Aasaanerani Samsø-mi sulerusuppit? – tassani ikinngutit peqatigalugu aasarsiortarfinni eqqiaasuusinnaavutit
Samsø-mi akissarsiaqarluartumik namminersortumilu suliffik!
Immaqa sulinngiffeqarlutit angalanissamut katerserusupputit? Immaqaluunniit ulluinnarni saniatigut aningaasanik pisariaqartitsivutit?
Taava attavigisigut!
Inuk ujartugarput tassaavoq suliffimmik akisussaassuseqarluartumik sulerusussusilik, peqqissaartoq annikitsualunnillu tappissoq.
Aasarsiortarfimmi atuisussat qaffasissumik pitsaassusilimmik naammagisimaarinnittariaqarmata, taamaattumik aasarsiortarfiit eqqiluisaarnikkut pitsaassusiat qaffasinnerpaamiittariaqarpoq.
Feriepartner Samsø-mi ulluinnarni kiffartuussisutut pingaarutilimmik inissisimassaatit, aasaanerani sulinngiffeqarlutik ineqartut pitsaasumik sulinngiffeqarnissaat qulakkeerniarlugu.
Taamaalillutit Samsø tamakkerlugu feeriartarfitsinnik nakkutilliineq, sullissineq eqqiaanerlu aqqutigalugit aaqqissuussaanitsinni qitiusumik inissisimassaatit.
Neqeroorutigaavut:
- Akissarsiassat soqutiginartut aammalu ingerlaarfimi annertuumik ingerlaartaraanni saniatigut akissarsiassat. Nammineq biileqaruit pitsaaqutaassaaq, kisianni ikiuussinnaavugut. Biilernermut allagartaqarnissaq piumasaqaataavoq.
- Sulilernermi ilitsersuunneqarnissat isumagissavarput, illut feeriartarfiit eqqiartagassatit tigunnginnerini. Taamaattumik misilittagaqarnissaq piumasaqaataanngilaq.
- Kisimiillutit imaluunniit suleqateqarlutit sulisinnaavutit, ikinnguteqaruit nalunngisaqaruilluunniit ataatsimoorlusi qinnuteqarsinnaavusi.
- Ullunik suliffissarnik aaliangeeqataasarsinnaavutit. Sapaatillu akunnerata naanerani sulisarnissat naatsorsuutigissavat.
- Avatangiisinut mingutsitsinngitsumik eqqiaaneq sulisunut unnuisarfinnullu iluaqutaasussaq.
Sulineq akunnerni 10-15 tiiminik sivisussuseqartassaaq, ullut suliffiusut sap.akunnerata naanerani pisassapput. Taamaattumik inuusoqatitit allat sulinngiffeqaqatinginissaanut ulluinnarni nammineq aaliangikkanni sulinngiffeqartarsinnaavutit. Periarfissaavoq aamma eqqiaasuunerup saniatigut allamik suliffeqarsinnaaneq, tamassuminnga Samsø-mut tikikkuit suliffissarsiorninni ikiorsinnaavatsigit.
Ineqarneq akissarsiaqarnerlu:
Inissamik ikiorsinnaavatsigit, inuusuttut allat ineqatigissavatit. Naatsorsuutigissavat ineqarnermut akiliut qaammammut 3.500 kr. missaannik akeqassammat.
Sulinermut akunnermusiat tiimimut 170,00 koruuniupput, sanitigullu feriepenget aamma ilaallutik.
Piffissaq suliffiusussaq:
Maaji-septemberi tamaat, imaluunniit aasaanerani minnerpaamik qaammat ataaseq sulisinnaavutit.
Samsø pillugu:
Samsø qeqertaavoq alutornartoq Kattegat-ip qeqqani inissisimasoq, pinngortitap kusanassusianik eqqissisimanarneranillu tusaamaneqarluartoq. Tassani illoqarfeeqqat nuannersut soorlu Tranebjerg aamma Ballen nassaarisinnaavatit, taakkunani neriniartarfeqarpoq, niuertarfiit, pisoqartitsinerillu illoqarfeeqqani tassanngaanneersut ukioq kaajallallugu qeqertami inuunermik pilersitsisartut.
Samsømi najugaqarneq sulinerlu suliffimmi inuuneq pinngortitamut qaninnermik ataatsimoortinnissaanut periarfissiisarpoq. Qeqertami nunap isikkua ammasoq, cykelerfiusinnaasunik aqqusinilik, nuannersunik najoruminartunillu sissaa nalunnguarfissalik eqqissisimasorlu, amerlasoorpassuarnik nuannarineqaqisumik. Nuna sulinngiffeqarfigissallungu toqqangassatsialaavoq.
Sulilernissamut oqaloqatiginninnerit Januaarip aallartisimalernerani pissapput, taamaattumik piaartumik qinnuteqarit!
Suliffimmut tunngatillugu paasisaqarnerorusukkuit, saaffiginninnissarnut tikilluaqqusaavutit uunga allallutit E-mail: Danmark@nordjobb.org
