Nunatsinni pinngortitami kusanarluinnartumi, hotelimik immikkuullarissumik avatangiiseqartumi suleqataarusuppit?
Hotel Narsarsuaq assassullaqqittumik namminersorsinnaasumillu handymandimik sulisoqartussarsiorpoq, hotelip illutaasa ulluinnarni aserfallatsaalinissaat aammalu suliassartaasa iluarsartuunnissai isumagissallugit. Atorfik saaffiginnittarfiup pisortaanik qullersaqarpoq.
Atorfik pillugu
Hotel Narsarsuaq-mi ulluinnarni ingerlatsinermi pingaarutilimmik suleqataassaaq. Suliassat assigiinngitsorpassuit ingerlattassavatit, tamannalu peqataaffigissavat, taamaasillutit unnuisartutsinnut, tikeraanut aammalu suleqatitsinnut toqqissisimatitseqataallutit, atortutigut piareersimatitsillutit aammalu tikilluaqquneqarnermik misigisaqarnissaannut peqataalluinnarlutit.
Suliassat pingaarnerit makkuussapput:
- Illuutinik, ineeqqanik, teknikkimilu atortorissaarutinik ulluinnarni aserfallatsaaliineq iluarsartuussinerlu
- Silami suliassanik aserfallatsaaliineq, ukiukkullu aputaajaanissaq
- Atortut inissinneqartarneri soorlu pequtit, saagut il.il., tikeraat sulilersulluunniit nutaat aallarnerini tikilerneranni
- Piaartumik iluarsaassinerit akornutinillu ujaasinerit
- Receptioni aamma immikkoortortallu allat suleqatiginerisigut suliffiup aalajaatsumik ingerlanissaanut qulakkeerinninneq
Ilinnut naatsorsuutigisagut makkuupput:
- Assaat atorlugit suliaqarnermi misilittagaqarneq (håndværkerfag)
- Suliffimmut ataqqinnittuuneq
- Namminersorsinnaassasutit, akisussaaffeqarluarsinnaassasutit sullissiumassuseqarlutillu
- Ulapaarfiusuni allanngorartuniluunniit aaqqissuussamik sulinissamut ikiuunnissamullu piginnaaneqassasutit
- Suliffimmut aalajaatsuunissat aammalu ikiuerusussuseqartuunissat pisariaqartinneqarfimmi ikiuulluartarnissat naatsorsuutigineqarpoq
- Kalaallisut danskisullu oqalussinnaassasutit – tuluttut piginnaasaqaruit iluaqutaassaaq, piumasaqaataanngilarli
Neqeroorutigaagut:
- Atorfik kusanarluinnartumik avatangiisilik, pissanganartoq assigiinngiiaartunillu suliaqarfiusoq
- Suleqatit pitsaasut suliffimmilu suleqatigiinneq nuannersoq peqqinnartorlu
- Akissarsiat piginnaasat aallaavigalugit isumaqatigiissutit naapertorlugit
- Inissaqarnissamut periarfissaq isumaqatigiissuteqarfigineqassaaq
- Suliffik nammineerluni aaqqissuussinissamut sunniuteqarnissamullu periarfissiisoq
Paasissutissat sukumiinerusut:
Atorfik pillugu apeqqutissaqaruit, mailikkut attavigisinnaavat: benm@airports.gl imaluunniit oqarasuaatikkut: +299 496124. Apeqqutini allanik tunngassuteqartunik Sulisoqarnermut immikkoortortaqarfimmut, HR-imut allassinnaavutit: hr@airports.gl
Qinnuteqarneq
Atorfimmut atorfininnissamut qinnuteqarniaruit, qinnuteqaatit, CV kiisalu ilinniagaqarsimanermut uppernarsaatit online-ikkut nassiunneqassapput kingusinnerpaamik ulloq 30. juni 2025.
Malugiuk: Qinnuteqaatit e-mailikkut tiguneqanngillat.
