Sullissillaqqippit? Naapikkuminarpit? Aasaaneranilu pissanganartumik sulerusuppit? Nuannariviuk sullitannut nuannersumik misigititsinissat aammalu suleqatigiinni suleqatigiilluarnissaq angorusuttarpiuk? Taava immaqa illiuvoq aasaanerani Duty free-mi suleqatissarput!
Ujartorpagut tiimimusiallit aasaanerani April - Oktober sulisinnaasut, suliffimmi/pisiniarfiup ingerlalluartinnissaanut ikiuussinnaasut sullissilluarsinnaasut atorfissaqartikkatsigit.
Suliassatit:
- Pisiniat ikiorlugillu siunnersornissaat
- Karsimi sullissillutit
- Nittartakkakkut inniminnikkat pisiat poortorlugit
- Pisiassanik tigooraaneq aammalu pisiniarfimmi immiineq
- ad hoc - Suliassat allat takkuttut suliarisinnaasaavatit
Kinaassutsit:
- Ammasoq, inussiarnersoq qungujulasoq aammalu sullissilluarusuttoq.
- 18 sinnerlugit ukioqassaatit
- Pinerlussimannginnermut uppernarsaateqassaatit
- Pisinianut attaveqarnissat pikkoriffigissavat aammalu pisiniarfimmi assigisaanilu sulineq misilittagaqarfigereersimassavat
- Eqaatsumik suleriaaseqassaatit, sullarissoq aammalu piffissamik ataqqinnittoq.
- Piffissani allanngorartuni sulisinnaassaatit, ulluinnarni aammalu weekendtini.
- Namminersullaqqissoq aamma suleqateqallaqqissoq
•Duty free-mi pisiassaatitsinut soqutiginninnissat pingaaruteqarpoq, iluaqutaassaqaarlu tuniniakkatta suuneri ilisimasaqarfigilluarukkit.
Tunniussinnaasagut:
- Aasaanerani suliffik pissanganartoq, ulapaarfik pisoqarfiulluartorlu.
- Suleqatigiilluarneq ataqatigiinneq - nuannersumillu suleqatigiinneq anguniagaajuaannassaaq
- Sulinermi atugassarititat pitsaasut aammalu ajunngitsorsiat.
Paasissutissat:
Suliffik tiimimusiaqarfiuvoq taavalu piffissami uani suliffiulluni primo April ultimo Oktober 2026.
Suliffimmut tunngasumik apeqqutissaqarpit? Taava uunga apeqqutqarsinnaavutit, DutyFree Butikchef Kuuna Lange, e-mail kula@airports.gl imalt. telefon +299 38 43 78. Apeqqutit allat HR-imi immikkoortortaqarfitsinnut apeqqutigisinnaavatit uunga: hr@airports.gl.
Qinnuteqaat:
Qinnuteqaatit nassiuguk, CV, pinerlussimannginnermut uppernarsaat aammalu ilinniarsimaninnut allanullu uppernarsaatit ilanngullugit nittartakkakkut una link atorlugu kingusinnerpaamik 31. Marts 2026 nassiutissavatit. Emailikkut qinnuteqaatit tiguneq ajorpagut, ataavaartumillu oqaloqatiginnittarluta.
Uani paasisaqarnerugit: www.airports.gl
Greenland Airports Namminersorlutik oqartussat aammalu Qallunaat naalagaaffiata piginneqatigiiffigivaat. Suliuaannarpugut pitsaasumik ineriartorfiusumillu angalanermi saaffigineqarnermilu pitsaasumik misigisaqartitserusulluta.Ingasammik aasaanerani ulapaartilluta!
