorlugu pissaaq. Atorfimmut ilanngunneq isumaqatigiissuteqarnikkut pissaaq.
- Atorfimmut atatillugu angalanerit malittarisassat atuuttut naapertorlugit
- Nuunnermut atatillugu pequtit angallannerinut aningaasartuutit malittarisassat atuuttut naapertorlugit matussuserneqassapput
- Sulinngiffeqarnermi angalanissamut periarfissaq isumaqatigiissut naapertorlugu
- Inissaqartitsineq malittarisassat atuuttut naapertorlugit
- Sapaatit akunneranut nalunaaquttap akunneri 40-t suliffiusassapput, sapaatip akunnerata naanerani nalliuttunilu suliffiusartunik ilanngullugit
- Piaartumik imaluunniit isumaqatigiissuteqarnikkut atorfininneq
Paasissutissat amerlanerusut:
Atorfik pillugu paasissutissanik amerlanerusunik imaluunniit apeqqutissaqaruit ulluinnarni aqutsisoq Helga Lorentzen attaveqarfigisinnaavat e-mailikkut: helo@airports.gl
Apeqqutit nalinginnaanerusut HR immikkoortortaqarfimmut nassiunneqarsinnaapput uunga: hr@airports.gl
Greenland Airports pillugu paasissutissat amerlanerusut nittartakkatsinni takukkit: www.airports.gl
Soqutiginnippit?
Taava qinnuteqaatit, CV kiisalu ilinniarsimanermut uppernarsaatit linki ataaniittoq aqqutigalugu ulloq 14. juni 2026 nallertinnagu tigunissaat qilanaaraarput.
