Debitorinut tunngasunik suliaqarnissannut soqutiginnippit aammalu debitorimik immikkoortortami suliassanik assigiinngitsunik iluaqutissartalimmik ikiuuttarlutit, aammalu ullormut suliassat assigiinngitsut assigiinngitsorpassuit suliarinissaanut tunniusimallut suliarisarnissaanut soqutiginnippit? Taava immaqa illiuvoq suleqatigilernissannut ujartugarput.
Ulluinnarni suliassat ingerlatsinermi aammalu ineriartortitsinermik suliassat suliarineqartassapput.
Debitorip immikkoortortaani suleqatigiit sisamaapput, immikkoortortamilu aqutsisoq (Teamleder) qaninnertut qullersarissavat. Taassumallu iluani periarfissarpassuit assigiinngitsut atorfimmut attuumassuteqartut periarfissaassapput.
Suliassatit makkuussapput:
Greenland Airports – Mittarfeqarfiit A/S debitorimik immikkoortortaqarfiani fakturanik aammalu qulakkeerinneqataasassaatit aningaasanik isertussanik sullisseqataassaatit.
Debitorip immikkoortortaqarfiani tunngaviatigut suliassat makkuupput:
- Sullitanut akiliisitsiniarnerit
- Akilerneqartunik nalunaarsuineq
- Kontot nikerarnerinik, akileeqqusissutinik aammalu rentiinik nassiussuinerit
- Sullitat saaffiginnissutaannut akiortuinerit
- Debitorimut immikkoortortaqarfimmi naligiisitsiniarnerit aammalu debitorip bankianut afstemmerinerit
- Finansimodulimut debitorimoduli afstemmertillugu
- Debitorimut immikkoortortaqarfiani ataavartuimik suliaqarnerit tassanilu ilaallutik qaangiuttoorsimasunik qanganitsersimasunillu listeliornerit
Sulilertussamut tulluartumut makkua naatsorsuutigaagut:
- Atorfimmut tulluartumik ilinniagaqarsimanissaq, assersuutigalugu TNI, AU imaluunniit aningaasaqarnermut ilinniagaqarsimanissaq
- Excel-imut misilittagaqarneq, – Dynamics365-imut datalerinermullu aamma ilisimasaqarnenissaq
- Suliffeqarfimmi allami bogholderitut sulisimanermut misilittagaqarneq
- Kisimiilluni suliaqarsinnaaneq aammalu peqqissaartumik suliaqarsinnaanermik piginnaasaqarneq
- Suleqateqallaqqissuuneq, suleqatit peqatigalugit kivitseqataasinnaaneq, ataqqinninneq aammalu tunniusimalluni suleqatillu peqatigalugit angusassanik anguniagaqarneq
- Suliassanut unammillernarsinnaasunut suliffeqarfimmullu tunngasunik ajunngitsumik siunertaqarluni suliaqarsinnaaneq
Isumannaallisaanermut akuerineqarnissaq:
Atorfimmut qinnuteqarniaraanni piumasaqaataavoq pinerluuteqarsimanermut nalunaarsuiffimmit uppernarsaateqarnissaq. Tamanna najukkami politiinit pissarsiarineqarsinnaavoq imaluunniit www.sullssivik.gl aqqutigalugu aaneqarsinnaalluni.
Atorfeqartitaanermut atungassarititaasut:
Atorfik una eqqartorneqartoq pissanganarluinnartuuvoq aammalu ineriartornissamut periarfissaqarpassuaqarluni.
Aningaasarsiat sulisitsisoq aammalu sulilersussap akunnerminni isumaqatigiissutigissavaat, atorfimmut tulluartunik akissarsiassaqassalluni, taassumallu saniatigut feriet feriemut isumaqatigiissutit malillugit ingerlanneqartassallutik. Sapaatip akunneranut 40 tiimit suliffiusassaaq.
Atorfik neqeroorutigineqartoq pissanganarluinnartuuvoq aammalu nunatsinni suliffeqarfimmi pingaaruteqarluinnartumi atorfiulluni, tassalu suleqaterpassuit suleqatigiippassuillu suliffeqarfiup iluani immikkoortortat akimorlugit suleqatigiilluarfiusumi atorfiulluni. Greenland Airports – Mittarfeqarfiit A/S-iit iluani ulluinnarni ulapaarfiusumi aammalu pissanganarluinnartumi suleqataaffiusumi suleqataassaatit, tassani suleqatigiiaat pikkorissut aammalu imminnut atalluinnartut suleqatigissallugit.
Atorfimmut atatillugu inissaq:
Atorfimmut atatillugu inimik atukkiussisoqarsinnaanngilaq.
Paasisaqarnerorusukkuit:
Atorfik pillugu apeqqutissaqaruit Controller & debitor teamleader Karen Lyberth-Olsen-ip oqarasuaataanut tlf. +299 38 43 69 sianerlutit apeqquteqarsinnaavutit.
Apeqqutit allat HR-imut apeqqutigisinnaavatit uunga mailimut HR@airports.gl
Qinnuteqarnissaq:
Atorfimmut innersuunneqassagaanni qinnuteqaat aammalu CV, link-imut ataaniittumut kingusinnerpaamik 27. oktober 2025 nallertinnagu nassiunneqassooq
Eqqaamallugu: Qinnuteqaatit mailikkoorut tinguneq ajorpagut
Saaffiginnissutit tamaasa isertortumik ingerlatissavagut, kiisalu qinnuteqaatit ataavartumik ingerlanneqassapput.
Greenland Airports – Mittarfeqarfiit pillugit paasissutissat uani atuarsinnaavatit:
https://airports.gl/om-os/
