Suliffeqarfimmi naleqartitanik anguniakkanillu pingaartitsiffiusumi aningaasaqarnermut aqutsinerup qaffasissumik pitsaassuseqarnissaanik qulakkeerinneqataarusuppit? Akisussaaffimmik, aaqqissuussinermik sulianullu aallussilluarnermik nuannarisaqarpit – aammalu Kalaallit Nunaanni aalisarnermik ingerlatsiffiusumi suliffeqarfimmik sullissinermi suleqatigiinnut nukittuunut peqataalerusuppit? Taamaappat immaqa illit tassaavoq Halibut Greenlandip aningaasaqarnermut nakkutilliisoriligassaa.
Halibut Greenland pillugu
Halibut Greenland kalaallinit suliffeqarfiutigineqarpoq nutaaliaalluni Ilulissanilu qullersaqarfeqarluni. Aalisarnerup iluani pingaarutilimmik inissisimavugut, niuernerup iluani suliffeqarfitta inerisarnissaanut anguniagartuumik sulilluta, nutaanillu periarfissanik ujartuiuarluta. Naleqartitagut qanilaarnermik, sulianut ilisimasaqassutsimik suleqatigiissinnaanermillu tunngavilersuisuupput – tamannalu ulluinnarni sulinermi suliffeqarfimmillu aqutsinermi atuuppoq.
Aningaasaqarnermut immikkoortortaq suliffeqarfimmut suliffeqarfiutinullu kiffartuussinertut ingerlavoq, ataavartumillu ingerlaatsinik, systemilersuinermik nalunaarsuinernillu pitsanngorsaalluni. Ineriartortitsineq tamanna illit pingaarnertut ilusilersuiffigeqataassavat.
Akisussaaffik suliassallu
Aningaasaqarnermut nakkutilliisutut qitiusumik naatsorsuutinut paasissutissaq nutartersimanerinut, eqqortuunerinut piviusorsiortuunerinullu qulakkeerinninnissamut akisussaaffimmik tigumminnillutit inissisimassaatit – taamattaaq qulakkiissallugu naatsorsuinerit nalimmassarneri paasissutissallu nutartertarneri nammineerlutik ingerlasinnaanissaat.
Pingaarnertut suliassatit ilaatigut ukuussapput:
- Naatsorsuinermut, nakkutilliinermut nalunaarsuinermullu akisussaaffeqarneq.
- Ingerlatsinermi- aamma aningaasaqarnermi kontonik nakkutilliineq.
- Banki, naligiissaarineq assigisaalu suliassaqarfiit naligiissarnissaat.
- Suliffeqarfiup suliffeqarfiutillu aningaasaqarnikkut inissisimanerisa naatsorsuusiornikkut suliaqarneq killiffissiornerlu.
- Kukkunersiuisumut nalunaarsuutinik paasissutissanillu piareersaaneq.
- Pisortani oqartussaaffinnut nalunaarsuutit.
- Oqartussaqarfinnik aamma avataanit suleqatigisanik suleqateqarneq.
- Suleriaatsinik aamma aningaasaqarnermi ingerlaatsinik inerisaaqataallunilu pitsanngorsaaneq.
- Suliffeqarfiup aningaasaqarnikkut anguniagaanut atuuttumik inerisaanikkut suliaqarnermi peqataaneq.
Atorfik aaqqissuussaanikkut aningaasaqarnermut pisortap ataani inissisimavoq, suliassaqarfimmik avatangiiseqarluni, matumani akisussaaffeqarlutillu oqaloqateqarsinnaassallutik.
Aningaasaqarnermut nakkutilliisussarsiorpugut:
- Aningaasaqarnermut ilinniagalimmik (soorlu HD(R), cand.merc., aningaasaqarnermut bachelor assigisaaluunniit).
- Minnerpaamik ukiut 3 misilittagaqareertuutikkusunnarpoq – taamaakkaluartoq piginnaaneqarluarneq misilittakkanit taarserneqarsinnaavoq.
- Qajannaatsumik naatsorsueriaatsinut paasisimasaqarluartoq, naligiissaanernut nakkutilliinernullu soqutigisalik.
- Qarasaasialerinermi piginnaasaqarluartumik, matumani ERP-systemimik misilittagalimmik (C5-iutikkusunnarpoq) Excelilu.
- Torersumik suleriusilik namminersorluarsinnaasorlu – pitsaassutsumut killiffissiuinermullu akisussaaffimmik tigusisinnaasoq.
- Aaqqiissutissanik nassaarsiullaqqissoq allannguiniarnermilu ingerlaatsinut ikiuutaanissamut kajumissuseqartoq.
- Kalaallisut qallunaatullu allassinnaallunilu oqalussinnaasoq – kissaatiginarluni aamma tuluttut.
Misissuillaqqipputit, attassilluartoq tutsuiginartorlu –torersumik suleriuseqarluni mikisualuillu tappiffigalugit inissisimanissat nuannaralugu. Naammagittarneq, eqqortumik sulineq suleqateqarsinnaanerlu aqqutigalugit inaarsaanissaq pingaartillugu sulianut pimoorussisinissamut sapersaatiginngilat.
Uku pissarsiarissavatit:
- Suliffeqarfik najugarisami ineriartortitseqataanissamik pingaartitsisoq ersarissunillu anguniagalik peqataaffigalugu.
- Suleqatit ilakkuminartut suleqatigiilluartullu sulianut pikkoriffillit kiffaanngissuseqarlutillu akisussaaffimmi ingerlatsisut.
- Aningaasarsiat atugassarititallu pilerinartut atorfimmi akisussaaffimmut illillu piginnaasannut nalimmassakkat.
- Ilulissani inimi neqeroorfigitinnissaq periarfissaavoq, nutsernermi pisattat assartorneri avataaniillu nuunnermi angalaneq ilaalluni.
- Suliffik Ilulissani pingortitagissaartumi inissisimasoq – taamaattoq aaqqiissutissatut maannamut najugarisarniik sulinissaq periarfissaavoq, pisariaqartillugu najuukkiartortarnissamik ilallugu.
Qinnuteqarneq atorfinitsotsiniarnerullu ingerlarnga
Atorfinitsitsiniarneq Thomsen Consulting-imit ingerlanneqarpoq. Halibut Greenland atorfinittussamik eqqortumik nassaarnissamut utaqqisinnaavoq, ataavartumillu oqaloqatiginninnerit ingerlatissavagut.
Atorfinitsitsiniarnermut tunngasumik apeqqutissaqaruit Niels Thomsen attavigisinnaavat uunga +299 586636 / +45 5432 8408 imaluunniit niels@thomsen.gl.
Atorfimmut tunngatillugu aalajangersimasunik apeqqutissaqaruit Aningaasaqarnermut pisortaq Bella Thomsen attavigisinnaavat uunga +299 555700 imaluunniit bet@halibut.gl.
