Sumiiffik: Nuuk
Qinnuteqarfissaq kingulleq: 19.12.2025
Uagut pilluta
KAK-mi anguniagarput tassaavoq isikkamik arsaanneq, futsali kiisalu dommerinik ingerlatsineq nunatsinni nukittorsarneqassasoq, alliartornikkut aammalu suleqatigiinnikkut. Tamassumani pingaarnertut isinginiarpagut professionellenngorsaaneq, suleqatigiinneq kiisalu uivernissamut (stress) pinaveersaartitsinermik suliaqarnermik ingerlatsineq ingerlanneqartut tamaasa peqatingalugit.
Atorfik pillugu
Timmersornemi siunnersortitut pingaarutilimmik inissisimassaatit – allaffissornikkut suliassat tigummissavatit, aammalu nunatsinni timersornermik nukittorsaalluni ineriartortitsinermut suliniutinullu assigiinngitsunut suleqataassallutit. Allaffissornikkut suliassat ulluinnarni ingerlatissavatit, taassamallu saniatigut timersornikkut ingerlatat ineriartortinneri isumangissavatit saniatigullu nunatsinnut iluaqutaasussanik suliniutinik pissanganartunik ingerlataqassallutit. KAK-mi sulisutut ulluinnarni ingerlatsinermut pingaaruteqartutut inissisimassaatit, tassanilu ulluinnarni ingerlatsinerup saniatigut ineriartortitseqataassallutit, klubbit ingerlatsineranniit nunatsinni peqatigiiffiit peqatigalugit suliaqarnernut, unammiuaarnernut ataqatigiissaarinernut kiisalu tapertaalluni suliniutinut assigiinngitsunut soorlu Airdomes-imut piukkunnartunillu ineriartortitsinernut.
Suliassat pingaarnerit
- Timersorluni aaqqissuussanik ingerlatanillu klubbit peqatigiiffiillu peqatigalugit ataqatigiissaarineq pilersaarusiornerlu.
- KAK-mi klubbinut sullissinerani attaveqaataallutit aammalu qulakkeerniarlugu attaveqaqatigiilluarnissaq suleqatit peqatingalugit.
- Suliniutinik pilersaarusiorneq malitseqartitsinerlu, ass. Arsaannernik ilinniartitsinerit (fodboldskole) aammalu futsalimik pikkorissaanerit (futsalcamps) (atorfininnermi suliassaqarfiit isumaqatigiissutigineqassapput).
- Allaffissornermi suliassat tigummissavatit, soorlu ataatsimiinnernik pilersaarusiorneq, ataatsimiinnerni imaqarniliortarneq allaffissornikkullu nalunaarsuinissamik suliassat.
- Nunatsinni timersoqatigiiffiit Kattuffiat aammalu Elite Sport Greenland suleqatigalugit timersornermik aammalu pilersaarusiorluakkamik ineriartortitsinermi peqataaneq.
Piginnaasat naatsorsuutigineqartut
- Allaffissornermi aammalu suliniutinik ataqatigiissaarinermi misilittagaqarsimanissat.
- Nunatsinni timersornikkut, timersoqatigiiffinni peqatigiiffinnilu sulinermut ilisimasaqarnissat iluaqutaassaaq.
- Aaqqissuussamik sulisinnaaneq aammalu immikkut ataasiakkaanut maluginnissinnaaneq.
- Attaceqaqatigiissinnaanermut piginnaasaqarluartutit aammattaarlu suleqatigiiffiit akimorlugit ajornaqutreqanngitsumillu suleqateqarsinnaalluartuussasutit.
- Suleqatigiilluarnermik aammalu ataqatigiilluarnermik suliassallu ersarilluinnartut suliarinissaannut piumassuseqalersitsisut.
Neqeroorutigaagut
- Atorfimmi assigiinngiiaartunik ineriartorfiusunillu suliaqarneq, nunatsinni timersornermut sunniuteqaqataanissamik periarfissiisoq.
- Suliffik pitsaasumik avatangiiseqartoq, atugarissaarnissamut ineriartortitsinermullu pingaartitsisoq.
- Suliatigut inuttullu ineriartornissamut periarfissagissaartoq.
- Akissarsiat atorfininnermilu atugassarititaasut inuttut ataasiakkaatut isumaqatigiissutigalugit atorfininneq pissaaq.
Qinnuteqaat
Qinnuteqaatit CV-lu uunga nassiunneqassapput: aqlu@kak.gl kingusinnerpaamik 19.12.2025. Apeqqutissaqaruit, saaffigisinnaavat KAK-ip generalsekretæria Aqissiaq Ludvigsen oqarasuaat: +299 55 18 85. Ingerlaavartumik oqaloqatigiinnerit ingerlanneqarumaarput.
