Airport Briefing Officers (Havnebetjent) – Erninermut atatillugu taartaaneq
Suliffissamik pissanganartumik nunarsuarmioqatigiit akornanni avatangiiseqartumi ujartuivit? Taava Greenland Airports Kangerlussuaq ilinnut suliffissaateqarpoq. Greenland Airports Kangerlussuaq Airport Briefing Officerinik atorfinittussanik piaartumik imaluunniit isumaqatigiissuteqarnikkut atorfinittussanik pissarsiorpoq.
Suliassat
Suliassat assigiinngiiaartut pissanganartullu suliarissavatit, ullullu tamarmik assigiissanngillat. Suliassat ilaatigut makkuussapput:
- Airport 20/20-mi timmisartuussinermut nalunaarsukkanik suliaqarneq
- Timmisartuussinermut tunngasunik manualinik aserfallatsaaliuineq
- Operationelle meldinginik nassiussineq kiisalu pilotinik NOTAM-it silallu pillugit paasissutissiineq, aammalu pilotinut timmisartuussinissamut pilersaarutinik eqqortumik immersuinissamut ilitsersuineq
- Ullormut timmisartuussinernik nakkutiginninneq
- Malittarisassat atuuttut naapertorlugit akitsuutinik akiliisitsiniarneq
- Mittarfiup atuisui pitsaanerpaamik sullinneqarnissaat qulakkiissallugu
- Piffissami ulapaarfiusumi (maj–september) charterinik isumaginninneq
- Nunap iluani nunanilu allanit timmisartuussinernik isumaginninneq
- Ilaasunik sullissineq, ilaatigut check-in, boarding kiisalu atuisunik sullissineq
- Ilaasunik sullissinermut atatillugu suliassat allat, ilanngullugit security, pisinnaapput
Piginnaasat
- Timmisartuussinermut ilisimasaqarneq iluaqutaassaaq, kisianni piumasaqaataanngilaq
- Aalajaatsuusutit tatiginartuusutillu kiisalu suliassanut suliffiullu nalunaaqutaanik assigiinngisitaartunut pitsaasumik isiginnittaaseqartoq
- Oqaatsitigut piumasaqaatit: Tuluttut, qallunaatut kalaallisullu pisinnaaneq (tuluttut oqalussinnaallutillu allassinnaalluarneq)
Greenland Airports neqeroorutigaa
Suliffik ineriartortoq pissanganartoq, sulisunut pitsaasunik atugassaqartitsisoq kiisalu suleqatigiilluarnermik pingaartitsisoq.
Isumannaallisaanikkut akuersissut
Atorfimmut naatsorsuutigineqassaguit isumannaallisaanikkut akuersissummik pisinnaasariaqarputit. Taamaattumik pinerluuteqarsimannginnermut uppernarsaat ilanngunneqassaaq. Tamanna najukkami politiinit pissarsiarineqarsinnaavoq.
Atorfinitsitsinermi atugassarititaasut
- Atorfinitsitsineq isumaqatigiissut atuuttoq naapertorlugu pissaaq
- Atorfininneq isumaqatigiissuteqarnikkut
- Angalaneq atorfininnermi soraarnermilu malittarisassat atuuttut naapertorlugit
- Pequtit nuunnerannut aningaasartuutit malittarisassat atuuttut naapertorlugit akilerneqassapput
- Sulinngiffeqarnermi angalanissamut periarfissaq isumaqatigiissut naapertorlugu
- Ineqarneq malittarisassat atuuttut naapertorlugit
- Sapaatip akunneranut akunnerit 40-t suliffiusassapput, ilanngullugit weekendini nalliuttunilu vagteqarneq
- Piaartumik imaluunniit isumaqatigiissuteqarnikkut atorfininneq
Paasissutissat annertunerusut
Atorfik pillugu paasissutissanik amerlanerusunik imaluunniit apeqqutissaqaruit ulluinnarni aqutsisoq Cecilie Goliathsen attavigisinnaavat oqarasuaatikkut 23 22 55 imaluunniit e-mailikkut Cego@Airports.gl.
Aammattaaq Administrationschef Tage Johansen attavigineqarsinnaavoq oqarasuaatikkut +299 38 18 28 / 52 45 08 imaluunniit e-mailikkut tjo@airports.gl.
Apeqqutit nalinginnaanerusut sulisoqarnermut immikkoortortamut nassiunneqarsinnaapput: hr@airports.gl
Greenland Airports pillugu paasissutissat
Greenland Airports/Mittarfeqarfiit pillugit annertunerusumik paasissutissat nittartakkatsinni takukkit:
Greenland Airports
Soqutiginnippit?
Taava qinnuteqaatit, CV-t kiisalu ilinniarsimanermut uppernarsaatit linki ataaniittoq aqqutigalugu kingusinnerpaamik ulloq 12-06-2026 nassiunneqarnissaat qilanaaraarput.
Mittarfeqarfiit, Greenland Airports, Kalaallit Nunaanni mittarfinnik 13-inik heliportinillu 46-nik ingerlatsivoq. Ukiumut 60.000-init amerlanerusunik timmisartuussinernik (tinginerit miffiginerillu) isumaginnittarpugut aammalu ilaasunik 350.000-init amerlanerusunik sullissisarluta. Sulisut 400-t missaanniittut nunatsinni suliffiit annerpaat ilaanniippugut, aammalu sulisut suliffeqarfiullu ineriartortinneqarnissaat ingerlaavartumik sulissutigisarparput. Taamaattumik sullissinerit ilinniartitseqqinnerillu assigiinngitsut neqeroorutigisarpagut, inuiaqatigiillu ineriartortinneqarnerannut pitsaasumik peqataasinnaalluta.
