Ineriartornermut peqataarusuppit aammalu pisiniartarnermut immikkuullarissumik iliuuseqarusuppit? Ulluinnaat allanngorartut, suleqatigiinneq, suliassallu pissanganartut soqutigaagit? Taamaappat Greenland Airports-imi pisiniarnermut atorfik ilinnut tulluussimassaaq.
Sullarissumik sullissilluarusuttumillu pisiniarnermut immikkoortortaqarfitsinni Nuummi suleqatissarsiorpugut. Pisiniartarnermut immikkoortortaqarfitsinni sunniuteqaqataanissannut periarfissatsialak, periutsit ineriartorteqqinnissaannut, suleqatit qanimut suleqatigalugit aammalu suliffeqarfitta avataani suleqatigut.
Greenland Airports-imi pingaartitavut malillugit sulivugut – Tunniusimaneq, Sapiissuseq, Torersumik pissuseqarneq, Ikiuiumatussuserlu. Taakku pingaartitat toqqammavigalugit sulivugut. Naatsorsuutigaarput aaqqiissutissanik pitsaanerpaanik pilersitsinissamut kajumissuseqarnerput peqataaffigissagit, aallartitsinissamut sapiissuseqartutit, ataqqinnittutit ikiuinissamullu piareersimajuaannartutit.
Suliffik pillugu
Pisiniartartutut suliffeqarfitsinni qitiusumik inissisimassaatit. Ullut tamaasa suliassat assigiinngisitaartuupput, immikkoortortat assigiinngitsut suleqatigisassavatit, suliniutit aammalu sumiiffiit.Suliffeqarfiup iluani suleqatit, suliffeqarfiullu avataani suleqatit peqatigalugit ulluinnarni ingerlatsinermut eqaatsumut pingaarutilimmik inissisimassaatit. Immikkoortortat aaliangersimasut pisiniartarnermut akisussaaffigissavatit aammalu suliassat pissanganartut suliassatit:
·Pisiniartarnermut periutsip aammalu neqerooruteqartitsisarnermut periutsip ineriartorteqqinnera
·Suleriutsinik pitsanngorsaaneq
- Nassiussanik angallassinermut pilersaarusiornerit nassiussalerinermut suliffeqarfiit suleqatigalugit
- KPI-nik ineriartortitsineq aserfallatsaaliinerlu
- Aningaasaliissutinut annikitsunut annertuunullu akisussaasuuneq
- Isumaqatiginninniarneq kiisalu isumaqatigiissutit aalajangersakkat aamma niuernermi isumaqatigiissutit pilersinneqarneri
- Aningaasaqarnermut allaffissorneq pisiniartarnermullu periutsit aaqqissuunneri
Greenland Airports-imi allanngueqataanissarnut periarfissaqarputit. Pingaartitavut malillugit nutaaliornissamut periusissiornissannullu periarfisaqassaatit – peqqissaartumik ikiuerusussutsimillu tunngaveqartunik.
Kinaavit?
Peqqissaartumik aaqqeerusussusilimmillu pissuseqartutit, sulerusussuseqartutit akisussaaffimmillu tigusinissamut sapiissuseqartutit. Eqeersimaartuuvutit aaqqiissutissanillu takunnissinnaassuseqartutit avatangiisernut takuneqarsinnaalluartumik. Unneqqarissuusutit paasissutissiillaqqillutit sulianik pitsaasumik tunniussisinnaasutit.
Suleqatikkuminartutit ammasuullutit suleqaternik avitseqatigiinneq ineriartuutissatut ilinniutissatullu takusarit. Naatsorsuutigaarput niuernermik sulinermik misilittagaqartutit, aningaasaqarneq, pisiniartarneq imaluunniit allaffissornermik allamik misilittagaqartutit, kisianni misilittakkatit ilinniakkatillu aallaaviginngikkaluarlugit suut piginnaaneringitit tusassallugit soqutigaarput.
Immikkoortortaq pillugu
Pisiniartarnermut immikkoortortaqarfiup suliffeqarfimmi immikkoortortat tamaasa kiffartuussarai, eqaatsumik takussaasumillu qulakkeerinnittuuvugut piffiit tamarmik atorfissaqartitaminnik peqarnissaat. Sullarissut akornannut ilanngutissaatit Nuummi inissisimasumut, Pisiniartarnermut immikkoortortaqarfimmi pisortaq suleqatigalugu.
Suna ilinnut neqeroorutigaarput?
Greenland Airports-imi suliffeqarfimmut ilanngutissaatit, suleqatigiinneq ineriartorneq aammalu ingerlalluarneq qitiutinneqartut. Ulluinnarni sulisut ineriartortuarnissaat suleqatigiilluarnerlu pingaartitaraavut. Suliffimmi toqqissisimanissaq pingaartitatsinnut ilaavoq, sulisut suliffeqarfiup ingerlalluarnissaanut suliniutinut ilassutaat ilanngukkusuttarpagut.
Isumannaallisaanikkut akuerisaaneq
Atorfinitsitaaniaraanni malittarisassiat atuuttut malillugit politiiniit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitap muminga ilanngullugu nassiutissavat. Taanna najugarisami politeeqarfimmi sullissivik.gl-imilu pissarsiarisinnaavat.
Imatut qinnuteqassaatit
Qinnuteqaatit nassiuguk CV ilinniarsimanermullu uppernarsaatit ilanngullugit ataani link tuungassaq toorlugu 31. Marts 2026 nallertinnagu. Qinnuteqaatit ataavartumik misissorneqassapput qilanaarpugullu sulisussaq eqqortoq naninissaanut – immaqa illiuvoq?
Paasisaqarnerugit
Atorfimmut atatillugu paasisaqarnerorusukkuit apeqqutissaqaruilluunnit Pisiniartarnermut pisortaq Charlie Reiding attaviginissaanut tikilluaqqusaavutit uunga oqarasuaat: +299 38 43 34 imaluunniit mail: chre@airports.gl
Apeqqutit sukumiinerusut immikkoortortamut HR-imut apeqqutigineqarsinnaapput mail: hr@airports.gl
