CNS-kiffartuussivimmi Greenland Airports-imi aqutsisussarsiorpoq
Teknikeriuit, elektronikmekaniker-iuit, elektronikfagtekniker-iuit imaluunniit teletekniker-iuit aammalu ulapaarfinni takunnissinnaallutit? Peqatigitillugulu isumassarsillaqqissuuit namminersorsinnaallutillu ajornartorsiutinik aaqqiisinnaallutit, taava Nuummi CNS-kiffartuussivimmi (Communication, Navigation & Surveillance) aqutsisutut atorfinissinnaavutit.
Suliassatit:
Immikkoortortaqarfiuvoq sulisutigut eqaatsumik ingerlatsiviusoq, CNS-teknikerinik qulinik sulisoqarluni. Suleqatigiitsialaavugut suleqatigiilluarlutalu. Suliaq inuussutissarsiornikkut inuttullu unammillernartuuvoq, immikkoortortaqarfimmilu aqutsisutut suliassatit ilaatigut makkuussapput:
- Nuummi CNS-værkstedimik aqutsineq
- CNS-kiffartuussivimmut D&V-håndboginik suliarinninneq aserfallatsaaliinerlu kiisalu CNS-imut tunngatillugu suliniutinut nutaanut peqataaneq atuutilersitsinerlu
- CNS-atortut ingerlatsinerinut aserfallatsaaliinernullu peqataaneq – CNS-teknikerit allat assigalugit
- CNS-anlæg/systemit nutaat ikkussuunnissaannut atuutilersinnissaannullu peqataaneq
- Mittarfinni atortunik soorlu localizerinik, radiofyrinik, radar-inik, VHF sender/modtagerinik, security-atortunik kiisalu napparsimasunik atortunik allanik nassaarinninneq iluarsaassinerlu
- Aqutsisoq CNS-kiffartuussiviup pisortaanut sinniisuuvoq kiisalu BL-ansvarlig-iulluni aaqqissuussinermut pilersaarut naapertorlugu (Bestemmelse for civilluftfart)
- Suliassat naammassiniarlugit angalasarnissaq naatsorsuutigineqassaaq
Piginnaasatit:
Atorfimmut piukkunnartoq naleqquttumik ilinniagaqarsimassaaq, soorlu elektronikteknikeritut, elektronikmekanikeritut, fagteknikeritut imaluunniit teleteknikeritut. Aamma aaqqissuussilluarsinnaanissaq, suleqatigiillaqqinnissaq aammalu inuit allat pitsaasumik attaveqarfigisinnaanissaat pingaaruteqarput. Tamatuma saniatigut naatsorsuutigaarput illit:
- CNS-miljømik ilisimasaqartutit
- Aqutsinermik piginnaasaqartutit
- VHF sender/modtagerinik, HF-teknikimik aammalu transmissionslinerinik misilittagaqartutit
- Danskisut tuluttullu oqalussinnaallutillu allassinnaasutit
- Biilersinnaanermut allagartaqartutit
- Politiinit isumannaallisaanikkut akuersissummik pissarsisinnaasutit
Mittarfeqarfiit neqeroorutai:
Greenland Airports-imi CNS-kiffartuussivik sisamanik værkstedilik Nuummi, Kangerlussuarmi, Ilulissani kiisalu Qaqortumi inissisimavoq. Greenland Airports-ip mittarfiini 13-ini aammalu qulimiguulinnut mittarfimmi ataatsimi teletekniskimik atortunik akisussaaffeqarpugut, immikkoortortaqarfiillu akornanni suleqatigiinneq iluaqutigalugu.
Kiffartuussiviup pingaarnertut suliassaraa Greenland Airports-ip atortuinik isumannaatsumik aammalu sunniuteqarluartumik ingerlatsinissaq, taamaalilluni ICAO-p aammalu Trafikstyrelsip malittarisassai eqquutsinneqarlutik. Tamanna tulluusimaarutigaarput, Kalaallit Nunaanni timmisartuussinermi isumannaallisaanermut peqataagatta.
Atorfinitsitaanermi atugassarititaasut:
Atorfinitsitsineq immikkut isumaqatigiissuteqarnikkut pissaaq, ilaatigut makku ilanngullugit:
- Atorfininnermi soraarnermilu akeqanngitsumik angalaneq kiisalu pequtit nuunneqarneri malittarisassat atuuttut naapertorlugit
- Ukiumoortumik sulinngiffeqarnermi angalanermut tapeq malittarisassat atuuttut naapertorlugit
- Sapaatip akunneranut akunnerit suliffiusartut agguaqatigiissillugit 40 tiimiupput
Paasissutissat amerlanerit:
Atorfik pillugu apeqqutissaqaruit attaveqarfigisinnaavat Niels Erik Petersen oqarasuaatikkut +299 382670 imaluunniit e-mailikkut niep@airports.gl. Aamma Greenland Airports pillugu paasissutissanik amerlanerusunik nassaassaqarsinnaavoq nittartakkami:
Greenland Airports
Soqutiginnippit?
Taava qinnuteqaatit, CV-it kiisalu ilinniarsimanermut uppernarsaatit linki ataaniittoq aqqutigalugu tigunissaat qilanaaraarput kingusinnerpaamik ulloq 15.06.2026.
