Kalaallit Nunaanni kommunimi inatsisilerinermik, ingerlatsinermik ineriartortitsinermillu suliaqarusuppit, annertuumik akisussaaffeqarlutit, qanimut isummersoqateqartarlutit kiisalu suliatigut pilertortumik ineriartornissannut periarfissaqarlutit.
Kommune Kujalleq Inatsiseqarnermut Malitsitsinermullu Immikkoortortami fuldmægtiginik marlunnik sulisussarsiorpoq. Atorfik illinnut tulluarpoq ilinniakkannik naammasserlaajuguit - imaluunniit sulillutit aallarteqqammersuuguit - kiisalu assigiinngissitaartunik suliaqarnissamik kissaateqaruit, ilinniakkamut naleqquttorujussuarnik suliaqarusukkuit taavalu aqutsisunut, suliffeqarfimmut inuiaqatigiinnullu qanittumik sulerusukkuit.
Atorfik pillugu
Malittarisassalerinermut Inatsisilerinermullu Immikkoortortaq immikkoortortaavoq nutaanerusoq, Kommune Kujalliup inatsisit atuuttut, ingerlatsinermi malitat kiisalu suliffiup iluani maleruaqqusat naapertorlugit sulinissaanik piviusunngortitseqataaffiusussaq.
Immikkoortortaq kommunip pisortaanerata ataani toqqaannartumik inissisimavoq, taavalu malittarisassanik malitsitsinermut pisortaq saaffigisartagarissavat.
Fuldmægtigitut immikkoortortamut kommunimi tamarmi suleqateqartumut ilaalissaatit. Suliat inatsisilerinermut, allaffissornermut, ineriartortitsinermullu tunngasut suliarinissaannut periarfissaqassaatit taavalu suliat pillugit qanimut isummersoqateqartassallutit ineriartornerillu ilaarlugu akisussaaffitit alliartussallutik.
Atorfik Qaqortumiippoq.
Akisussaaffiit / suliassat pingaarnerit
Peqquneqarnerit naapertorlugu suliassatit ilaatigut makkuusassapput:
- Kommunimi sulinerup inatsisit suliffiullu iluani maleruaqqusat naapertorlugit pinissaa qularnaassallugu.
- Allaffissornikkut suleriaatsit pitsaassusii qularnaartarlugit ineriartortillugillu.
- Inatsisitigut ingerlatsinikkullu naliliisarnernut ikiuuttarlutit.
- Allakkialiorneq, suliassanik saqqummiussassaliorneq aamma aalajangiiffigisassatut saqqummiussaliorneq.
- Malittarisassanik malitsitsineq, ingerlatsinermi ileqqussat pitsaasut uppernarsaasersuinerlu tapersersorlugit.
- Suliffiup iluani maleruagassat suleriaatsillu ineriartortinneqarneri piviusunngortinneqarnerilu peqataaffigalugit.
- Kommunimi ingerlatsivinnut allanut attaveqarneq suleqateqarnerlu peqataaffigalugit.
- Suliffeqarfik pitarlugu misissueqqissaarnernut ineriartortitsinernullu peqataaffigalugu.
- Suliffeqarfiup aaqqisugaalluarnissaanut, erseqqissuunissaanut pitsaasunillu suleriaaseqarfiunissaanut peqataalluni.
Suliassat illit misilittakkannut suliatigullu piginnaasannut naleqqussarneqassapput, taavalu suliatigut ineriartornissaq ilinniartinneqartuarnissarlu qitiutinneqassallutik.
Makkuninnga piginnaasalimmik suleqatissarsiorpugut:
- Ingerlaqqiffiusumik naleqquttumik ilinniagallit, soorlu cand.jur., cand.merc.(jur.), naalagaaffimmi pissutsit imaluunniit inuiaqatigiilerineq alla. Bachelorit aamma isiginiarneqarsinnaapput.
- Ajornanngippat ilinniakkaminnik naammasserlaat imaluunniit ukiualunni misilittagallit.
- Pisortani ingerlatsinermut, inatsisilerinermut suliffeqarfiullu aaqqissugaaneranut soqutigisallit.
- Alapernaatsut nutaanillu ilikkagaqarnissamut kajumissusillit.
- Aaqqissugaasumik sulisartut suliaminullu akisussaaffimmik tigusisartut.
- Oqalunnikkut allattariarsornikkullu erseqqissumik sulianik aallaaveqarluni attaveqarsinnaasut.
- Allanik suleqateqarnermik iluarisalik tamatumalu peqatigisaanik namminersorluni sulisinnaasut.
- Inunnut kulturinullu assigiinngitsunut pitsaasumik ataqqinnittumillu isiginnittaasillit.
- Kalaallit Nunaanni inuiaqatigiinnut soqutiginnittut.
Neqeroorutigaavut
- Atorfik soqutiginartoq assigiinngissitaaqisunik suliassaqarfiusoq.
- Suliffeqarfimmi sorpassuarnut attaveqarfiusumi pilertortumik misilittagaqaleriartorfiusoq akisussaaffiusorlu.
- Suliat pillugit qanimut isummeqatigiiffiusoq ilikkariartornissamut ineriartornissamullu periarfissagissaartoq.
- Suliffimmi avatangiisit tunniusimasut persuarsiorfiunngitsullu, ikiuukkumatuunik suleqateqarfiusut.
- Ulluinnarni sulineq allaffissornermut, aqutsisinut, politikkikkut pisunut qanittuusoq.
- Kujataani immikkuullarissunik pinngortitalimmi inuiaqatigiittullu atugassaqarfiusumi sulineq.
Aningaasarsiat atorfininnermilu atugassarititaasut
Akissarsiatigut atorfeqarnermilu atugassarititaasut, soorlu atorfininnermi soraarnermilu pisattat angallanneqarsinnaanerat pissapput ilinniakkat naapertorlugu kattuffiup isumaqatiginniussisinnaasup Namminersorlutik Oqartussanut isumaqatigiissutai naapertorlugit pissapput.
Fuldmægtigitut atorfunitsinneqassaatit. Kandidatit uppernarsakkamik misilittagallit isumaqatigiissutit atuuttut naapertorlugit immikkut siunnersortitut imaluunniit siunnersortit aqutsisuisut inassutigineqarsinnaapput. Aningaasaqarnermut Sulisoqarnermullu Aqutsisoqarfiup isumaqatiginninniartartutut akuersinerata kingorna immikkut siunnersortitut imaluunniit siunnersortit pisortaattut tapinik pissarsisoqarsinnaavoq.
Sapaatip akunneranut akunnerit 40-t suliffiupput.
Ineqarneq
Atorfimmut atasumik sulisunut inissiamik pequsersorneqanngitsumik innersuussisoqarsinnaavoq, malittarisassat qaqugukkulluunniit atuuttut naapertorlugit.
Malittarisassat sukkulluunniit atuuttut naapertorlugit inimut aamma qularnaveeqqutinut akiliisoqartassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.
Inissiap pisoqaassusaa, piginninnermut tunngasut il.il. apeqqutaallutik inissiamut akiliut pitsaassuserlu assigiinngissinnaapput. Aalajangersimasumik najugassaqalernissamut innersuunneqarnissamut utaqqineq sivisusinnaavoq, taamaammallu utaqqiisaasumik inimik tunineqarneq pisinnaalluni. Sulisunut inissiami imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat.
Qinnuteqarneq sulisussarsiornerullu ingerlanissaa
Sulisussarsiorneq Thomsen Consultingimit isumagineqassaaq. Qinnuteqarnissamut killigititaq tassaavoq ulloq 07. juli 2026. Kommune Kujalleq atorfimmut piukkunnarsinnaasunik ingerlaavartumik oqaloqatiginnittarnissamut imminut pisinnaatippoq.
Sulisunngortussap piaarnerpaamik atorfininnissaa Kommune Kujallermit kissaatigineqarpoq.
Sulisussarsiornermut tunngatillugu apeqqutit Niels Thomsenimut oqarasuaammut angallattakkamut +299 58 66 36 / +45 54 32 84 08-mut saaffiginnissutigineqassapput mailerutigalugilluunniit uunga niels@thomsen.gl.
Apeqqutit aalajangersimasut malittarisassanik malitsitsinermut pisortamut apeqqutigineqarsinnaapput: Mehdi Shams på +299 64 80 99 / +299 28 40 41 imaluunniit mesh@kujalleq.gl.
