Sermersuumi MISI-mut tarnip pissusiinik ilisimasalik

Sermersuumi MISI-mut tarnip pissusiinik ilisimasalik – meeqqanut inuusuttunullu allanngueqataagit

Meeqqat atugarissaarnerannut ineriartornerannullu ineriartortitserusussuseqarpit? Assigiinngitsunik sulialinni suleqatigiinneq tamakkiisumillu isiginninneq qitiutinneqartumi tarnip pissusiinik suliaqarnermi ilisimasatit atorlugit suleqataarusuppit? Aamma sulininni sunniuteqarsinnaallutit, sulianik siunersiueqateqarsinnaallutit piviusumillu – ullut tamaasa – allanngueqataasinnaallutit?

MISI Sermersooq Nuummi tarnip pissusiinik ilisimasalimmik pissarsiorpoq. Suleqatigilerutsigut Kalaallit Nunaanni kommunit annersaanni perorsaanermut tarnillu pissusiinut tunngasunik suliaqarnitsinnut pingaarutilimmut ilanngutissaatit – tamatumalu peqataanik pissanganartumik avatangiiseqarlutit suliatigut inuttullu ineriartornissamut immikkuullarissumik periarfissaqassaatit.

Illit suliassatit

MISImi tarnip pissusiinik ilisimasalittut atuarfiit, ulluunerani neqeroorutit, angajoqqaat aamma assigiinngitsunik suliallit suleqataasut qanimut suleqatigisassavatit. Illit ilaatigut:

• Angajoqqaanik siunnersuisassaatit meeqqallu atugarissaarnerannut ineriartornerannullu ikorfartuutaasussanik oqaloqatiginninnernik ingerlataqartassallutit.
• Malinnaanerit, misilittaanerit oqaloqatiginninnerillu atorlugit perorsaanermut tarnillu pissusiinut tunngassuteqartunik naliliisassaatit.
• Immikkut atuartitsinerit ukiumoortumik naliliiffigisassavatit suliniutitigullu sunniutigerusutat qulakkeertassavatit.
• Ulloq naallugu atuarfik tarnip pissusiinik ilisimasalittut akisussaaffeqarfigissavat innersuussinissamullu ataatsimiititami peqataasarlutit.
• Meeqqanik oqaloqateqartassaatit, taakkunanilu meeqqap oqariartuutai misigisaalu pingaartinneqarput.
• Assigiinngitsunik suliallit attaveqaatitut ataatsimiinneranni tunniussaqartassaatit aamma ilinniartitsisunut, perorsaasunut, aqutsisunut isumaginninnermilu siunnersortinut pingaarutilittut siunersiueqatigineqartassaatit.

Tamatuma saniatigut atuarfinnut meeqqerivinnullu saqqummiussisassaatit, isumaginninnermi siunnersortit imaajarnissaannut neqeroorfigisassavatit pitsaaliuinermillu suliniutinut nukittorsaataasuni ineriartortitsinermut suliani peqataasassallutit.

Tarnip pissusiinik ilisimasalimmik pissarsiorpugut:

• Cand. psych.-imik ilinniagaqartoq – ajornanngippat piginnaatitaasortalimmik, piumasaqaataanngilarli.
• Ajornanngippat meeqqat inuusuttullu ineriartornerannik, atugarissaarnerannik ilinniarnerannillu misilittagaqartoq, ajornanngippat PPR-imiit, atuarfeqarfinniit ulluuneraniluunniit neqerooruteqarfinniit.
• Namminersorluni sulisinnaasoq peqataanillu assigiinngitsunik suliaqartut akornanni ajornartorsiutaanngitsumik suleqataasinnaasoq.
• Erseqqissumik suliatigut naliliisinnaasoq paasiuminartumillu paasisimasanik ingerlatitseqqiillaqqissoq.
• Tamakkiisunik, peqataatitsinermik pitsaaliuinermillu suliniutinik pikkoriffeqartoq.
• Kalaallit akornanni sulinissamik alapernaassusilik kulturikkullu assigiinngissutsit ataqqillugit ilaqutariinnik sullissisinnaasoq.
• Oqaatsinik piginnaasaqarluartoq.

Neqeroorutigaavut:

• Suliffik pingaarutilik ilaatigut ullut tamaasa meeqqat inuusuttullu atugarissaarnissaannik iliuuseqarfigisassallugit.
• Suleqatit tarnip pissusiinik ilisimasallit, siunnersortit allallu sulisut siunertamik suleqataarusuttut nukittuut avatangiiseralugit.
• Imaajarneq, ataasiakkaatut ineriartornissamut pilersaarut piginnaatitaanermillu peqalernissaq periarfissaavoq.
• Atorfinitsitsinermi atukkat pilerinartut ima ittut:
  • Tunngaviusumik akissarsiat: Qaammammut 41.817,25 koruunit.
  • Immikkut tapit: Ukiumut 10.160 koruunit (qaammammut 846,66 koruunit).
  • Piginnaatitaanermut tapit: Ukiumut 40.350,27 koruunit (qaammammut 3.362,52 koruunit).
  • Pikkorissutimut tapeq: Kanditatitut ilinniagaqarnermut qaammammut 3.000 koruunit.
  • Soraarnerussutisiat: Tunngaviusumik akissarsiat 15,2 %-ii soraarnerussutisiaqalernissamut sulisitsisumit akilerneqartassaaq.
  • Maleruagassat atuuttut naapertorlugit inissaqartitsisoqarsinnaavoq. Kalaallit Nunaanni Namminersorlutik Oqartussat inissiaataannut kommunillu illuutaannut maleruagassat qaqugukkulluunniit atuuttut naapertorlugit qularnaveeqqut, inimut akiliut atuinerlu il. il. akiliutigineqartassapput. Atorfinitsitsinerup nalaani sulinermut atatillugu inigisassamik peqartitsisoqanngippat, sulisunut pisinnaatitaaffigitinneqarpoq utaqqiisaasumik ineqarnissamut neqerooruteqarneq, aamma ineqarnermut akiliut atuinerlu malittarisassat atuuttut naapertorlugit akiliutigineqartassapput. Inimut akiliut aamma atuineq pillugit annertunerusumik paasisaqarusukkuit uani paasissutissat innersuussutigineqarput: www.iserit.gl
  • Atorfininnermi soraarnermilu kiisalu sulinngiffeqarnermi angalanissamut malittarisassat atuuttut naapertorlugit angalanermi pigisallu nussorneqarnerini akiliunneqarneq.

Nuuk aamma Kalaallit Nunaat misigiuk

MISI-mi tarnip pissusiinik ilisimasalittut suliatigut pissanganartumik suliffeqaliinnassanngilatit – aammali Kalaallit Nunaanni Illoqarfiit Pingaarnersaanni, Nuummi, najugaqarnissamut periarfissaqalissaatit. Illoqarfimmi kulturikkut pikialaarfippassuaqartarpoq, matu ammaraanni pinngortitaq immikkuullarissoq ataatsimoorluartartullu tikeriaannaapput. Sunngiffimmi suliatigut anguniakkat misigisassarpassuillu inissaqartinneqarput.

Iliuuseqarnikkut

• Suliffiup sumi inissisimanera: Nuuk – kommunip iluani angalasarnerit ilaatinneqarput.
• Atorfiniffissaq: 1. decembari 2025 isumaqatigiissuteqarnikkulluunniit.

Qinnuteqaat sulisussarsiornerlu

Sulisussarsiorneq Thomsen Consultingimit isumagineqassaaq. Qinnuteqarnissamut killissarititaavoq tallimanngorneq ulloq. 21. novembari 2025, tamatuma kingorna piukkunneqartut oqaloqatigineqarnissaannut aggersarneqassapput. 

Sulisussarsiornermut tunngatillugu apeqqutit Niels Thomsenimut, Thomasen Consulting, +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.