Suliffimmik pissanganartumik pissarsiorpit, ingerlatsineq, ataqatigiissaarineq sulisunillu aqutsineq ataatsimut ingerlataralugit? Taava Greenland Airports suliffimmik ilinnut naleqquttumik neqerooruteqarpoq.
Greenland Airports Kangerlussuarmi umiarsualiveqarfiup allaffianut Ullormut Aqutsisussamik piaarnerpaamik imaluunniit isumaqatigiissuteqarnikkut atorfinittussamik pissarsiorpoq.
Suliffiup imarisai
Ullormut Aqutsisutut umiarsualiveqarfiup allaffiata ulluinnarni ingerlanneqarnera kiisalu immikkoortortaqarfimmi sulisut aqutsiffiginissaat akisussaaffigissavat. Sulisut, mittarfiup pisortaa ingerlatsinermullu pisortaq akornanni attaveqaataasassaatit kiisalu suliassat isumannaatsumik, sunniuteqarluartumik atuuttunillu malittarisassaqarnikkut periusissiat naapertorlugit ingerlanneqarnissaat qulakkiissallugu.
Suliassat ilaatigut makkuupput:
- Umiarsualiveqarfiup allaffiani sulisut ulluinnarni aqunnissaat ataqatigiissaarnissaallu
- Sulisut pilersaarusiorfiginissaat kiisalu suliffiit nikerartut pilersaarutaannik suliarinninneq malinnaaviginninnerlu
- Sulisut nalunaaquttap akunnerinik nalunaarsuisarnerannik nakkutilliineq malinnaaviginninnerlu
- Sulisut atugarissaarnissaat, ineriartornerat suliamilu avatangiisaat pillugit ingerlaavartumik oqaloqatiginninneq
- Ilinniartitaanissamut pikkorissarnernullu kiisalu piginnaasanik ineriartortitsinissamut pisariaqartitat suussusersinissaat
- Sulisut nutaat atorfinitsinneqarnissaannut tikilluaqquneqarnissaannullu peqataaneq
- Misilitsiffiup nalaani ingerlatsinermut kiisalu sulisunik oqaloqateqartarnermut malinnaaneq
- Sulisut atuuttunik malittarisassanik, periusissianik isumannaallisaanermullu aalajangersakkanik malinninnissaat qulakkiissallugu
- Sulisoqarnermut tunngasunik suliassanik mittarfiup pisortaa HR-ilu suleqatigalugit ingerlatsineq
- Ilitsersuutit, periusissiat uppernarsaatillu ingerlaavartumik nutarterneqarnissaat
- Immikkoortortaqarfiit allat suleqatigalugit umiarsualiveqarfiup ulluinnarni ingerlanneqarneranik ineriartortinneqarneranillu suleqateqarneq
- Pisariaqartillugu ulluinnarni ingerlatsinermut peqataaneq
Piginnaasat
Takorloorparput illit:
- Umiarsualiveqarfinni, mittarfinni imaluunniit ingerlatsinermi misilittagaqartutit
- Umiarsualivimmi sullissisutut, angallannermi ikiortitut imaluunniit assingusumik atorfeqarnikuusutit
- Sulisut suliassallu ataqatigiissaarneranni misilittagaqartutit
- Sulisunik aqutsinermik soqutigisaqartutit imaluunniit misilittagaqartutit
- Aaqqissuussamik akisussaaffimmillu ilisimaarinnillutit sulisartutit
- Aalajaatsuusutit, suleqatikkuminartuusutit kiisalu sulisut aqutsisullu pitsaasumik attaveqarfigisinnaagitit
- Aalajangiisinnaassuseqartutit ulapaarfiusumilu tamakkiisumik isiginnissinnaallutit
Oqaatsit pillugit piumasaqaatit
- Kalaallisut danskisullu oqalussinnaaneq allassinnaanerlu
- Tuluttut atuisutut pisinnaasaqarneq
Greenland Airports neqeroorutigaa
Suliffik pissanganartoq ineriartortoq, tassani ulluinnarni ingerlatsinermut sulisullu ineriartortinneqarnerannut sunniuteqarnissamut periarfissaqarluarputit. Suleqatigiinneq pitsaasoq, isumannaallisaaneq qaffasissoq kiisalu suliatigut inuttullu ineriartornissamut periarfissat pitsaasut pingaartippavut.
Isumannaallisaanermut akuersissut
Atorfimmut qinnuteqarnissamut piumasaqaataavoq isumannaallisaanermut akuersissummik pisinnaanissat. Taamaattumik pinerlussimannginnermut uppernarsaat ilanngullugu nassiunneqassaaq. Tamanna najukkami politiinit pissarsiarineqarsinnaavoq.
Atorfinitsitsinermi atugassarititaasut
- Atorfinitsitsineq atuuttumik isumaqatigiissut imaluunniit immikkut isumaqatigiissut naapertorlugu pissaaq
- Atorfimmut atatillugu angalaneq aammalu atorfimmit soraarnermi angalaneq malittarisassat atuuttut naapertorlugit
- Nuunnermi pigisat assartorneqarnerannut akiliunneqarneq malittarisassat atuuttut naapertorlugit
- Sulinngiffeqarnermi akeqanngitsumik angalasinnaatitaaneq malittarisassat atuuttut naapertorlugit
- Inissaqartitsisoqarsinnaavoq malittarisassat atuuttut naapertorlugit
- Sapaatip akunneranut nalunaaquttap akunneri 40-t suliffiusassapput
- Sulilernissaq isumaqatigiissuteqarnikkut
Paasisaqarnerorusuppit?
Atorfik pillugu annertunerusumik paasisaqarusukkuit Controller Tage Johansen attavigisinnaavat oqarasuaatikkut +299 38 18 28 imaluunniit e-mailikkut tjo@airports.gl.
Apeqqutit nalinginnaanerusut HR-imut nassiunneqarsinnaapput uunga: hr@airports.gl.
Greenland Airports pillugu nittartakkatsinni annertunerusumik atuarsinnaavutit.
Soqutiginnippit?
Taava qinnuteqaatit, CV-it kiisalu ilinniarsimanermut uppernarsaatit attuumassutillit atorfinitsitsisarnermut systemitsigut kingusinnerpaamik 07-07-2026 tigunissaat qilanaaraarput.
Greenland Airports angalanissamut pitsaasumut isumannaatsumullu tunngaviuvoq. Nunami mittarfiit heliportillu ingerlappagut inuiaqatigiinnilu ineriartortitsinermut siuariartortitsinermullu tunngaviliisarpugut. Nunarput tamakkerlugu sulisut tunniusimalluartut aqqutigalugit ilaasunut, suleqatinut inuiaqatigiinnullu iluaqutaasumik isumannaatsumik sunniuteqarluartumillu ingerlatsineq neqeroorutigaarput.
