Ulloq 01. oktober 2025-miik sulilersussamik.
Uummannami Timersortarfik Imminut pigisuuvoq, Timersortarfimmi siulersuisut aaliangiisussaatitaapput piginnaasat aallaavigalugit toqqaanissaminnut. Pisortanngortussamut isumaqatigiissutip imarissavai; Soraarnerussutisiaqarnissamut katersaqarneq, sulinngiffeqarluni angalaneq, allanullu atortorissaarutinut attuumassuteqartut.
Suliassat: Ulluinnarni akisussaaffiit suliffeqarfiup ingerlatai pitsaanerpaamik ingerlatissallugit. Inersuaq, Fitnessertarfik, Cafeteria, Katersortarfik, Inissiallu.
- Suliffeqarfiup ingerlatai malitassiat malillugit ingerlanneqarneri nakkutigissallugit.
- Suliffeqarfik sulisoqarnikkut ataqatigiissaassaassallugu
- Illorsuaq, pingisai, ingerlatsinermilu atortut nakkutigissallugit
- Allaffissorneq naatsorsuuserinerlu isumannaatsumik ingerlanneqassasut
- Timersoqatigiiffiit siulersuisuinik suleqateqarluarnissaq
Neqeroorutigisinnaavarput:
- Suliffik pissaganartoq, inersimasunut, inuusuttunut meeqqanullu attuumassutilik
- Ulluinnarni suleqativit saniatigut, Kommune-mut, Timersortartunut, Peqatigiiffinnut Meeqqallu Atuarfiannut suleqatiginnittussaavutit
- Pisussani annertuuni illorsuaq Timersortarfik aaqqissuussiffiutillugu sulinissaq ilimagisariaqartassuat.
Atorfimmut atatillugu inissaqartitsisoqanngilaq, Nuunnermi aningaasartuutaasinnaasunut akiliussisoqarsinnaanngilaq. Atorfimmut akissaatinut tunngasut isumaqatigiissusiornikkut ingerlanneqassapput.
Siornatigut suliffigisimasat oqaaseqaatit, ilinniarsimanermullu uppernarsaatit, kiisalu pinerlussimannginnermut allagartamik takutitsinissaq piumasaqaataavortaaq.
Johannes Mathiassen Timersortarfiup siulersuisuini siulittaasumut paasissutissanik piniartorqarsinnaavoq mobil nr. 22 73 72
Qinnuteqaat uunga ingerlatinneqassooq:
Email: timersortarfik@uummannaq.net
Ulloq 21. september 2025 qinnuteqarfissap ullua kingulliuvoq.
