Inatsisit malillugit ilinniartitaanikkut pisussaaffigalugu allaffissornikkut ataqatigiissaarisuullunilu ilitsersuisumik
Inatsisit malillugit inuttut sulinermi aaqqissuulluakkamik aamma tunniusimalluartumik ilinniartitaanikkut pisussaaffigalugu allaffissornikkut ataqatigiissaarisuullunilu ilitsersuisumik Greenland Airportsimi sulisussamik pissarsiorpugut. Atorfik ersarivissumik allaffissornikkut pingaarnerusortaqarpoq, tamannalu ilutigalugu HR-mik immikkoortortaqarfik qanimut suleqatigineqassaaq. Qitiusutut inissisimaninni qulakkeerniassavat, inatsisit malillugit ilinniartitaanivut eqqortumik pilersaarusiugaasut, uppernarsarneqarlutik aamma naammassillugit ingerlanneqarsimanissaat isumagissallugit – aamma isumagissavat issiaviit marluusut akornanni nakkartoqannginnissaa (issiavik ataatsimiittarfimmiittoq tunorlerpaaq aamma pineqarpoq).
Atorfik pillugu
Inatsisit malillugit ilinniartitaanerit pikorissartitsinerillu ataqatigiissaassavatit, pilersaarusiorlugit aamma allaffissornikkut isumagalugit tamannalu suliffeqarfissuaq akimorlugu isumagissavat.
Tamanna ilutigalugu ilaatigut inatsisit pioreersut aamma pitsaassutsimut atuutsinneqartut eqqortinneqarnissaat qulakkeerniartussaavatit, suliffeqarfitta aaqqissuussaanerani ilinniartitaanermut atortussiat pigineqartut ingerlaavartumik nutartertassavatit nakkutigalugillu.
Suliassap aamma ilagivaa inatsisit najoqqutaralugit pikkorissaanissat e-læringikkut aaqqissuussinitsinni pigisavut inerisarlugillu aserfallatsaaliisoqarnissaa isumagissallugit, aamma ilanngullugu HR suleqatigalugu pilersaarusiornermut, ilinniartitaanikkut ulloqarnissanut naliliinermut tapitartuussallutit. Tamakkua saniatigut HR-immikkoortortaqarfianut allaffissornikkut ikorfartuissaatit suliassanut attuumasunut tunngatillugu.
Atorfimmuttaaq ilaapput inatsisit malillugit pisussaaffigalugu pikkorissartitsilluni atuartitsinissat, kisianni atorfimmi suliassartavia tassaanerulluni ataqatigiissaarinissaq aamma allaffissornissaq.
Illit ilisarnaatit
Takorloorparput, illit nuannarissagit aaqqissukkamik sulinissat, tamakkerlugu isiginninneq aamma aaqqissukkamik suliaqarnissaq, aamma naatsorsuutigaarput qajannaatsumik allaffissornermut paasinnittaaseqartutit. Inatsisitigut piumasaqaatinik uppernarsaanissamullu suliaqarnissat soqutiginnillutit nuannarivat aamma nuannarivat qulakkiissallugu, pisut ingerlaatsillu eqqortumik nalunaarsugaanissaat, nutartertuarnissaat aamma malinnaavigeqqissaarnissaat.
Ilinniartitaanikkut ingerlaatsinut ataqatigiissaarinermut allaffissornermullu misilittagaqarluarputit aamma IT-lerinikkut ajornartorsiutiginagu suliaqarsinnaavutit – ajornanngippat Excel-ikkut digital-ikkullu ilikkariaatsini misilittagaqarluarlutit. Ilitsersuisutut atuunnissat ajorinngilat aamma atorfimmut tunngatillugu angalasarnissat ajorinagu. Atuartitsinermik akunniliullunilu sulissussinermik misilittagaqaruit pitsaaqutaavoq, kisianni piumasaqaataanani.
Kalaallisut oqalussinnaavutit aamma qallunaatut tuluttullu pisinnaavutit. Mittarfeqarnikkut ingerlatsinermik misilittagaqareersimanissaq pitsaaqutaavoq, kisianni piumasaqaataanngilaq – alapernaarsuineq nutaanillu malittarisassaqalertillugu paasinnissinnaanermut piginnaasaqarneq minnerpaamik assiganik pingaartinneqarpoq.
Neqeroorutigaarput
Atorfik tamatigoortoq ersarissumik allaffissornikkut akisussaaffittalimmik imaqarluni aamma inuttut ilinniarsimassutsikkullu inerisarnissamik periarfissaqarluni. Suliffeqarfimmi peqataalissaatit suleqatigiinneq, atugarissaarneq pitsaassuserlu ukkatarissallugit – aamma illit suliaqarlutit iliuutsitit toqqaannartumik sunniuteqassallutik isumannaallisaanermut, eqqortitsinermut aamma ulluinnarni ingerlatsineq ingerlalluartoq ukkataralugit. Atorfeqarnermut atugassarititanik pitsaasunik neqerooruteqarput suliffeqarfippummi inuiaqatigiinnut pingaarutilimmik akisussaalluni inissisimammat.
Qinnuteqaatit uagutsinnut nassiuguk
Atorfinissaguit qinnuteqaatit, CV-it aamma ilinniartitaanikkut uppernarsaateqaruit uunga toortagassaq toorlugu toqqaannartumik nassiussinnaavatit kingusinnerpaamik januarip 27-ani 2026. Maluginiassavat mail-ikkut qinnuteqaatinik tigusineq ajoratta.
Atorfimmut apeqqutissaqaruit, tikilluaqquneqarputit HR-mi aqutsisoq Kasper Berthelsen attavigissallugu uunga kasper@airports.gl
Apeqqutit naliginnaanerusut HR-mik immikkoortortaqarfimmut apeqqutigineqarsinnaapput uunga hr@airports.gl
Qilanaarpugut tusarfigissallutit!
