Timersoqatigiit Kattuffiat nukittuumik suliniummut suleqatigiiaallu akornanni suleqataalluarsinnaasumik ernereernermi sulinngiffeqartumut taartissarsiorpoq, taanna aaqqissukkami akimut qitiusumik suliniuteqarpoq GAME GREENLAND-ip suliniutiginerani aqutsineq, Maligassiuisut Show-i kiisalu attaveqaqatigiinnermut sulianik akisussaaneq.
Piffissaq: Apriilip 1-aniit 2026 - maajip 1-anut 2027
Suliffik: Isumaqatigiinnerup kingorna (Kalaallit Nunaanni angalaneq naatsorsuutigineqassaaq)
Atorfinitsineriaaseq: Piffissaligaasumik piffissaq tamakkerlugu suliffik
Piginnaatitaaffitit pingaarnertullu suliassatit
1) Suliniummi aqutsineq - GAME Greenland
- Pilersaarusiorneq, nassiussuinermut tunngatillugu aqutsisoq, angusat, missingersuutit peratarsinnaasullu malitseqartitsiffigalugit.
- Suleqatigisat kommunillu akimorlugit aaqqissuussisoq - matumani nammineq kajumissutsimik suliaqartut inuusuttullu maligassiuisut ilanngullugit.
- Sammisassat ingerlanneqarnissaat qulakkeerlugu (sungiusarnerit, aaqqissuussat, ilinniarnerit il. il.) ingerlaavartumillu ilinniarneq/sunniutinik uuttuussat.
- Aqutsisoqatigiinnut siulersuisunullu killiffinnut aalajangiinernullu tunngatillugu saqqummiussassat suliaralugit.
- Kalaallisut attaveqaqatigiinneq atorneqarnerumasarpoq.
2) Attaveqaqatigiinneq
- Attaveqaatit akimorlugit ullorsiutit, nutaarsiassanik allagaqaasiorneq aammalu inuit attaveqaqatigiittarfiini (allanneq, assit, immiussat naatsut) ingerlallugit.
- Tusagassiutinut attaveqaatinullu tunngatillugu suliassat: Samminninneq, tusagassiutinut nalunaarutit, oqaaseqartartunik avitseqateqarneq il. il.
- Suliffeqarfiup ilisarnaataanik oqaatsinillu atuinerup assigiiaarnissaat qulakkeerlugu aammalu inernerit aallaavigalugit takussutissaliorneq (case-t, paasissutissat piviusut allattorsimaffiat, oqaluttuat).
- Ilaasortanut kattuffinnullu pikkorissartitsisarnernik ingerlatsineq.
3) Maligassiuisut show - suliniummik pilersitsinermillu ataqatigiissaarineq
- Piffissat pilersaarusiarineqartunik, missingersuutinik tunniussisusanut tunngatillugu tamakkiisumik isiginninnermik ingerlatsineq (sumiiffik, teknikki, aaqqissuussap ingerlannera (run-of-show), nersornaasiinerit).
- Suleqatigisat, aningaasaliisut, ingerlatsisut namminerlu kajumissutsimik suliaqartut suleqatigalugit kiisalu aaqqissuussaq sioqqullugu/ingerlanerani/kingornalu saqqumilaartuussasoq qulakkiissallugu.
- Pilersaarusiorneq, malittarisassat, paasissutissat allattorsimaneri (briefpakker) atortussallu allat suliaralugit.
4) Suleqatigiinni "Amerlanerit aalanerulersillugit"-ni aqutsisoq
- Suliassaqarfiit akimorlugit suleqatigiiaat ikitsut ersarissunik anguniagaqartut, pingaarnersiuisut malitseqartitsisullu aqullugit.
- Suleqatinik/aallartitanik suliassaqarfiit sumiiffiillu akimorlugit piginnaasanik pitsanngorsaaneq avitseqateqarnerlu.
- Suliniutit, paasissutissat/paasisat attaveqaqatigiinnerlu ataqatigiinnissaat qulakkeerlugit, taamaasilluta amerlanerusunik isumalimmik aalatilissavagut.
Kinaavit?
- Suliniummi aqutsisoq nukittooq amerlasuunik suleqateqarnermik takussutissalimmik misilittagalik – timersornerup iluani, kulturilerinermi, aaqqissuussani inuiaqatigiinnilu misilittagaqaruit pitsaassaaq.
- Attaveqaat amerlasuunik ingerlatsiviusumi pisariitsunngortitsisinnaasoq, nutaarsiassanik, attaveqaatinik inuillu attaveqaqatigiittarfiinik suliaqarluarsinnaasoq.
- Aaqqissuussanik/pilersitsinernik sungiusimasaqartoq, ulapaarfinni aaqqissugaasumik eqqissisimasumillu suleriusilik (piffissaliussat, aaqqissukkat piffissaat, ullormi allannguutit).
- Office 365/Teams/Planner sungiusimalluaritit; assinik/immiussanik allannguilaarsinnaanernik misilittagaqaruit pitsaasuussaaq.
- Oqaatsit: Kalaallisut tamakkiisumik oqalussinnaallutillu allassinnaassaatit, kisianni aamma iluaqutaassaqaaq danskisut tuluttullu oqalussinnaaguit allassinnaaguillu.
Neqeroorutigaavut
- Suliaqarfik pingaarutilik, timersorneq ataatsimoornerillu aqqutigalugit meeqqanut inuusuttunullu allanngueqataaffigisassat.
- Sukkasuumik suleriuseqarneq, suliaqarnissamut annertuumik kiffaanngissuseqarneq suleqatillu suliamut uummateqarlutik tunniusimasut.
- Game Greenland, Maligassiuisut aamma "Amerlanerit aalanerulersillugit" ersarissumik sunniuteqarfigisinnaavatit.
- Akissarsianut pissutsinullu tunngatillugu piginnaasatit aallaavigalugit isumaqatigiissutillu atuuttut naapertorlugit akissarsiaqassaatit.
Ima qinnuteqassaatit
Kajumissuseqarlutit qinnuteqaasiorit suliffigisimasavillu allattorsimaffii (CV) ataatsimoorlugit PDF-inngorlugit nassiukkit qulequtserlugu "Ernereernermi sulinngiffeqartumut taarti – Suliniummi siunnersorti".
Qinnuteqarnissamut piffissaliussap killinga: 28.02.26.
Aallartinnissamut piffissaq naatsorsuutigineqartoq Apriilip (1) aallaqqaataa 2026.
Attavissaq: Ineriartornermut attaveqaqatigiinnermullu pisortaq Poul Petersen, oqar. 348159, mail poul@gif.gl – atorfik pillugu apeqqutinut pisortatigoortuunngitsunut attaveqarfissaq.
