Kigutigissaasutut- kigutigissaanermut atatillugu peqqissuunissamut pitsaaliuinermullu tunngasunik suliaqassaatit. Tamatuma saniatigut kigutigissaanermut atatillugu killilimmik kigutilerinermut aaqqissuussaanermullu tunngasunik suliaqartassaatit.
Ukua illoqarfiit praktikkerfigineqarsinnaapput: Ilulissat, Aasiaat, Kangaatsiaq, Tasiilaq, Qaqortoq, Nanortalik, Nuuk, Narsaq aammalu Qeqertarsuaq.
Qinnuteqartup illoqarfigisamini kigutileriffik praktikkerfiginiakkani atsioqatigiinnikkut isumaqatigiissuteqarfigissavaa, taamaasilluni qinnuteqarnermini isumaqatigiissut ilanngullugu nassiutissammagu.
Ilinniartitaanerup aaqqissuussaanera
Ilinniarneq ukiunik marlunnik sivisussuseqartoq kigutilerivimmi sulinermik sungiusarnermik Nuummilu Peqqissaanermik Ilinniarfimmi sisamariarluni sap. ak. arfineq pingasuni atuagarsornermik immikkoortortaqarpoq. Atuagarsorneq kingulleq soraarummeernermik naggaserneqassaaq.
Tamatuma saniatigut sulinermik sungusarnermut atatillugu sap. ak. sisamani atortorissaaruserluni alisissumiit ilinniartitsisoqassaaq. Katillugit sap. ak 36-ini atuagarsortoqassaaq.
Sulinermik sungiusarneq najukkanni kigutilerivimmi ingerlanneqassaaq.
Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfeqassallutit.
Ilinnialersussanut piumasaqaatit
- Kalaallut Nunaanni klinikassistentitut ilinniarsimaneq imaluunniit ilinniarnertuutut soraarummeersimaneq
- Kigutilerivimmi sulinermik sungiusarfissarsisimaneq
Ilinniarnerpit nalaani akissarsiaqarneq
Ilinniartuunerit tamaat sulinermi sungiusarfinniit akissarsiaqassaatit.
Ilinniarnerpit nalaani ilaquttatit Nuummut ilagisinnaanngilatit.
Qinnuteqarneq
Sulinermik sungiusarfissat katillugit quliniit aqqaneq marluk neqeroorutaapput. Peqqissaanermik ilinniarfimmi ilinniartunut sullissisut suleqatigalugit ilinniartunngornissamut isumaqatigiissusiortoqassaaq. Ilinniartuunissamut isumaqatigiissut atsiornikoq sulinermi sungiusarfissamut assingalu majoriamut ingerlateqqinneqassaaq.
Qinnuteqarfissaq kingulleq martsip aallaqqaataa
Malugiuk: qinnuteqartitsineq ukiut arlallit allorlugit pisarpoq, tandklinikassistentitut ilinniarnerlu paarlakaallugit ingerlanneqartarmat.
Go to: sullissivik.gl
