Greenland Airports KangerlussuarmiittumiAutoværkstedimi Lastvogninut / Entreprenør maskinanullu mekanikkerissarsiorpoq, suleqatigiinnut mekanikerinut sisamanut ilinniartumullu ataatsimut suleqataalersussamik.
Aserfallatsaaliineq ataavartumillu iluarsartuussinerit pingaarnertut suliassaasarput.
Suliassat:
Aserfallatsaaliinerit kiisalu ukiuunerani atortunik iluarsartuussinerit annerusumik, Øveraasen Sweeper, Aputaajaatit (Sneblæser) & Plove, Mercedes Crash tender kiisalu Mercedes lastvognit assingisaanillu atortullit. Suliassanik immikkuullarissunik aamma takkuttoqartarpoq.
Piginnaasat:
Lastvogn mekanikeritut ilinniarsimasuussaatit minnerpaamik ukiunik pingasunik misilittagaqarlutit. Taassumap saniatigut naatsorsuutigaarput:
- Mercedesinut Star Diagnosenullu ilisimasaqarneq pitsaaqutaasinnaavoq.
- Atortuni hydraulikkiusunik ilisimasaqarneq.
- Atortut elektriskeusut ajoqutaannik nassaarsinnaasoq.
- Svejserinermut ilisimasaqartoq.
- Vagteqartarnermut eqataaneq (ukiuunerani).
- Piffissamik ataqqinnittoq.
- Peqqissaartoq.
- Biilersinnaanermut allagartaqarneq inuinnarnut lastbilinullu (angisuunut biilersinnaanermut allagartaq najukkami piniarneqarsinnaavoq).
Greenland Airportsip neqeroorutigai:
Suliffik pissanganartoq ineriartortuartorlu, sulisut atugarissaarnissaannut suleqatigiilluarnissamullu pingaartitsisoq. Suleqatigiit arfinillit suleqatigilissavatit, namminersorlutik suleqatigiillutillu sulilluarsinnaasut.
Isumanaallisaanermut akuerisaaneq:
Sulilersinnaanissamut suliffeqarfiup piumasaqaatigivaa isumannaallisaaneq pillugu akuersissut. Qinuteqaammut ilanngullugu pinerlussimannginnermut uppernarsaat nassiunneqassaaq, taanna najukkami politeeqarfimmut piniarneqarsinnaavoq.
Atorfininnissamut paasissutissat:
Akissarsiat atorfininnissamullu tunngasut suliffeqarfiup isumaqatigiissutai malillugit pissapput.
- Atorfininnermi soraarnermilu inatsisit atuuttut malillugit pissapput.
- Sulinngiffeqarneq sulinngiffeqarnermullu atatillugu angalaneq, qaammatit 12 sulereersimagaanni akiliunneqarluni pisinnaavoq inatsisit atuuttut malillugit.
- Najugaqarneq inatsisit atuutuut malillugit pissaaq.
- Sapaatip akunneranut akunnerit 40 sulineq, ukiuneranilu vagteqartarneq.
- Atorfininnissaq piaarnerpaamik isumaqatigiinnikkulluunniit aallartissaaq.
Paasisaqarnerorusukkuit:
Atorfik pillugu paasisaqarnerorusukkuit apeqqutissaqaruilluunniit sullivimmi aqutsisuugallartoq Knud Kruse attavigineqarsinnaavoq ugguuna e-mail: knkr@airports.gl / autokang@airports.gl imaluunniit +299 48 71 50. Apeqqutit allat uunga nassiunneqassapput hr@airports.gl
Greenland Airports pillugu paasissutissat uani takusinnaavatit www.airports.gl
Qinnuteqarneq:
Atorfimmut qinnuteqarnermi qinnuteqaat, CV ilinniarsimanermullu uppernarsaatit ataani link atorlugu nassiunneqassapput kingusinnerpaamik d. 09-09-2025.
Qinnuteqqartunik oqaloqatiginninnerit ataavartumik ingerlanneqassapput.
Greenland Airports 13-ninik mittarfinnik quliminguulinnullu miffissanik 46-nik Kalaallit Nunaanni ingerlataqarpoq. 60.000 sinnerlugit qangattarnerit minnerillu suliarisarpagut kiisalu angalasunut sullissinerit 800.000-niit amerlanerit ukiumut suliarisarlutigit. 400 missaanniittunik nunatsinni suliffeqarfiit annersaasa ilaanni sulisoqarpugut, Sulisut suliffeqarfiullu ineriartortuarnissaa pillugu suliarpugut. Sullissinerit amerlasuut illinniartoqarnerlu neqeroorutigisarpagut, tassunga aamma inuiaqatigiinnut pitsaasumik ineriartuutaasarluni.
