Mekanikeritut ilinniagaqarsimasuuit namminersorlutillu sulillutit nuannaralugu ilaannilu ulapingaatsiarfiusumi sulisinnaalluarlutit? Taamaappat immaqa Kulusummi suleqatissarivatsigit. Inuttut eqaatsuussaatit pissutsinut allanngorartunut naleqqussarsinnaassuseqarlutit suleqateqarnissallu kisimiillutit suliaqartarnertulli aamma nuannarissavat. Taakkua saniatigut uku piginnaasaqarfigissavatit:
- • Hydraulikki ilisimasaqarfigissavat
- • Minnerpaamik ukiuni 3-5 misilittagaqariissaatit
- • Pinerlussimannginnermut uppernarsaammik allagartaqassaatit
- • Qallunaatut kalaallisullu oqalussinnaassaatit ajornanngippallu aamma tuluttut
- • Qarasaasialerinermut tunngaviusumik ilisimasaqassaatit
- • Biilersinnaanermut allagartaqassaatit, biilersuarnut aamma allagartaqaruit iluassaqaaq
- • Svejserinermik misilittagaqassaatit
- • Maskinarsuit ilisimasaqarfigissavatit
- • Toyotat ilisimasaqarfigissavatit
- • Formandip suliassaai akisussaaffigissavatit
Greenland Airports neqeroorutigaa:
Suliffik aalaakkaasoq mittarfeerannguami nunaqarfiup Kulusuup 250-nik inullip eqqannguani 2 km-sut ungasitsigisumi inissisimasoq. Tassanngaanniik Tasiilamut, Nuummut Reykjavikkimullu aqquteqarpoq aasaanerani sap.ak. 60-riarluni tikinneqartarpoq ukiaaneranilu sap.ak. 20-ria tikinneqartarluni. Tunu pillugu paasisaqaqqikkusukkuit uunga iserlutit misissuataarigit www.greenland.com
Sillimaniarnikkut akuerineqarneq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik qinnuteqaatinnut ilanngullugu pinerluuteqarsimasut nalunaarsorfianniit uppernarsaammik nassiussissaatit. Taanna najukkanni politiini oqartussani pissarsiarineqarsinnaavoq.
Atorfeqarnermi atugassarititat:
Isumaqatigiissut naapertorlugu atorfonitsitsisoqassaaq. Tamanna periarfissaqanngippat immikkut isumaqatigiissuteqarnikkut atorfinitsitsisoqarsinnaavoq ataani taakkartorneqarsimasut ilaatinneqarlutik:
- Atorfininnermi suliunnaarnernilu angalaneq
- Pigisanik timmisartukkuussappata 75 kg umiarsuakkuussappata 200 kg nassartoqarsinnaavoq
- Inissaq pisatseriigaq maleruaqqusat malillugit akilertagassaq
- Mittarfeqarfiit politikkiat malillugu utoqqalinersiassanik aaqqissuussinermi katersaqartitsineq
- Immikkut isumaqatigiissuteqarluni atorfininneq, aaqqissuussineq 3:1
Paasisaqarnerorusukkuit:
Atorfik pillugu paasisaqarnerorusukkuit apeqqutissaqaruilluunniit Mittarfiup pisortaanut Bendt Duus-imut uunga oqarasuaammut +299 38 28 61 sianerlutit paasiniaasinnaavutit. Aamma Greenland Airports nittartagaanni paasisaqarsinnaavutit uunga iserlutit www.airports.gl. Paaserusutat naliginnaanerusut pillugit apeqqutissaqaruit sulisoqarnikkut qullersaqarfimmut hr@airports.gl -mut allallutit paasiniaasinnaavutit.
Soqutiginnippit?
Qinnuteqaativit tigunissaanut qilanaarpugut, ilinniagarnut allagartatit pikkorissarsimanernulluunniit ataani iserfissamut iserlutit nassiutikkit kingusinnerpaamik 18-07- 2025.
Greenland Airpots Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.
