Mittarfik Qaqortoq indsatslederissarsiorpoq. Illiua ujartugarput?
Suliassatit:
Ingerlatsinermut pisortatut ulluinnaat assigiinngisitaartunik suliassaqarfiusut misigissavatit, sulisunut aqutsinermiit qatserisartoqarfiup ulluinnarni ingerlanneqarneranik isumaginninnermut ilanngullugit. Pigaartuusarnermut pilersaarusiorneq kiisalu mittarfiup sullissiviata suliassaasa nakkutigineqarnerat.
- Timmisartunik sullissineq aammalu aputaajaaneq
- Illuutit biilillu aserfallatsaaliorneqarnerat
- Atortunik aammalu kingoraartissanik pisiniarneq kiisalu atortut qanoq innerisa ingerlaavartumik nalilersorneqartarnissaat
- Qatserinermut annaassiniarnermullu tunngatillugu aserfallatsaaliinermut sungiusarnerit (BOR)
- Qatserisartunik nammineq sulisunik illoqarfimmi/mittarfimmi ilinniartitsineq
Piginnaasatit:
Atorfimmut naatsorsuutigineqassaguit terminalarbejderitut ilinniarsimasuussaatit imaluunniit allamik sanaartornermik tunuliaqutaqassallutit. Mittarfiup ingerlanneqarneranut tunngasumik teoriimik ilinniagaqarsimanissat aammalu minnerpaamik ukiuni 2-4-ni qatserinermut annaassiniarnermullu misilittagaqarnissat kissaatigineqarpoq. Minnerpaamik piumasaqaataavoq Indsatsleder Fly og By. Taakkua saniatigut makkua pingaartinneqassapput:
- Angisuunik biilersinnaanermut allagartaq
- Terminalarbejderitut ilinniarsimanissaq
- Kalaallisut, danskisut aammalu sapinngisamik tuluttut oqalussinnaaneq
- IT-mik tunngaviusumik ilisimasaqarneq
- Pinerlussimannginermut uppernarsaat
Greenland Airports neqeroorutigaa:
Suliffik ineriartortoq pissanganartoq, sulisunut pitsaasunik atugassaqartitsinermik pingaartitsisoq aammalu suleqatigiinnermut pitsaasumut ataqqinnittoq. Suleqatigiit akornanniissaatit tamarmik namminersorlutik aammalu suleqatigiillutik sulisinnaasut. Suliffimmi misilittagaqarnerit ineriartortillugillu attatiinnarnissaannut periarfissaqarluarputit hands-on træning kiisalu pikkorissarnerit ilinniartitaanerillu tapertaasut aqqutigalugit.
Atorfinitsitaanermi atugassarititaasut:
Greenland Airports-imi isumaqatigiissut immikkut ittumik atorfinitsitsinermik neqerooruteqarsinnaavoq, ilaatigut makkuninnga imaqartumik:
- Sapaatip akunneranut akunnerit 40-t suliffiusut
- Piaartumik imaluunniit isumaqatigiissuteqarnikkut atorfininneq
- Sulisunut inissiaq
Paasisaqarnerorusuppit?
Atorfik pillugu paasisaqarnerorusukkuit imaluunniit apeqqutissaqaruit ingerlatsinermut pisortaq Bo Olsen oqarasuaammut 52 01 61 / 38 18 85 attaveqarfigisinnaavat. Apeqqutit nalinginnaanerusut HR-imut mailikkut hr@airports.gl-imut nassiunneqarsinnaapput.
Greenland Airports pillugu annertunerusumik paasissutissat nittartakkatsinni www.airports.gl-imi takukkit.
Qinnuteqaat:
Atorfimmut naatsorsuutigineqassaguit qinnuteqaatit, CV-t kiisalu ilinniagaqarnermut uppernarsaatit kingusinnerpaamik ulloq 29. maj 2026 nassiunneqarsimassapput. Atorfinitsitsinissamut oqaloqatiginninnerit ingerlaavartumik ingerlanneqassapput.
