Illuutinik suliaqarnissamut soqutiginnippit? – allaffimmi aammalu allaffiup avataani?
Greenland Airports-imi suleqatissatsinnik ujartuivugut, teknikkip tungaatigut paasisimasaqarluartumik sunniuteqarluarnissamullu piumassuseqartumik. Suleqatigiinnermut pingaarutilimmik suleqataassaatit, tassani ikioqatigiittarpugut, akisussaaffeqarluartuuvugut, aammalu illuutitta pitsaasuunissaannik aallussilluartuulluta - torersumik suleriaaseqarluta.
Atorfiup suut imarivai?
Illuutinik suliaqarnermut suleqatigiinnut ilanngutissaatit, tassani iluarsartuussineq aamma ineriartortitsineq suliarissavatit. Suliassavit ilai makkuussapput:
- Illuutit qanoq innerinik nalunaarusiorneq – sumiiffinni aamma digitalikkut
- Suleqatitit qanimut peqatigalugit iluarsartuussinermut pilersaarusiornerlu
- Revit atorlugu ulluutinut paasissutissanik nutarterineq aammalu ilusilersuineq
- VVS-imut aammalu ikkussuinermut immikkut teknikkemut ilisimasatit atorlugit tapersersuineq
- Sanaartornermi suliaqarnermi – angisuuni minnerusunilu peqataaneq
- Nunatsinni mittarfinnut illuutinilu assigiinngitsunut angalasarnissaq – pissanganartumik aamma pissusissamisoortumik suliatigut ilaavoq.
- Illuutinik nalunaarusiornerup saniatigut, mittarfiit alapernaallugit misissorlugillu aammalu taakkununnga atassuteqartunik suliaqarnermik peqataaneq.
Ulluni assigiinngiiaartuni, sunniuteqaqataanissamut periarfissaqarluartumik aammalu qarasarsorluni assassorlunilu suleriaaseqarnissamut periarfissaqartalik.
Kinaavit?
Suliassanut tamanut akissutissaqarsinnaanissat naatsorsuutigineqanngilaq – pingaartuuvorli ilikkagaqarnissamut piumassuseqarlutit soqutiginnittuusutit. Uagut kissaatigaarput illit makkua piginnaasaqarfigingitit:
- Illuutinik teknikkemut (byggeteknik) tunngasunik ilinniagaqarsimanissat – soorlu illuliornermi siunnersorti, installatøri imaluunniit ingeniøri
- Revit-imik assingusumilluunniit atortunik misilittagaqartuunissat
- VVS imaluunniit ikkussuinermi suliassat pillugit ilisimasaqarneq imaluunniit soqutiginninneq
- Pimoorussillutillu akisussaaffeqarsinnaassaatit aammalu aaqqissuussamik suleriaaseqartuussaatit
- Ullunik allanngorartunik piumassuseqarlutit tunniussimasuussasutit aammalu angalasarnissaq pisariaqavissortillugu piareersimaffigineqassaaq
Suleqatigiinni ikiuukkumatuuni aammalu nunami tunngaqqissaartuni suleqatigiinni suleqateqalissaatit, tassani pingaartilluinnarparput piginnaasat suleqatigiilluarsinnaanerlu.
Suna uatsinniit naatsorsuutigisinnaaviuk?
- Suleqatigiinneq ataqqeqatigiinneq aammalu torersumik suliffeqarfimmik ingerlatsineq
- Suleqatigiinneq ikioqatigiilluarsinnaanerlu, ataatsimoorluta kivitseqatigiinneq ilisimasanillu avitseqatigiinneq pingaartitaraarput
- Sulinermi ineriartornissamut periarfissaqarluarpoq – ineriartortinneqarnissannut tapersersussavatsigit
- Aqutsisut akisussaaffimmik tunniussisinnaasut – aammalu illit akisussaaffimmik tigusisinnaanissat naatsorsuutigineqarpoq
- Atortut digitaliusut nutaaliaasut aammalu immikkut ilisimasallinniit tapersersorluarneqarneq
- Ullut tamarmik isumallit – illuutit aammalu mittarfiit nunarput ataqatigiilersippaat
Sillimaniarnermi akuerisaaneq
Suliffimmi atorfinissaguit piumasaqaataavoq sillimaniarnermi akuerisaasinnaanissat.
Taamaattumik pinerluttulerinermi nalunaarsuiffimmit takussutissiaq ilanngullugu nassiutissavat. Taanna najukkanni politiini imaluunniit www.sullissivik.gl aqqutigalugu pissarsiarisinnaavat.
Paasissutissanik annertunerusunik pissarsigit
Atorfik pillugu annertunerusunik paasisaqarusukkuit apeqqutissaqaruilluunniit Sanarfinermut pisortaq Erneeraq Zeeb e-mailikkut frz@airports.gl imaluunniit oqarasuaatikkut +299 34 17 14 attaviginissaanut tikilluaqqusaavutit.
Apeqqutit tamanut tunnganerusut pillugit HR-imi immikkoortortaqarfimmut nassiunneqassapput: HR@airports.gl
Qinnuteqaat
Atorfinitsitsiniarnermi eqqarsaatigineqartunut ilaassaguit qinnuteqaatit, cv ilinniarnermilu uppernarsaatit kingusinnerpaamik 04-06-2025 nassiutissavatit.
Qinnuteqaatit Emalikkut takkuttut tiguneq ajorpagut.
Uagut pilluta - Greenland Airports
Greenland Airports Namminersorlutik Oqartussat ataani suliffeqarfiuvoq 13-nik mittarfinnik aammalu 46-nik heliportinut miffigineqarsinnaasunik ingerlataqartuulluta. Suliffeqarfimmi sulisut 400-t missaat ingerlatsinermut ineriartortitsinernullu suliaqartuupput – ikiuerusussuseqartuuneq, sapiissuseqartuuneq, tunniussimasuuneq peqqissaartuunerlu aalajangersimasumik toqqammavigivagut.
www.airports.gl aqqutigalugu paasisaqarnerugit.
