Safety Officer – Isumannaallisaanermut nakkutilliisoq
Greenland Airports isumannaallisaanermut immikkoortortami pikkorissumik akisussaassusilimmillu Isumannaallisaanermut nakkutilliisussarsiorpoq. Isumannaallisaanermut nakkutilliisutut ingerlatsineq, aserfallatsaaliineq aammalu Safety Management System (SMS) ineriartortinneqarneranut peqataassaatit, suliffeqarfimmi ingerlatsinerup eqaatsumik ajornanngitsumillu ingerlanissaa qulakkeerniarlugú. Isumannaallisaanermut nakkutilliisutut suleqatitit peqatigalungit mittarfeqarfiit Heliport-illu isumannaallisaanikkut ingerlanneqarnerat qitiusumik nakkutigineqarnerannut suleqataaffigissavat.
Isumannaallisaanermut nakkutilliisussarsiorpugut, isumannaallisaanerup ingerlanneqarnerata inerisarneqarnera, piumasaqaatinik aaqqissuusseqqinneq aammalu misissuisarnerup ineriartortinneqarneri ingerlammata.
Allaffissornikkut qullersaqarfipput Nuummi inissisimavoq, tassanilu isumannaallisaanermut nakkutilliisoq pingaarnerusumik suliffeqassaaq. Atorfik ilutigalugu naatsorsuutigineqassaaq annertuumik angalasoqartassasoq. Safety Officer-itut Kalaallit Airports International-mi toqqaannartumik isumannaallisaanermut pisortap ataani inissisimassaatit.
Akisussaaffitit suliassallu
- Nakkutilliineq, isumannaallisaanermut nalunaarusiornerit misissoqqinneri, aammalu suussusersiniarnermi ikiuunneq, trends, allagartat sumiiffinni ulorianartorsiorfiusinnaasuni misissuinerni ikiuunnerit.
- Ineriartornernut, isumannaallisaanermut toqqortanik (safety-data) aaqqissuusseqqinnernullu suliaqarneq, SPI (safety performance indicators) aaqqissuunneri.
- Isumannaallisaanermi pisortap tapersersornera, paasissutissat toqqortat tunngaviinik misissuinerit, aammalu aalajagiinermi saqqummiinernut misilittakkanillu misissuinerit.
- Isumannaallisaanermut, ulorianartorsiorfiusinnaasutullu nalilikkanut (risikovurdering) misissuinerni aaliangeeqataasarneq.
- Isumannaallisaanermut aqutsinermi ingerlatsivimmi (safety Management system (SMS)) kivitseqattaaneq.
- Isumannaallisaanermut takoqqusaarutinik suliaqaqataaneq.
Suliassaqarfivit akisussaaffivillu ilagissavaat:
- Pisut aalajangikkat nalilersoqqinneri, misissuinerillu ukiumoortut naammassineqarnissaannut suliaqaqataaneq.
- Isumannaallisaanermut tunngasunik suliniuteqaqataaneq.
Illit pillutit
Naatsorsuutigaarput mittarfeqarnerup ingerlanneqarneranut, silaannakkut angallannermut imaluunniit mittarfimmut assingusumik suliaqarnermut misilittagaqartutit, kisiannili pigaarnerpaavoq eqaatsumik suleriuseqartuusutit, misissuisinnaaneq, aaqqissuussineq suleqatigiinnerlu eqqummaariffingigitit. Suliassaqarfimmut assingusumik misilittangaqarneq iluaqutaassaaq, kisiannili sulilernermi ilitsersuunneqarnerup kinguneranik suliassat ingerlallualerneqarsinnaapput.
Safety Officer-itut suliffiup iluani eqaatsumik attaveqaataajumaarputit, Safety Manager, Quality immikkoortortaq aamma mittarfeqarfinni pisortat qanimut suleqatigisassavatit.
Taakkua saniatigut mittarfeqarfiup avataani suleqatigut, Trafikstyrelsen, mittarfeqarfiit allat qanimut suleqatigisassavatit, taamaattumik akisussaassuseqartumik pitsaasumillu suleriuseqarnissaq pingaarutilerujussuuvoq.
Illit pillutit pingaartitavut allat makkuupput:
- Paasissutissanik aaqqissuulluakkamik misissuisinnaassuseqarneq eqqummaarinnerlu.
- Isumannaallisaanermut misissuinernik soqutigisaqarneq, naatsorsueqqissaarnermi kisitsisinik aammalu aalajangikkat tunngaviinut aalajangeeqataasarneq.
- Timmisartoqarnermi inatsisinik piumasaqaatinillu ilisimasaqarneq soqutiginninnerlu.
- Namminersorluni suliaqarsinnaaneq, akisussaaffimmik tigusisinnaaneq aammalu suliffeqafimmi suleqatinik suleqateqarluarsinnaaneq.
- Qallunaatut Tuluttullu oqalussinnaaneq allassinnaanerlu, Kalaallisut oqalussinnaanguit pitsaaqutaassaaq kisiannili piumasaqaataanani.
Neqeroorutigaarput:
Immikkut ittumik akissarsiaqartitsinermik atugassat atorfiup piumasaqaatai naapertorlugit. Sulinngiffeqarnissamik katersuineq feriarnerlu Nunatsinni sulinngiffeqarnermut inatsisaasut naapertorlugit ingerlanneqarput, uagut sapaatip akunneranik saniatigut sulinngiffeqarnermik tunisisarpugut.
Atorfinninnissamut piumasaqaataavoq, illit Safety Officer-itut isumannaallisaanermut qaffasissutsimut “ALLANUT OQAATIGEQQUNNGISAQ”, Nunatsinni Namminersornerusunit akuerisaanissat aamma atorfeqarnerit naallugu tamanna atatiinnarneqarnissaa piumasaqaataalluni. Akuersinermi tunulequtaasoq tassaavoq misissuineq Politiit Paasiniaasartuinit Politiets Efterretningstjeneste-mit ingerlanneqartoq.
Paasissutissanik ersarinnerusunik aallertoqarsinnaavoq Safety Manager Jakob Schytz-imut saaffiginninnikkut uunga mail: jsch@airports.gl
Qinnuteqaatit CV-ilu, ilinniarsimaninnullu uppernarsaatit, certifika-tillu una link toorlugu kingusinnerpaamik ulloq 27.marts 2026 – qinnuteqaatit oqaloqatiginninnerillu ingerlaavartumik suliarineqassapput.
Qinnuteqaativit tigunissaanut qilanaarpugut.
Mail-ikkut qinnuteqaatit tiguneq ajorpagut.
