Sumiiffiit
Upernavik
Sullissineq pitsaasoq, pitsaasoq qaffasissoq aammalu suliamut tunniusimaneq Upernavimmi mittarfimmi pingaarnerpaatinneqarput, tamakkulu sulininni pingaartikkukkit mekanikeritut suliffissaq inuttassarsiuunneqartoq ilinnut tulluarsinnaavoq.
Mekanikeri mittarfiup pisortaanut nalunaaruteqartassaaq.
Suliassat:
Mekanikeritut suliffimmi mittarfiup atortui ingerlaavartut tamarmik ingerlalluarnissaat peqataaffigissavat, ilanngullugit biilit, qatserisartut biilii, sanaartornermi maskiinat angisuut il.il.
Suliassat ilaatigut makkuupput:
- Ajutoorutinik nassaarniarneq (fejlfinding)
- Biilinik pinaveersaartitsisumik aserfallatsaaliuineq
- Iluarsaassinerit
- Timmisartunik sullissinermi peqataaneq aammalu aputaajaaneq
- Kingoraartissanik aammalu atortunik assigiinngitsunik inniminniineq
- Qatserinermut imaanilu annaassiniarnermut piareersimasuni kiisalu sungiusarnerni peqataaneq
- Mittarfimmi suliassat assigiinngitsut (ad hoc)
Piginnaasat:
Mekanikeritut ilinniarsimasuussaatit aammalu ukiuni 3-5-ni misilittagaqassallutit. Tamatuma saniatigut naatsorsuutigaarput:
- Ajornanngippat timmisartoqarfimmi aqutsisunut (indsatsleder fly) ilinniagaqarsimassasutit, ilinniagaqarsimanngikkuit ilinniartinneqassaatit
- Biilernermut allagartaqarneq, angisuumik biilernermut allagartaqarneq iluaqutaassaaq
- Torersuunissaq, inussiarnersuunissaq aammalu suleqatigiinni sulisinnaaneq
- Saviminilerinermik/pladearbejde-mik ilisimasaqarnissaq iluaqutaassaaq
Mittarfeqarfiit neqeroorutigaat:
Suliffik ineriartortoq pissanganartoq, sulisunut pitsaasunik atugassaqartitsinermik pingaartitsisoq aammalu suleqatit akornanni pitsaasumik suleqatigiinnermik naleqartitsisoq. Suleqatit 9-t akornanni suleqataalissaatit, tamarmik namminersorlutik aammalu suleqatigiillutik sulisuusut.
Isumannaallisaanikkut akuersissut:
Atorfimmut piukkunnartinneqassaguit isumannaallisaanikkut akuersissummik pissarsisinnaasariaqarputit. Taamaattumik pineqaatissinneqarsimannginnermut uppernarsaat ilanngunneqassaaq. Tamanna najukkanni politeeqarfimmi imaluunniit www.sullissivik.gl aqqutigalugu pissarsiarineqarsinnaavoq.
Atorfeqarnermi atugassarititaasut:
Atorfinitsitsineq immikkut isumaqatigiissuteqarnikkut pissaaq, imalu atugassaqartitsilluni:
- Sapaatip akunneranut nalunaaquttap akunneri 40-t suliffiussapput
- Atorfimmut atatillugu inissaqartitsisoqanngilaq
- Sulilerfissaq isumaqatigiissuteqarnikkut
Paasisaqarnerorusuppit?
Atorfik pillugu paasisaqarnerorusukkuit imaluunniit apeqqutissaqaruit ingerlatsinermut pisortaq Juaannguaq Broberg oqarasuaat +299 38 43 11 imaluunniit e-mail: jua@mit.gl aqqutigalugu attavigisinnaavat.
Apeqqutit nalinginnaanerusut HR-imut nassiunneqarsinnaapput: hr@mit.gl
Mittarfeqarfiit pillugit annertunerusumik paasissutissat nittartakkatsinni www.mit.gl-mi takuneqarsinnaapput.
Soqutiginnippit?
Taava qinnuteqaatit, CV-it kiisalu ilinniarsimanermut uppernarsaatit linki ataaniittoq aqqutigalugu tigunissaat qilanaaraarput kingusinnerpaamik 27. februar 2022.
