Check-in imaluunniit trafikassistenti Kangerlussuarmi
Suliffissamik pissanganartumik nunarsuarmioqatigiit akornanni avatangiiseqartumi ujartuivit? Taava Greenland Airports Kangerlussuaq ilinnut suliffissaateqarpoq.. Greenland Airports Kangerlussuaq trafikassistentimik imaluunniit check-in assistentimik piaartumik imaluunniit isumaqatigiissuteqarnikkut atorfinittussamik pissarsiorpoq.
Suliassat
Suliassat assigiinngiiaartut pissanganartullu suliarissavatit, ullullu tamarmik assigiissanngillat. Sulinermi siunertaq tassaavoq atuisunik sullissineq kiisalu stationip ingerlanneqarnera timmisartuutileqatigiiffiup isumaqatigiissutai naapertorlugit ingerlanneqarnissaannut peqataaneq, soorlu:
- Ilaasunik check-in
- Ilaasunik timmisartumut isumannaatsumik ikisineq niutitsinerlu
- Timmisartuussinernut nalunaaruteqartarneq kiisalu tamanut saqqummiussinerit
- Nalinginnaasumik ingerlatsinermi pinartoqartillugu pisoqarnerani ilaasut eqqugaasut timmisartuutileqatigiiffiup angallassinermut malittarisassai naapertorlugit aammalu sapinngisamik ajornartorsiutip annikinnerpaaffianiinnissaanik sullissineq
- Allaffissornikkut suliassat kiisalu uppernarsaatit isumannaatsumik passunneqarlutillu toqqorneqarnissaat qulakkeerlugu
Piginnaasat pisinnaasallu
- Pinerluuteqarsimannginnermut uppernarsaat
- Trafikassistentitut ilinniarsimaneq imaluunniit minnerpaamik ukioq ataaseq check-in assistentitut misilittagaqarneq. Qinnuteqartoq piukkunnartoq suliassaqarfimmi siumut ilisimasaqanngikkaluarluni mittarfimmi ilinniartinneqarsinnaavoq
- Kalaallisut, qallunaatut tuluttullu oqalussinnaaneq
- Qarasaasiatigut systeminik ilisimasaqarneq
- Sullisserusussuseqartoq
- Namminersorsinnaasoq
- Aalajangiisinnaasoq
- Suleqatikkuminartoq
- Aalajaatsuusoq
- Allannguutinut naleqqussarsinnaasoq
- Tatiginartoq
- Biilersinnaanermut allagartaq iluaqutaassaaq
- Ulapaarfiusuni sulisinnaasoq
- Suliaminut ammasumik isiginnittaaseqartoq
Greenland Airports neqeroorutigaa
Suliffik ineriartortoq pissanganartoq, sulisunut pitsaasunik atugassaqartitsisoq kiisalu suleqatigiilluarnermik pingaartitsisoq.
Isumannaallisaanikkut akuersissut
Atorfimmut naatsorsuutigineqassaguit isumannaallisaanikkut akuersissummik pisinnaasariaqarputit. Taamaattumik pinerluuteqarsimannginnermut uppernarsaat ilanngunneqassaaq. Tamanna najukkami politeeqarfimmi pissarsiarineqarsinnaavoq.
Atorfinitsitsinermi atugassarititaasut
Atorfinitsitsineq isumaqatigiissut atuuttoq naapertorlugu pissaaq, atorfininneq isumaqatigiissuteqarnikkut.
- Angalaneq atorfininnermi soraarnermilu malittarisassat atuuttut naapertorlugit
- Pequtit angallannerinut aningaasartuutit malittarisassat atuuttut naapertorlugit akilerneqassapput
- Sulinngiffeqarnermi angalanissamut periarfissaq isumaqatigiissut naapertorlugu
- Ineqarneq malittarisassat atuuttut naapertorlugit
- Sapaatip akunneranut akunnerit 40-t suliffiusassapput, ilanngullugit weekendini nalliuttunilu vagteqarneq
- Piaartumik imaluunniit isumaqatigiissuteqarnikkut atorfininneq
Paasissutissat annertunerusut
Atorfik pillugu paasissutissanik amerlanerusunik imaluunniit apeqqutissaqaruit ulluinnarni aqutsisoq Cecilie Goliathsen attavigisinnaavat oqarasuaatikkut 23 22 55 imaluunniit e-mailikkut Cego@Airports.gl.
Aammattaaq Administrationschef Tage Johansen attavigineqarsinnaavoq oqarasuaatikkut +299 38 18 28 / 52 45 08 imaluunniit e-mailikkut tjo@airports.gl.
Apeqqutit nalinginnaanerusut sulisoqarnermut immikkoortortamut nassiunneqarsinnaapput: hr@airports.gl
Greenland Airports pillugu paasissutissat
Greenland Airports
Soqutiginnippit?
Taava qinnuteqaatit, CV-t kiisalu ilinniarsimanermut uppernarsaatit linki ataaniittoq aqqutigalugu kingusinnerpaamik ulloq 12-06-2026 nassiunneqarnissaat qilanaaraarput.
Mittarfeqarfiit, Greenland Airports, Kalaallit Nunaanni mittarfinnik 13-inik heliportinillu 46-nik ingerlatsivoq. Ukiumut 60.000-init amerlanerusunik timmisartuussinernik (tinginerit miffiginerillu) isumaginnittarpugut aammalu ilaasunik 350.000-init amerlanerusunik sullissisarluta. Sulisut 400-t missaanniittut nunatsinni suliffiit annerpaat ilaanniippugut, aammalu sulisut suliffeqarfiullu ineriartortinneqarnissaat ingerlaavartumik sulissutigisarparput. Taamaattumik sullissinerit ilinniartitseqqinnerillu assigiinngitsut neqeroorutigisarpagut, inuiaqatigiillu ineriartortinneqarnerannut pitsaasumik peqataasinnaalluta.
