Ilinniartitaanerit inatsisitigut piumasaqaataasunut Ilitsersuisussamik Ataqatigiissaarisussamillu pissarsiorpugut
Ilinniartitaanerit inatsisitigut piumasaqaataasut ingerlatissallugit Ilitsersuisussaannik ataqatigiissaarisussaannillu pikkorissumik tunniusimasumillu Greenland Airports-mut pissarsiorpugut, atorfinittussaq HR-imik immikkoortortaqarfipput qanimut suleqatigissavaa. Ilinniartitaanermik soqutigisaqarluinnaruit aamma allaffissornikkut nukittuumik tunulequtaqaruit, taava imaassinnaavoq illiusoq, ujaritsigit!
Suliassatit ilaatigut makkuupput:
- Suleqatitit inatsisitigut piumasaqaataasunik atuartissallugit
- Ilinniartitaanerit pikkorissartitsinerillu inatsisitigut piumasaqaataasut ataqatigiissaarlugillu allaffissornikkut isumaginissaat
- Ilinniartitaanikkut, atuartitsinermilu atortussanik inatsisitigut pitsaassutsikkullu piumasaqaataasunik eqqortitsineq, nutaanillu ilaartornissaat qulakkeerniassallugit
- Pikkorissartitsinerit inatsisitigut piumasaqaatigineqartut nittartakkatigut ilinniartitseriaatsitut aaqqissuussat ineriartortinnissaat (Pikkorissartitsinerit misilitsinnerillu nittartakkakkut toqqaannartumik ingerlanneqartut)
- HR ikiorlugu pilersaarusiornermik, ilinniartitaanikkullu aaqqissuussilluni ullut atugassat ingerlanneqarnissaat nalilersornissaallu eqqarsaatigalugit
- HR-mik immikkoortortaq suliassanik aaqqitassanik allaffissornikkut ikorfartussallugu
Inuttut piginnaaneqarfissatit:
Takorloorparput illit makkuninnga piginnaasaqarlutillu pikkoriffeqartutit:
- Inatsisitigut piumasaqaatigineqartut paasisaqarfigilluinnarlugit soqutigissagit
- Ilitsersuisuunissamik angalanissamillu piumassuseqarnissat, angalanissat atorfimmut atatinneqartut annertungaatsiarmata.
- Atuartitsinermik akunniliullunilu sulissussinermik misilittagarnissaq
- Ilinniartitaanermik aaqqissuilluni ingerlatsinermik ataqatigiissaarinermik allaffissornermillu misilittagaqarnissaq
- Suliassanik pilersaarusiornermik aaqqissuinermillu piginnaasaqarluni, kiisalu IT-mik ajunngitsumik ilisimasaqarluarnissat (Excel-mik misilittagaqarnissat iluaqutaasinnaavoq)
- Allaffissornikkut pikkorissuseqarnissat
- Kalaallisut oqaluttuunissat qallunaatut tuluttullu piginnaaneqarlutit
- Mittarfimmi ingerlatsinikkut misilittagaqarnissaq pitsaaqutaasinnaavoq, kisianni piumasaqaataanani
Neqeroorutigaarput:
- Suliffik pissanganartoq susoqarfiulluartorlu inuttut suliamullu ineriartornissamik periarfissalik
- Sulinermik avatangiisit pitsaasut, atugarissaarneq suleqatigiinnerlu ukkatarineqarlutik
- Sulinermik atugassarititat sulinermillu avatangiisit pitsaasut
Tamanna ilinnoorpaluppa? Taava nangaanak qinnuteqaatit uagutsinnut nassiunniaruk!
Qinnuteqaatit uagutsinnut nassiunniaruk:
Atorfimmut tigutissaguit taava qilanaarpugut qinnuteqaatit tigussallugu, CV aamma ilinniarsimaninnut uppernarsaatit link ataaniittoq atorlugu kingusinnerpaamik 8. marts 2026. Malugiuk qinnuteqaatit E-mailikkoortut tiguneqarnavianngimmata.
Atorfimmut apeqqutissaqaruit tikilluaqquneqarputit HR-mi Aqutsisoq Kasper Berthelsen e-mail-ikkut allaffigisinnaavat uunga: kasper@airports.gl. Naliginnaanerusumik apeqqutissaqaruit HR-immikkoortortamut mail-ikkut nassiussinnaapput uunga: hr@airports.gl
Qilanaarpugut tusarfigissallutit!
Uagut pilluta:
Greenland Airports pimoorullugu sulissutigaa pitsaassutsimik qulakkeerinnissalluni aamma ilinniartitaanikkut piumasarineqartut inatsisitigoortut eqqortumik nakkutigissallugit. Anguniagarivarput ilikkariaatsini avatangiisit pilersissallugit, suleqativut piginnaasatik ilisimasatillu ineriartortinnissaat anguniarlugu, tamattalu ataatsimoorluta iluatsitsilluarnissarput tapertaaffiginiassallugu.
greenland airports pillugit suli annertunerusumik nittartakkatsinni nassaarsinnaavutit uani www.airports.gl.
________________________________________
Greenland Airports ingerlatseqatigiiffiuvoq aktieselskab-i Namminersornerusunit Danskillu Naalagaaffianit pigineqartoq. Ataatsimik siunertaqarpugut: Mittarfeqarfinnut ingerlalluartunut tikinneqarsinnaalluartunut qulakkeerinnissalluta tassungalu tunngasumik sullissinerit timmisartuutileqatigiinnut aamma angalasunut tunniussaqassalluta. Tamanna immaqa ittangalaaraluarpoq tusassallugu. Kisianni angalanermi ajunngitsumik naviananngitsumilu toqqavittut inissisimassagutta taava tamanna nunami issittumik silaannalimmi ingasattajaartumillu ungasissusilimmi immikkut ittumik piumasaqarpoq.
