Greenland Airports – Mittarfeqarfiit – Kalaallit Nunaanni nunanullu allanut atatillugu – eqiteruffiuvoq aammalu ukiuni makkunani timmisartoqarfinnut nutaanut, timmisartoqarfiit pisoqaanerusut pitsanngorsarnissaannut kiisalu timmisartoqarfinnik ingerlatsinermi pikkorissuseqarnerulernissami annertusaanissamilu aningaasaliisoqarpoq. CEO-nngortussamik sulisussarsiorpugut, siulersuisut aqutsisooqatigiillu kajumissusillit suleqatigalugit periusissatigut ingerlatsinermik ineriartortitsinissamik, sulisunik 520-nit amerlanerusunik takorluugaqarluni aqutsinissamik kiisalu ingerlatsinerup, isumannaallisaanerup, governance aamma compliance patajaatsuunissaannik qulakkeerinnissinnaasumik.
Suliffiup iluani aqutsinerup saniatigut CEO-tut inuiaqatigiinni najukkamilu Kalaallit Nunaannik ineriartortitsinermi qitiusumi inissisimalissaatit. Timmisartumik angallaviit annertusitinnissaasa sulissutiginissaanik, najukkami inuussutissarsiortunik tapersersuinissamik kiisalu suliniutit assigiinngitsut atorlugit timmisartoqarfiit eqeersimaartumik inuiaqatigiinni suleqataasutut inissitsinnissaannik, tamanna nassataqarpoq, tassa imaappoq, Greenland Airports - Mittarfeqarfiit angallannermi eqiteruffiinnartut ingerlannginnissaanik, kisianni aamma aningaasaqarnikkut siuariartortitsinermik ineriartortitsinermillu ingerlatsisuunissaanik qulakkeereqataassasutit.
Najugaq sullivillu Kalaallit Nunaanni Nuummiissaaq, qullersaqarfik tassani inissisimalluni aammalu timmisartoqarfinnut 13-inut aammalu qulimiguullit mittarfiinut 46-nut kiisalu Danmarkimut ulluni arlalinni angalasarnissat naatsorsuutigissavat.
Suliffik
Siulersuisut isumasioqatigalugit pingaarnertigut periusissatigut sammivissap aalajangersarnissaa, aningaasaqarnerup aalajaatsuunissaata qulakkeernissaa aammalu piginnittunut, suleqatigisartakkanut sullitanullu, soorlu timmisartuutileqatigiiffinnut, najukkami oqartussanut inuussutissarsiortunullu, sakkortuumik atassuteqaannarnissaq, CEO-tut akisussaaffigaatit. Tassunga ilanngullugu saniatigut missingersuutit, isumaqatigiissutit sanaartornermilu suliassat akisussaaffigilissavatit, kiisalu timmisartoqarfimmi ingerlatsinermi maleruagassatigut piumasaqaatit isumannaallisaanermilu malitassat malinneqarnissaannut qulakkeereqataassallutit. Ulluinnarni ingerlanneqartut, soorlu isumannaallisaaneq, ingerlatsineq, compliance, aserfallatsaaliuineq qatserisartoqarnerlu aqutsisut sulisuit passuttussaagaat, illit pilersuutit tamarmik qanittumut ungasissumullu siunnerfinnut ilanngullugit ataqatigiinnissaat qulakkeertussaavat.
Avatangiiserniittunut maligassiuisuunerup isumassarsiortitsisuunerullu saniatigut ulluinnarni akisussaaffeqarfitit makkuussapput:
Periusissatigut aqutsisuuneq: Ingerlatsinerup isumannaatsuunissaata, piujuartitsinissap unammillersinnaassuseqarnissallu qulakkeernissaat siunertaralugu Greenland Airports – Mittarfeqarfiit ungasissumut takorluugaannik, anguniagaannik siuariartornissamullu periusissaannik nassuiaaneq atuutsitsilernerlu.
Aningaasaqarnermik aqutsineq: Ukiumoortumik missingersuutinik aqutsineq, isertitat ingerlaarnerinik nakkutiginninneq, isumalluutinik sunniuteqarluartumik atugassiisarneq aammalu pisortatigoortumik pisussaaffinnik naammassinninnissamik qulakkeerineq, peqatigisaanillu kaaviiaartitsinissap qulakkeernissaa.
Isumaqatigiissutinik aqutsineq suleqatigisartakkanullu attaveqarnerit: Timmisartuutileqatigiiffinnut, suleqatigisartakkanut, pilersuisunut pisortanilu oqartussanut isumaqatigiissutinik isumaqatiginninniarnerni peqataaneq. Suleqatigisartakkat attuumassutillit suliaqarnissaannut isumaqatigiissuteqarneq ineriartortitseqqinnerlu.
Maleruagassatigut compliance isumannaallisaanerlu: CEO-tut COO suleqatigalugu timmisartoqarfimmi peqqussutit malitassallu atuuttut tamarmik malinneqarnissaat qulakkiissavat, ilanngullugu, kisianni taakkununngaannaq killeqanngitsumik, isumannaallisaaneq, toqqissisimaneq upalungaarsimanerlu.
Angallassinerup ingerlanerani excellence: Qullersatut timmisartoqarfimmi ingerlatsinermut nakkutilliineq, ilanngullugu silaannakkut angallannerup isumannaatsuunissaa, terminalimi aqutsineq, aserfallatsaaliuineq kiisalu annaassiniartartut qatserisartullu aammalu sunniuteqarluarnissap ingerlatsinerullu isumannaatsuunissaata qulakkeernissaat.
Ingerlatsinermik ineriartortitsineq: Ingerlatsinissamut periarfissanik nutaanik suussusersiineq, timmisartumik angallaviit kiffartuussinerillu annertusitinnissaasa sulissutiginissaa kiisalu Greenland Airports – Mittarfeqarfiit Kalaallit Nunaanni najukkami aningaasaqarnikkut siuariartortitsinermut motooritut inissisimanerata nukittorsarnissaa.
Ilisarnaatit
Qinnuteqartuni piukkunneqartoq piukkunnarluinnartoq tassaavoq executive misilittagalik timmisartoqarfimmi ingerlatsinermik aqutsinerup imaluunniit arlalinnik ingerlatsiveqarluni attaveqaasersuutinik pisariaqartinneqartunik ingerlatsinermut allatut attuumassutillip iluani uppernarsaatitalimmik misilittagaqartoq. Tassunga ilanngullugu soqutigisaqartunut amerlasoorpassuarnut atassuteqarnermik inerisaanermik uppernarsaatitalimmik misilittagaqarputit kiisalu sullitavit pisariaqartitaat paasilluartarlugu aammalu sunniuteqarluartumik ingerlatsinermi ineriartortitsinermut suliniutinik ingerlatsisinnaallutit.
Naatsorsuutigaarput Greenland Airports - Mittarfeqarfiit Kalaallit Nunaanni tapiiffigineqanngitsumik silaannakkut angallannermut qitiusumi angallavinngornissaanut eqiteruffinngornissaanullu ineriartortitsinissamut tunngavissaqartutit. CEO-tut takorluuisinnaassuseqassaatit aammalu attaveqaqatigiillaqqilluinnassallutit – aalajangiisinnaassuseqarlutit, angusassat pingaartittarlugit, aalajaatsumik pissuseqarlutit aammalu ingerlatsinermut aningaasaqarnermullu piginnaaneqarlutit, siulersuisut pisariusunik aalajangiinissaannut ikiuunnissamut aammalu sulisut suliniutinik pisariusunik aqqusaagaqarnerannik ilitsersornissaannut pisariaqartunik.
Naatsorsuutigaarput makkuninnga piukkunnassuseqartutit misilittagaqartutillu:
Aningaasaqarnerup iluani pisortatigoortumik sivisunerusumik ilinniagaqarneq imaluunniit suliassaqarfinnut, inissisimaffimmi piumasaqaatinut tulluartumik ilinniagaqarneq, tassanilu ingerlaavartumik ilinniaqqittarsimasutit.
Tapiiffigineqanngitsumik timmisartoqarfimmik ingerlatsinerup iluani imaluunniit inuussutissarsiummit taamaaqataanit ukiuni arlalinni aqutsisutut, nakkutilliisutut aningaasaqarnikkullu misilittagaqarneq, aammalu malitassanik maleruagassanillu assigiinngitsunik suliaqarnermik ilisimasaqartutit.
Angallassinermut attuumassutillit programmit sullissinerillu, aningaasalersuisartut, pisortani atassuteqarneq siulersuisunullu atassuteqarneq uppernarsaatilimmik annertuumillu ilisimanissaat piumasarineqarpoq.
Ineriartortitsisartutut ilisarnaatilik, peqatigisaanik isumannaatsumik ingerlatsinerup aamma governance-p pingaaruteqarnerat ataqqillugu.
Periusissatigut angallassinermilu pilersaarusiorneq, aaqqissuussaanermi aqutsineq kiisalu patajaatsumik aningaasaqarnermik paasisimasaqarneq, niuernermik sakkortuumik aallussinermut ataqatigiissillugu.
Aaqqissuussaanerni annertuuni annertunerusumik allanngoriartortitsinerup ingerlatinneranut aqutsinermik misilittagaqarneq.
Kalaallit Nunaanni sulinermit aqutsisutut misilittagaqarneq.
Sooq Greenland Airports - Mittarfeqarfiit?
Kalaallit Nunaanni pinngortitaq alianaalluinnartuuvoq inuillu taamatut pitsaatigipput, illillu tassani sulianik ingerlatarni ullut tamaasa iliuuseqarlutit allanngortitseqataasinnaavutit. Tassunga ilanngullugu sulisunut tulluusimaartunut 520-nut, ullut tamaasa sapinngisartik tamaat sulisunut aammalu ineriartorsinnaanissap ingerlaannarnissaanut qilanaartunut, allanngoriartortitsinissamut ineriartortitsinissamullu asseqanngitsumik periarfissaqalissaatit. Tamatuma saniatigut attaveqaasersuutit pisariusut pissuserpassuaqartut, ingerlatsinikkut anigorniagassat aammalu siuariartortitsinissamut siunnerfiit ersarissut aammalu sakkortuumik inuiaqatigiinni siunertaqartumi suliaqarfiginissaannut periarfissaqalissaatit.
Paasissutissanik annertunerusunik piniaruit Managing Partner Camilla Svendsen, Hudson Nordic-imeersoq, qinnuteqartunik piukkunneqartunik toqqarnermi peqataasussaq, allaffigisinnaavat uunga cs@hudsonnordic.com. Teqeqqumi qullermi saamerlermi linki aqqutigalugu atorfimmut qinnuteqarnissamut tikilluaqquneqarputit.
