Illit taannaarusuppit ulluinnarput ingerlatikkaa – tamannalu pisassaaq ulapikkaluarutta, receptionimi pulaartoqarpat aamma tallimanngornermi ullaakkut ataatsimiinnerput nuannersitinniarluguluunniit? Greenland Airportsip Nuummi qullersaqarfiani sullissinermik piginnaaneqartumik suliffeqarfiullu tamarmiusumut pingaaruteqartussamik suleqatissarsiorpugut, ulluinnarni suliassarpassuit assigiinngitsut isumagisassaapput, tassanilu tamakkerlugu isiginninneq pisariaqartillugulu iliuuseqarsinnaaneq iluatsitsilluarnissamik matuersaataapput.
Suliami inissisimaffissat
Allaffiup qiterisussaavaatit. Illiusussaavoq pulaartunik tikilluaqqusisoq, pisussanik nakkutiginnittoq ulluinnarnilu suleqatinut suleqatigisanullu suliamik pikkorissusilittut oqaluukkuminartutullu misigititsisoq.
Suliffiup piumasaqaatigivaa, illit suliffimmi ulapaarfiusumi tamatigoortumik avatangiisilimmi iluarusullutit inissisimasutit – aamma tamakkerlugu isiginninnerit atatittuassagit, suliassalluunniit arlalialuit ataatsikkut takkutissagaluarpata.
Pingaarnerusumik suliassatit
Saaffiginnittarfik aamma attaveqaqatigiinneq
- Saaffiginnittarfiup inuttaqarnissaa
- Pulaartunik ilassinninneq, pulaartut allagartassaannik tunisineq aamma pulaarneqartussat ilisimatinneqartarnissaat
- Oqarasuaatip paarinissaa aamma mails-inik akissuteqarneq
Ingerlatsineq ataqatigiissaarinerlu
- Allakkanik passussineq (allakkanik aallerneq nassiussuinerlu)
- Qulakkiissallugu allaffiit pisariaqartunik pequtsersugaasut aamma allaffissornikkut atortussanik naammattunik peqartuaannartoq
- Igaffiit, ataatsimiittarfiit ataatsimoortarfiillu takutinnissaminut ajukkunnanngitsut isumagissallugit
- Asaasunut attartortitsisumullu attaveqartarnissaq isumagissallugu
- Qullersaqarfiup biiliutai illusisimaviilu allaffissornikkut isumagissallugit
Aaqqissukkanik pisoqartitsinerit ataatsimoornerlu
- Ilup iluani avataatigullu aaqqissukkanik pisoqartitsinerit pilersaarusiorneri tigussaasumik ingerlanneqarnissaat isumagissallugit
- Ataatsimiinnerit aaqqisukkamillu pisoqartitsinerit piareersassallugit torersarlugillu
- Tallimanngornermi ataatsimiinnernut tapersiinissaq
Allat
- Suleqatinut tigussaasumik ikorfartuinissaq
- Pisiortuinerit aamma kiffartuussinerit
- Allaffimmi suliassat takkunneri ilutigalugit suliarisarnissaat
Takorloorparput, illit:
- Kalaallisut qallunaatullu oqalussinnaasutit allassinnaallutillu minnerpaamik B-niveau-mi
- Bilernermut allagartaqartutit kategori B
Tamakkua saniatigut sullissinermik piginnaaneqarputit, aaqqissukkamik suleriuseqarputit, sungiussiasuuvutit aamma ulluinnarni ulapputtoqartillugu tamakkerlugu isiginni4llaqqipputit. Namminersorlutit sulisarputit aamma suliatit akisussaaffigisarpatit.
Atorfininninermut piumasaqaataasut
Atorfik Nuummi inissisimavoq ullorlu naallugu sulifiulluni.
Immikkut ittumik piumasaqaatitalimmik atorfinissaatit, aamma akissarsiatit inissinneqassapput piginnaanitut misilittakkatillu tunngavigalugit.
Atorfininneq ingerlanneqassaaq malittarisassat naliginnaasumik atuuttut naapertorlugit aamma Greenland Airportsimi atorfinitsilluni sulisutut iluaqutissat tunniunneqartartut naapertorlugit.
