Trafikassistentitut imaluunniit ilaasunik kiffartuussisutut ilinniarsimavit? Kiffartuussilluarnissallu pingaartippiuk? Ataatsikkut assigiingitsorpassuarnik suliaqarsinnaavit, allallu sulilluarnissaannik kaammattuisinnaavit? Taava Mittarfik Aasianni angallannermi assistentitut/allaffimmiutut atorfik ilinnut naleqqussimassaaq.
Suliassat:
Trafikassistentitut suliassatit ilaatigut tassaassappu ulluinnarni ilaasunik nassatanillu suliaqarneq. Timmisartuutileqatigiiffiit suliassaannik sullissisassuutit, kiisalu allaffissornermi suliassat isumagisassallugit.
Piginnaasat:
Trafikassistentitut atorfeqarfigissagullu piumasaqaatigaarput:
- Trafikassistentitut, ilaasunik kiffartuussisutut imaluunniit allaffimmiutut ilinniarsimanissat
- Sullissilluarnissamik pingaartitsisuussaatit, tamannami sullissat pitsaanerpaamik paasissutissinneqartarnissaannut pisariaqarluinnarmat
Greenland Airportsip neqeroorutigaai:
Suliffik soqutiginartoq, ineriartortoq, sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaannik pingaartitsisoq.
Sillimaniarnermi akuerisaaneq:
Suliffimmi atorfinissaguit piumasaqaataavoq sillimaniarnermi akuerisaasinnaanissat.
Taamaattumik pinerluttulerinermi nalunaarsuiffimmit takussutissiaq ilanngullugu nassiutissavat. Taanna najukkanni politiini imaluunniit www.sullissivik.gl aqqutigalugu pissarsiarisinnaavat.
Atorfeqarnermi atugassarisat:
Akissarsiat atorfeqarnermilu atugassarisat sulisut takkuffiannut isumaqatigiissut malillugu.
Paasissutissanik annertunerusunik pissarsigit:
Atorfik pillugu annertunerusunik paasisaqarusukkuit apeqqutissaqaruilluunniit Mittarfimmi pisortaq Bo Qvist e-mailikkut bqv@airports.gl imaluunniit oqarasuaatikkut +299 382701 attaviginissaanut tikilluaqqusaavutit.
Apeqqutit tamanut tunnganerusut pillugit HR-imi immikkoortortaqarfimmut nassiunneqassapput: HR@airports.gl
Qinnuteqaat:
Atorfinitsitsiniarnermi eqqarsaatigineqartunut ilaassaguit qinnuteqaatit, cv ilinniarnermilu uppernarsaatit mailikkut ataani adressi atorlugu kingusinnerpaamik ulloq 6. Juli 2025 nassiutissavatit.
Qinnuteqaatit malikkut takkuttut tiguneq ajorpagut.
