Nunat tamalaat akornanni pissanganartumik avatangiiseqarlutit suliffissamik ujaasivit? Taava Greenland Airports Kangerlussuarmi suliffissaq ilinnoorpoq. Greenland Airports Kangerlussuaq Airport briefing officer-imik piaartumik sulilersinnaasumik isumaqatigiissuteqarnikkulluunniit sulilersinnaasumik pissarsiorpoq.
Suliassat
Sumiiffinni assigiinngiiaartuni pissanganartunik suliaqartassaatit, soorlu makkuusut:
- 20/20-mi timmisartuussinermut nalunaarsukkanik piareersaaneq.
- ingerlatsinermut najoqqutassianik iluarsaassineq.
- immersugassanik Pilot-inut notam-imik ilitsersuinerit, aammalu ingerlatsinermi silassamillu nalunaarutinik ingerlatitseqqiineq.
- timmisartuussinerit pilersaarutit malillugit ingerlanissaat misissortarlugit.
- akitsuutilinnik akitsuutilersuineq, gebyr-ilersuinerit malittarisassat malillugit sullitanullu sullissineq.
- ulapaarfiunerpaartaani (maj-september) charter-inik timmisartuussinernut ikiuinerit.
- nunattalu avataaniit timmisartuussinerit suliaralugit.
- ilaasut assigiinngitsunik sullisitassaappata sullillugit soorlu makkuusut check-in, bording-ertitsinerillu.
- sullissinerit allat, soorlu isumannaallisaanermut (security) tunngasut ilanngunneqassappata.
Piginnaasat
- Silaannakkut angallannermut tunngasunik ilisimasaqarneq iluaqutaasinnaavoq kisianni piumasaqaataanngilaq.
- Qularnaatsuusutit pitsaasumik assigiinngitsunut isiginnittaaseqartutit suliffimmut, akunnernullu suliffiusunut.
- Oqaatsinut piumasaqaat: Kalaallisut qallunaatut Tuluttullu oqalussinnaasutit, (Pitsaasumik Tuluttut allassinnaallutillu oqalussinnaasutit).
Greenland Airports-imiik neqeroorutigaavut
Suliffeqarfik pissanganartoq ineriartortorlu, suleqatigiilluarnissamik ataqatingiilluarnissamillu suliffeqarfik pingaartitsisoq.
Isumannaallisaaneq paasissutissallu sukumiisut
Sulisinnaassanguit isumannaallisaanermut akuerisaaqqaartariaqarputit. Taamaattumik inatsisinik unioqqutitsisimannginnermut uppernarsaat ilanngullugu qinnuteqarnerni nassiutissavat, taanna najugarisanni Politeeqarfimmut piniarsinnaavat.
Sulilertitsinermi malittarisassat
Sulilertitsineq atorfinitsitaanermi malittarisassat malinneqassapput. Sulilerneq isumaqatigiinnikkut pissaaq.
- Angalanermut akiliunneqarneq Kangerlussuarmut suliartornermi, kangerlussuarmiillu angerlaqqinnermi.
- Pisattanik angallassinermi ajunngitsorsiat malittarisassat malillugit.
- Sulinngiffeqarnermi angalanermut akiliunneqarneq, atorfininnermi isumaqatigissutit malillugit.
- Sulinermi inissaqartitsineq, malittarisassat malillugit.
- Sapaatip akunneranut 40 tiimit suliffiupput, ullut suliffiit nikerartut, akunnerup naanerani nalliuttunilu suliffiit ilanngullugit.
- Isumaqatigiissutit malillugit piaartumik atorfinitsitsineq.
Paasisaqarnerorusukkuit
Atorfimmut tunngatillugu paasisaqarnerorusukkuit apeqqutissaqaruilluunnit, ulluinnarni aqutsisoq Cicilie Goliathsen attavigisinnaavat uunga: Mobil: +299 52 42 27 mail: cego@airports.gl imaluunniit allaffissornermi pisortaq Tage Johansen oqarasuaat: +299 38 18 28 mail: tjo@airports.gl
Sukumiinerusumik apeqqutissaqaruit HR Immikkoortortaqarfik aperisinnaavat uunga mail: hr@airports.gl
Paasissutissat Greenland Airports/Mittarfeqarfiit tunngasut uani nittartakkami takusinnaavatit: www.airports.gl
Soqutiginnippit?
Taava qinnuteqaativit takunissaanut qilanaarpugut, CV ilinniarsimanermullu uppernarsaatit ilanngullugit ataani tuungassaq toorlugu nassiutissavatit kingusinnerpaamik ulloq 13.03.2026
Mittarfeqarfiit, Greenland Airports-illu mittarfiit 13-it Heliport-illu 46-rut Nunarput tamakkerlugu ingerlatarivai. Mitsitsinerit aallartitsinerillu 60.000-it, sullittarlugillu 350.000-init amerlanerusut ukiumut katillugit sullittarpagut.
Sulisut 400 missaanniipput, nunatsinni suliffeqarfinnut anginerpaanut ilaavugut, sulisugut suliffeqarfiullu ineriartortuaannarnissaat sulissutigiuaannarparput. Ilinniaqqinnerit pikkorissaqqinnerillu aamma neqeroorutigiuarpagut, inuiaqatigiinnut ineriartortitsinermik pitsaasumik peqataarusukkatta.
