Ulluinnarni aqutsisutut ingerlatsinermi toqqissisimanartumik, pilersaarusiorluakkamik aammalu ulluni ulapaarfiusuni eqqissisimallutit ulluinnaallu ingerlanerini ataqatigiissaarilluarlutillu ingerlatsilluarnissat uummateqarfigalugu?
Taava illerpiaq pisariaqartippatsigit.
Atorfimmi mittarfiup ingerlanerani pingaarutittut inissisimassaatit, ulluinnarni pitsaasumik sunniuteqarluartumik pingaarnertut ilaasunut sulisunullu ingerlatseqataaneq. Sisimiut Mittarfia nunatsinni angallannermi pingaarutilimmik ataqatigiissaarinermi inissisimavoq – maannalu aqutsisuuninni ullut tamaasa pingaarutilimmik sunniuteqarsinnaallutit.
Suliffik pillugu:
Mittarfimmi aqutsisuunerni mittarfiup ingerlanneqarnera akisussaaffigissavat, makku suliassaqarfigalugit:
Mittarfimmik ingerlatsinermut akisussaaneq annertooq, ilanngullugit isumannaallisaaneq, aningaasat tungaatigut aqutsinermut atorfinitsitsinermillu akisussaaneq.
Mittarfimmi sulisut piginnaasaannik ineriartortitsinissaq ingerlaavartoq, aalajangersimasumik sammivilimmik, isumannaallisaanermut, akisussaassuseqarfimmut, pikkorissuunermut, suliffeqarfimmut paasisimasaqarfimmut aammalu suleqatigiinnermut tunngatillugu.
Qulakkeerinninneq mittarfiup ingerlannerani nunami aammalu nunat assigiinngitsut akornanni najoqqutanik pitsaasumik malinninneq – Minnerunngitsumik isumannaallisaaneq aammalu pitsaasuseq pillugit.
Greenland Airports-ip immikkoortuini naleqquttunik siunnersuisarneq ingerlaavaartoq.
Greenland Airports-imi aqutsisunut ilanngutissaatit, tassanilu aningaasarsiornermut, HR-imut, IT-mut, isumannaallisaanermut il.il. tunngasunik atorfimmut isumaginninnissamut pitsaasumik tapersersorneqartassallutit.
Illit:
Misilittagaqarnerit pingaaruteqartuuvoq, aammalu allat suliffeqarfinni assingusumik aqutsisutut misilittagaqarnertut tunuliaqutaqaruit aamma naleqqussinnaavutit. Pingaarnerpaavorli aqutsinermi piumassuseqarneq, nuannersumik aqutsisinnaaneq aammalu suliffeqarfimmi ineriartortitani niuerpalaartumik aallaaveqarluni ingerlatseqqiisinnaaneq pigigit.
Inuttut ammasuusutit, attaveqarnissamut piginnaasaqarluartutit, aammalu sulisut aqqutigalugit angusaqarniarnissamut kajumissusilik. Isumannaallisaanermik pingaartitsisuusutit, suliffeqarfimmik paasisimannittuusutit, siumut eqqarsarsinnaasutit aammalu anguniakkat iliuusissat angunissaat eqqarsaatigalugu aaqqissuussillaqqittuussaatit.
Nutaaliorniarneq nuannarivat, aammalu aqutsisutut maligassiuillutit siuttuusutit. Oqarpalaartutit, kajumissaasinnaasutit, nammineerlutit sulilluarsinnaallutit aammalu aalajangersimasunik aalajangiinissaanut piareersimasuusutit siumut ingerlanissaq pillugu.
Piginnaasat inuttut atorfininnikkullu piumasaqaatigineqartut:
Nioqqutissanik sullissinermilu pitsaassuseq ukkataralugu suliffeqarfimmut iluaqutaasinnaasumik eqqarsarsinnaaneq.
Inuttut nukittuuvutit, suliniutit sukkasuumik naammassisinnaallugit.
Aqutsisutut ersarissuusutit, sulissiillaqqittutit sulisunullu kajumissaanerulersitsisartutit.
Oqaloqatigiuminartuusutit, oqaatsitillu ersarissuullutik.
Inuttut inerissimasuusutit, nammineerlutit aalajangiisinnaassuseqarlutit
Takunnilluarsinnaasutit aqutsisinnaallutit, aammalu iliuusissanik suliffeqarfimmut naleqquttumik atuutsitsissinnaasutit kikkunnut tamanut ajunngitsoq anguniarlugu.
Atorfik soqutigigukku aammalu Sisimiut mittarfik annertuumik sunniuteqarfigerusukkukku aammalu suliffeqarfik ineriartornermik sammisalik ineriartortitseqataaffiginiarukku taava periarfissaq una ilinnut tulluaqaaq.
Neqeroorutit:
Periarfissaq pitsaasoq mittarfimmi aqutsisutut ineriartornissarnut suliffeqarfik ingerlaavaartumik ineriartortumi.
Saniatigut neqeroorutigineqarput:
Akissarsiat unammillernarsinnaasut.
Ilaquttatit ilagalugit tikinnermut atatillugu angalanermi aningaasartuutit
Atorfininneq aqqutigalugu pigisatit nuussinnaavatit
Inissaq atorfininnermi malittarisassat malillugit.
Isumannaallisaanermut uppernarsaat:
Atorfinitsinneqarnissamut piumasaqaataavoq isumannaallisaanermut uppernarsaat politiniik pineqassaaq.
Taamaattumik siullermeertumik nassiussinermi allagartaq ilanngunneqassaaq.
Taanna najukkanni piliteeqarfimmut aaneqarsinnaavoq imaluunniit www.sullissivik.gl-kkut
Paasisaqarnerorusukkuit:
Atorfik pillugu paasisaqarnerorusukkuit apeqqutissaqaruilluunniit Driftdirektør Niels Grosen attavigiuk qarasuaat: + 299 38 26 01 imaluunniit Email: ngr@airports.gl imaluunniit Driftschef Juaannguaq Broberg oqarasuaat +299 38 43 11 imaluunniit Email: jua@airports.gl .
Apeqqutit naliginnaanerusut HR-afdelingimut nassiunneqassapput Emailikkut: hr@airports.gl
Greenland Airports pillugu paasissutissat www.airports.gl -kkut takuneqarsinnaapput.
Qinnuteqaat:
Atorfimmut qinigaanissamut qinnuteqaatit, CV aammalu ilinniarsimanermut uppernarsaatit linkimut ataaniittumut nassiunneqassapput. Kingusinnerpaamik 8. December 2025.
Saaffiginnissutit tamarmik peqqissaartumik suliarineqassapput
Oqaloqatigiinnerillu ingerlaavaartumik pissallutik
Malugiuk e-mailikkut qinnuteqartut tiguneqarneq ajormata.
