Sumiiffiit
Nuuk
Mittarfik Nuuk AFIS-operatørissarsiorpoq
Mittarfilerinermi qitiusumik ingerlaarfiusumi suleqatigilerusuppitigut? Immaqa illiuvoq ujartugarput!
Nuummi mittarfik ineriartorpoq AFIS-imilu sulisut amerlisarpagut.
Suliassatit
- Mittarfimmi paasissutissiinermik aamma kalerrisaarinermik suliaqarneq
- Silasiorneq
- Timmisartumi inuttanik ilisimatitsisarneq
- Mittarfimmi ullormut nalunaarsuisarneq allaffissornikkullu suliassat allat
- Qaammatikkaartumik aalajangersimasumik pigaartussanut pilersaarummut peqataaneq, kisianni unnuakkut nalliuttunilu suliartoqqusaariataartarnissaq naatsorsuutigineqassaaq
- Mittarfeqarfinniit pisariaqartinneqassappat mittarfinnut allanut paarlattaajortarsinnaanissaq ammaffingalungu
Piginnaasatit
- AFIS-itut atuuttumik allagartaqarneq (minnerpaamik) AFI
- Silasiornissamik ilinniarsimaneq
- OJTI-mik pikkorissarnermik atuuttumik allagartaqarsinissaq pitsaassaaq kisianni piumasaqaataanngilaq
- Qarasaasianik atuisinnaaneq
- Oqaatsit danskisut tuluttut piginnaasaqarfingalungit
Mittarfeqarfiit neqeroorutigaat
- Serviceforbund-imut isumaqatigiissut naapertorlugu atorfinitsitaaneq
- Malittarisassat atuuttut naapertorlugit atorfinitsitaanermut atatillugu angalanermi pisattallu nassiunneqarnerannik akiliunneqarneq
- Malittarisassat atuuttut naapertorlugit atorfimmut atatillugu ineqartitsisoqarsinnaavoq
Sillimaniarnikkut akuerineqarneq
Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerlussimasut nalunaarsorsimaffiannit uppernarsaammik atsiukkamik nassiusissaatit. Taanna politiini pissarsiarineqarsinnaavoq.
Paasisaqarnerugit
Atorfik pillugu paasisaqarnerorusukkuit apeqqutissaqaruilluunniit AFIS-imik aqutsisumut Ole Hjorth normumut uunga sianersinnaavutit +299 23 66 16, uungalu allallutit olhj@airports.gl
Apeqqutit allat tamanut tunngassuteqartut sulisoqarnermut immikkoortortaqarfimmut uunga saaffiginnissutigineqarsinnaapput: hr@airports.gl.
Qinnuteqaat
Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik (CV), kiisalu ilinniarsimaninnut uppernarsaatit internetikkut nittartakkakkut ataaniittukkut kingusinnerpaamik ulloq 14. August 2026 nassiunneqassapput.
