Sumiiffiik: Nuuk
Illit nutaaliorusuppit, paasisaqarusullutit aammalu isumassarsiatit piviusunngortillugit misilikkusuppigit?
Greenland Airports-imi marketingimut, attaveqaqatigiinnermut aammalu digitalikkut tusagassiuutinut soqutigisalimmik ilinniartumik ikiortissarsiorpugut. Ilinniarnerup saniatigut suliffissarsioruit, akisussaaffeqarlutit, piginnaasatit ineriartortillugit aammalu isumassarsiatit piviusunngorneri takorusukkukkit, taava illit ujartorpatsigit.
Uagut kikkuuvugut?
Greenland Airports Kalaallit Nunaanni mittarfiit nunanut tamalaanut ammasut ineriartortippai ingerlallugillu. Ullut tamaasa angalasunut, suleqatitsinnut aammalu najukkani inuiaqatigiinnut pitsaasunik misigisaqartitsinissaq sulissutigaarput.
Marketing Greenland Airports-imi niuernermut immikkoortortaqarfiup aammalu Passenger Experience-p ilagaat. Mittarfiutitsinni tamani ilaasut misigisassaat ineriartortittarpavut nittarsaallugillu – nittartakkamit webshop-imut, Duty Free-mut kiisalu mittarfimmi tamakkiisumik misigisassanut.
Suliassatit
Ilinniartutut ikiortitut marketingimi suleqatigiit ikittut tunniusimasullu ilagilissavatit, assigiinngitsunillu suliaqarnissamut periarfissaqassallutit, soorlu:
- Digitalikkut naqitanullu atortut ilusilersorneri.
- Social media-mut, nittartakkamut webshop-imullu imarisassanik suliarinninneq.
- Assiliineq videoliortarnerlu.
- Assit videollu aaqqissuunneri.
- Marketingkampagnenik pilersaarusiorneq, ineriartortitsineq ingerlatsinerlu.
- Social media-ni allagarsianik aammalu ussassaarutinik saqqummiussineq.
- Nittartakkap webshop-illu nutarterneqarnissaat, ilaatigut nioqqutissanik, assinik allanillu imarisanik ikkussuineq.
- Marketingimi suliniutinut paasissutissanik katersuineq nalunaarusiornerlu.
- Suliffeqarfimmi suliniutinut assigiinngitsunut peqataaneq.
- Suliassat assigiinngitsut pisariaqartitsineq naapertorlugu.
Illit naatsorsuutigaarput
- Nutaaliorsinnaassasutit aammalu attaveqaqatigiinnermut tunngasumik isiginnissinnaassasutit.
- Social media aammalu digitalikkut nittarsaassinermut soqutigisaqassasutit.
- Ilinniarusussuseqarlutillu ineriartorusussasutit.
- Namminersorsinnaallutit akisussaaffimmillu tigusisinnaassasutit.
- Pilersaarusiorluakkamik namminersorlutillu sulisinnaassasutit.
- IT-mut piginnaaneqarluassasutit aammalu systeminik nutaanik sukkasuumik ilinniarsinnaassasutit.
Uku ilisimasaqarfigigukkit iluaqutaassaaq, piumasaqaataanngilarli:
- Canva
- Adobe Creative Cloud (assersuutigalugu Photoshop, Illustrator imaluunniit InDesign)
- CapCut imaluunniit videonik aaqqissuisarnermut programmit allat
- Microsoft Office
Illit ujartorpatsigit, uku ilinniarukkit
- Marketing
- Attaveqaqatigiinneq
- Grafisk design
- Journalistik
- Erhvervsøkonomi
- Multimediedesign
- Imaluunniit assingusumik ingerlaqqiffiusumik ilinniagaqartut.
Uatsinni suna pissarsiarissaviuk?
Greenland Airports-imi sulisut ilagilissavatit – ikiortituinnaanngitsoq.
Periarfissaqassaatit:
- Ilinniakkanni teoriit sulinermut atorlugit misilittagaqarfigalugit.
- Marketingkampagnenik suliniutinillu piviusunik suliaqarlutit.
- Contentimik suliaqarnermi, brandingimi aammalu projektinik aqutsinermi piginnaasatit ineriartortillugit.
- Suliassaq isumassarsiamit naammassineqarnissaata tungaanut malinnaavigalugu.
- Suliffeqarfimmi ineriartortumi naleqarluartunik sulinermi misilittagaqarlutit.
- Suleqatinit misilittagaqarluartunit siunnersorneqarlutit tapersersorneqarlutillu pitsaasumi ammasumilu suliffimmi avatangiiseqarlutit.
Akisussaaffik, tatiginninneq aammalu suliassanik nammineq sunniuteqarnissamut periarfissaqartissavatsigit.
Paasissutissat
Suliffiup annertussusaa Sapaatip akunneranut akunnerit 10–20, ilinniarninnut naleqqussarneqarsinnaasumik.
Atorfininneq Isumaqatigiissuteqarnikkut.
Suliffik Greenland Airports.
Marketingimi suliffissannik aallartitsinissamut piareersimavit?
Qinnuteqaatit, CV-it aammalu uppernarsaatit attuumassuteqartut ataani linki aqqutigalugu kingusinnerpaamik 28.Juli 2026 nassiunneqarnissaat qilanaaraarput.
Tusarfiginissat aammalu Greenland Airports-imi tikilluaqqunissat qilanaaraarput.
