Mittarfik Nuuk piffissap ilaani security-mi sulisussarsiorpoq
Toqqissisimatitsinermik isumannaatsuunissamillu Kalaallit nunaanni mittarfimmi – piffissap suliffiusup ilaani peqataarusuppit?
Greenland Airports Mittarfik Nummi piffissap ilaani sulisinnaasunik security-mi ujaarlerpoq. Atorfik inunnut aaliangersimasunut tulluuppoq, allamik suliffeqareersunut imaluunniit ilinniartunut, kisiannili pingaarutilimmik saniatigut suliffeqarusuttunut – soorlu weekend-ini imaluunniit unnukkut.
Atorfik pillugu
Piffissap ilaani security-mi sulisutut ulluinnarni ingerlatsinermut ilanngutissaatit aammalu isumannaallisaanermut suliassat suliarisassallugit soorlu:
- MIttarfimmut isersinnaanermut allagartat misissorneri aamma nakkutiginninneq
- Nakkutilliineq misissuinerlu isumannaallisaanermut killeqarfimmi
- Sullissineq aamma ilitsersuineq timmisartumi ilaasunut
- Biilinut inissiisarfimmik nakkutilliineq
Suliffik nunat tamalaat akornanni avatagiisilimmi inissisimavoq, taamaattumik akisussaassusermik, takunnissinnaanermik suleqatiginnikkusussusermillu peqarnissaq pigaaruteqarpoq.
Akunnerit suliffiusut
Atorfik piffissap ilaani suliffiuvoqpisariaqartitsisoqartillugu pingaartuuffiusartoq. (vagt)
Piffissaq suliffiusoq imatut inissisimassaaq:
- Sap.akunnerata naanerani (Weekend-ini)
- Unnukkut
- Aammalu ulluni sulisussaaleqiffiusuni aamma sulinngiffeqarnerit nalaanni
- Pingaartuuffiit nal. 04:30 aamma nal.21:00 missaaniittarsinnaapput.
Kinaavit?
Ujarpatsigit:
- Akisussaaffimmik tigusisinnaasoq aalajaatsorlu
- Periutsinik aalajangersimasunik malittarisassanillu ersarissunik malinnissinnaasoq
- Ulluni ulapaarfinni eqqissisimalluni sulisinnaasoq
- Sullisserusussusilik sapiunnanilu sassarsinnaasoq
Pitsaaqutaassaaq:
- Security-mi sulisareernikuuguit
- Isumannaallisaanermut akuersissuteqareeruit imaluunniit isumannaallisaanermut akuersissummik peqareernikuusimaguit
- Mittarfimmi sulinermik imaluunniit isumannaallisaanermut assigusumik misilittagaqaruit
Piginnaasat
Kissaatigaarput:
- Kalaallisut oqaaseqartutit, qallunaatut aamma Tuluttut
- Biilernermut naliginnaasumik allagartaqartutit
- Qalipaatinik takunnissinnaanngitsuussanngitsutit
- Malittarisassat malillugit isumannaallisaanermut akuersissummik pisinnaassasutit
- Ilinniartikkuminartutit immikkuualuttunillu takunnissinnaassuseqartutit
Neqeroorutigaagut
- Piffissap ilaani atorfeqarneq isumaqatigiissutissiami malittarisassat malillugit
- Ilitsersuunneqarluarneq (pisariaqassappat)
- Suleqatigiinnermi ataatsimoorneq nukittooq
- Suliffeqarfik siuarsaarusussusilik aammalu suleqatigiilluarnissamik pingaartitsisoq
Qinnuteqartoq tunngaviusumik ilinniartinneqarnissamik neqeroorfigineqassaaq, angusisimassallunilu atorfinitsinneqannginnermi. Tunngaviusumik ilinniartitaaneq sapaatip akunnera ataaseq sivisussuseqarpoq.
Malugiuk: Atorfimmut tunngatillugu inissaqartitsisoqanngilaq.
Isumannaallisaaneq paasissutissallu sukumiisut
Atorfinitsinneqassaguit isumannaallisaanermut akuerisaaqqaartariaqarputit. Taamaattumik inatsisinik unioqqutitsisimannginnermut uppernarsaat ilanngullugu qinnuteqarnerni nassiutissavat, taanna najugarisanni Politeeqarfimmut imaluunniit www.sullissivik.gl-imi piniarsinnaavat.
Attavissat
Atorfimmut tunngatillugu apeqqutissaqaruit attaveqarnissannut tikilluaqqusaavutit:
Pollas Lyberth – poly@airports.gl
Anders Nielsen – anni@airports.gl
Apeqqutit sukumiinerusut immikkoortortaqarfik HR attavigissavat mail: hr@airports.gl
Oqaloqatiginninnerit ataavartumik ingerlanneqassapput.
