Kalaallit Nunaata nunat tamalaanut mittarfittaavani isumannaallisaanermi pingaarutilimmik inissisimarusuppit?
Security iluani ilinniarsimallutit suliffivit qaffakkiartornissaanut piareersimavit? Ilulissani nunat tamalaanut mittarfittaami isumannaallisaanermi suliaqarnermi pilersitseqataallutillu ineriartortitseqataarusuppit? Taamaappat illiusinnaavoq Security-mi aqutsisutut ujartugarput.
Atorfik pilllugu
Security-mi aqutsisutut ulluinnarni securityteamip aqunnissaanut akisussaaffeqassaatit, tassunga sulisut allat mittarfimmilu isumannaallisaanermik suliallit nakkutiginissaat ilaavoq. Isumannaallisaanermut ingerlaatsit nunap iluani nunat tamalaanilu tamarmiusut malinneqarnerinut pingaarutilittut isumannaarisassaatit.
Ilulissani nunat tamalaanut mittarfittaap ammarnissaa naatsorsuutigineqarpoq 2026-ip naggataani, illillu maanna mittarfiup ingerlanneqarnerani qitiusumik inissisimallutit nutaamut ikaarsaariartulissaatit. Ulluinnarni isumannaallisaanerup iluani suliaqarfigisartakkavit mittarfittaamut nutaaliaasumut nunat tamalaanut saatinneqartussaanera periarfissatsialaavoq – tamanna aallaqqaataaniilli pissaaq.
Suliaqarfiusussamut piareersimavit?
Suliassatit pingaarnerit:
Isumannaallisaanerup iluani sulisut naammallutillu naleqquttumik ilinniagaqarsimanissaannut isumannaarissaatit. Taassumap saniatigut akisussaaffigissavatittaaq:
- Ilinniakkat sungiusarnerillu pilersaarusiorneri
- Vagtplanimik naammassinninnerit
- Isumannaallisaanermi sulinermi uppernarsaatit isumannaarneri
Pisinnaasat:
Security-mi aqutsisutut sulisinnaalissatilluni Security-mi ilinniagaqarlunilu misilittagaqarnissaq naatsorsuutigineqarpoq, soorluttaaq isumannaallisaanermi minnerpaamik malittarisassat atuuttut akuersissuteqarfiginissaat atuuttoq. Taassumap saniatigut pingaartipparput illit:
- Kaammattuillutit kajumissaarisinnaassasutit
- Kalaallisut tuluttullu pisinnaassagitit
- Danskisut oqaatsit qaffasissumik atorsinnaassagitit
- UIapaarfinni tamakkiisumik isiginnissinnaanissat
- Sullissisinnaassuseqarlunilu qungujulaartuunissat
Greenland Airportsip neqeroorutigai:
- Suliffik pissanganartoq aammalu ineriartornerup oqaluttuarisaanerani pingaarutilimmik inissisimaneq
- Securityteamimik sanngisuumik pilersitsisinnaallunilu aqutsisinnaaneq
- Avatagiisitigut issittormiuulluni nikerartumi, nunarsuarmi avatangiisiginnerpaarpasittumi ulluinnaqarneq
- Suleqatigiinneq ataatsimoorluarfiusoq, tassani ikiuussinnaassuseq aamma peqataasitsineq pingaartinneqartuusut
- Akissaatit sulinermilu atukkat pillugit isumaqatigiissummiittut malillugit akissarsiaqarneq atugassaqarnerlu
Annerusumut peqataagit
Greeland Airportsip iluani Kalaallit Nunaata ineriartorneranut tapersiinerput tulluusimaarutigaarput – nunallu akimut inuinit sumiiffinnillu atatitsinerput ilanngullugu. Maani suliffik kisimi pinnagu akisussaaffimmilli tiguseqataanissamut, nutaamik eqqarsarnissamut ulluinnarnilu allanngueqataanissamut periarfissaqassaatit.
Patajaatsumik, ikiuerusussusilimmik malunniutilimmillu sulisuuvugut – tikilluaqqunissallu qilanaaraarput.
Qinnuteqarneq aamma attavissaq:
Qinnuteqaatit aamma CV iserfissaq atorlugu kingusinnerpaamik 18. juli 2025 nassiunneqassapput.
Atorfik pillugu apeqqutissaqarnermi Ilulissani Mittarfimmi aqutsisup, Ole Damgaardip olda@airport.gl -mut attaviginissaanut tikilluaqqusaavutit. Naliginnaasunik apeqqutissaqarnermi uunga allassinnaavutit hr@airports.gl
