Qanilaartumik aammalu maligassiuilluartumik Meeqqerivik Mikisoq meeqqanik paarsisussamik piaartumik atorfinittussamik ujaarlerpoq.
Pingaartippiuk illit meeqqat toqqissisimallutik ineriartornissaat? Sulerusuppit meeqqerivimmi anginngittumi, kisianni ingerlalluartumi aammalu ataatsimoornermik, aneernermik ataqqeqatigiinnermillu pingaartitaqartumi? Taamaappat immaqa illit tassaavutit Mikisoq-mi suleqatissarput.
Ujaarlerpugut pikkorissumik, maligassiuilluartumik aammattaarlu meeqqanut paarsisutut pimoorussilluinnartumik. Suliffik tamakkiisumeersuuvoq (40timer/sap.ak.), sulilerfissarlu 2025 aallartissalluni allatut isumaqatigiittoqanngippat.
Kina ujarparput?
Meeqqanik perorsaasoq / Meeqqanik perorsaasut ikiortaat:
- Meeqqat ineriartorluarnissaannik toqqissisimanissaannillu pingaartitsisoq
- Qanilaarluni paasinnilluartarluni aammalu meeqqat nammineq suliarerusutaannik tapersersuisartoq.
- Silami aneernermik nuannarinnittoq, aammalu arlaannik pinngortitami misigisassarsionissanik nutaanik isummersorsinnaasoq
- Meeqqanut angajoqqaanut suleqatiminullu toqqissisimanartumik pissusilik.
- Sulinissamut piareersimasoq pilersaarusiorluakkami aammattaarli nutaaliorfiusumi.
- Suleqatigiinnissamik pingaartitsisoq, suleqatinillu ataatsimooqateqarnissamik siunertalik.
- Meeqqanik ukiutik malillugit agguataakkanik misilittagalik soqutigisaqartorlu.
- Ilinniarsimasuuneq iluaqutaassaaq, kisianni piumasaqaataanngilaq
Kikkuuvugut?:
Meeqqerivik Mikisoq namminersortuuvoq Nuup illoqarfianiittoq. Suleqatigiit meeqqat toqqissisimalluinnarlutik ineriartornissaannik pingaartitsisut.
- Suliffeqarfik meeqqat ineriartornissaannik suleqatigiilluarnissamillu pingaartitsisoq
- Angajoqqaat suleqataalluartut (aammattaarlu angajoqqaat siulersuisut) meeqqeriviup ingerlanneqarneranik suliaanillu ikiuuttut
- Suliffeqarfik Kammagiittamik pingaartitsisoq, meeqqallu imminnut pissuserissaarnissaanik ataqqeqatigiinnissaannillu siunertaqartoq.
- Sulisut meeqqat ullugissaarnissaannik, aneerluartarnissaannik aalalluartarnissaannik pingaartitsisut.
Meeqqerivik Mikisoq 22-nik meeqqerivimmiittuuteqarpoq, 13-nillu meeraaqqerivimmiittuuteqarluni. Meeqqerivimmi pingaartipparput qanilaarneq, pinnguarneq aammattaarlu aalaneq aqqutigalugu ineriartorneq.
Meeqqerivik Mikisoq paasisaqarfigilluarniarlugu nittartakkatsinnut alakkaasinnaavutit: https://www.mmikisoq.gl
Paasissutissat amerlanerusut
Atorfimmut tunngasumik apeqqutissaqarpit immaqaluunniit takornariarusuppit, taamaappat saaffigisinnaavat aqutsisuugallartoq Naja Paviasen E-mailerlutit uunga: info@mikisoq.dk sianerlutilluunniit telefonimut: 534389
Qinnuteqaatip tunniuffissaa kingulleq:
Qinnuteqaatit nassiuguk kingusinnerpaamik 31. august 2025 mailerlutit: info@mikisoq.dk
Ingerlaavartumik soqutiginnittunik oqaloqateqartarpugut
Atorfinitsinneqarnissamut piumasaqaataavoq pinerlussimannginnermik uppernarsaatip taamallu meeqqanut pinerliisimannginnermik uppernarsaatip (Straffe- og børneattest) sulisitsisut aasinnaanissaagaat.
Malugiuk atorfik inissianik neqerooruteqanngimmat.
Qulaani allatagut ilinnoortuuppat? Taamaappat atorfimmut qinnuteqarit – qilanaarpugut tusarfiginissarnut.
