Nunatsinni nunanut allanut angallannermut mittarfiit nutaanersaanni Ilulissaniittumi Security-mi isumannaallisaanermut suliaqartussanik sulisussarsiorpoq.
Ulluinnarni avatangiisini ulapaarfiusumi nunat tamalaat akornanni angallaffiusumi siunissagissaartumilu suleqataanissat soqutigaajuk?
Taava atorfiutitta ilaannut qinnuteqarnissat kissaatingaarput Ilulissani mittarfimmi nutaami isumannaallisaanermut immikkoortortaqarfimmi isumannaallisaanermut suliaqartussamut.
Mittarfeqarfimmi ullumikkut isumannaallisaaneq pingaaruteqarluinnarpoq, aammalu Greenland Airports-imi uagut nammineerluta isumannaallisaanermi suliaqartut nunat tamalaat akunnanni maleruaqqusat sakkortuut malillugit ilinniartittarpagut.
Illit akisussaaffigissavat mittarfiup, timmisartut angallattullu isumannaatsumik inissisimanissaat.
Isumannaallisaanermilu suliaqartutut takunnissinnaassuseqarnissat aammalu alapernaatsuunissat pingaaruteqarluinnarpoq. Angalasut pigisaat nassataalluunniit pasinarsinnaasunik scannerikkut takunnissinnaanissat nassaarsinnaanissallu pisariaqarluinnarpoq aammattaarlu sulilernermi vagtinut ilanngunneqassaatit.
Ilinniarnermi ilikkagassat:
Ilinniartitaaneq isumannaallisaanermi immikkoortortani tamani imaqassaaq, soorlu:
- Bagagenik nassiussanillu isumaginninneq scannerilluni misissuineq
- Ilaasunik misissuineq (visitation)
- Mittarfiup immikkoortortaani iserfissanut misissuinerit
- Vagteqarnerit nakkutilliineq alapernaannerlu
- Pisattanik scannerinikkut pasinarsinnaasunik misissuinerit
- Naalagaaffiup oqartussaasui, soorlu politiit, akileraartarnermut aqutsisoqarfik kiisalu Trafikstyrelsi suleqatiginerisigut suliaqarnermi peqataaneq.
Isumannaallisaanermi suleqatigiit pitsaanerpaanut ilanngutissaatit aammalu pisoqarnerani sulinissamut ilikkassallutit, eqqorluaaneq nakkutilliineq eqqissisimanerlu pingaartutut inissisimassapput.
Illit:
Suliffivimmi ineriartortumi illit makkuninnga piginnaasaqartutit ujartorpatsigit, piumassuseqartuusutit, alapernaattuusutit ineriartornissamullu piareersimasutit. Suliassami pingaarnertut ilaapput piginnaanitit ilaartortarnissai - teknologi inatsisillu nutaat naapertorlugit. Saniatigut piffissani assigiinngiiaartuni sulisarnissat piareersimaffigissavat, piffissani ulapaarfinni eqqissisimallutit ataatsimullu isiginnissinnaaneq attatiinnarsinnaallugu.
Naatsorsuutigaarput:
- Politiiniit isumannaallisaanermut akuerineqarsinnaasariaqarputit
- Sulisunut nutaanut aallartisarnermi immikkut aaqqissuussat peqataaffigerusukkitit
- Qalipaatinut tappiitsuunngittutit
- Minnerpaamik marluinnik oqaaseqartuussaatit kalaallisut, qallunaatut, tuluttut imaluunniit taakkua avataatigut oqaaseqartuullutit
- Biilernermut allagartaq
- Ilikkagaqarusussuseqartoq, akisussaassuseqartoq aammalu sumininnguanut takunnissinnaasuseqartutit.
- Minnerpaamik ukiut pingasut sulinermut misilittagaqartutit
- Ilinniaqqinnermi misilittagaqarnissat iluaqutaassaaq (piumasaqaataanngilarli)
- Sullissillaqqittutit qungujulasuullutillu
Ilinniartitaaneq pillugu paasissutissat:
Ilinniartitaaneq Politiit, Akileraartarnermut Aqutsisoqarfik kiisalu Trafikstyrelsen suleqatigalugit ingerlanneqartarpoq, aammalu inatsisit maleruagassallu atuuttut tamaasa malillugit ingerlanneqartarluni.
Ilinniarnerup kingorna isumannaallisaanermut atatillugu immikkut ittumik pikkorissarnissamut periarfissaqarpoq.
Neqeroorutigaavut:
- Ilinniareernerup kingorna atorfimmik qulakkeerinninneq
- Isumaqatigiissutit atuuttut naapertorlugit atorfinitsinneq
- Suliffik ammaffiusoq, nuannersoq suleqatit pitsaasut peqataaffigineri
- Suliffeqarfimmi isumannaallisaaneq aamma ataqatigiinneq pisariaqartinneqartut ataatsimoorullugit ineriartortitsineq
- Inuttut aammalu suliatigut ineriartornissamut periarfissat suliffeqarfimmi ineriartortumi
Isumannaallisaanermut uppernarsaat:
Atorfimmut innersuunneqassaguit piumasaqaataavoq isumannaallisaanermut akuerineqaqqaarnissat. Tamannalu pissaaq pinerlussimannginnermut uppernarsaatip ilanngullugu nassiunneratigut. Taannalu illoqarfigisanni politeeqarfinni pissarsiarineqarsinnaavoq imaluunniit www.sullissivik.gl aqqutigalugu aaneqarsinnaalluni.
Atorfik pillugu paasisaqarnerorusukkuit apeqqutissaqaruilluunniit Ulluinnarni isumannaallisaanermi aqutsisoq Lis Asmussen attavigisimmaavat lias@airports.gl imal. Oqarasuaatikkut 557851
Oqaloqatiginninnrit ingerlaavartumik ingerlanneqassapput
Apeqqutit naliginnaanerusut HR-afdelingimut emailikkut nassiunneqassapput: hr@airports.gl
Soqutiginnippit?
Isumannaallisaanermut immikkoortortami suleqataalernissat soqutiginartikkukku, CV aammalu paasissutissat pingaartut linkimut ataaniittumut nassiunneqassapput kingusinnerpaamik 10. december 2025.
Atorfinitsitaanerup aallartiffigissavaa 1. Februar 2026
