VB Ilulissat ApS-imi, suliffeqarfimmi ineriartortumi sulisussarsiorpugut bogholderassistent-itut atorfeqartussamik.
VB Ilulissat ApS suliffeqarfiuvoq ukuninnga ingerlatalik:
Umiatsialeriffik, biilileriffik forhandleriuffigalugu Toyota, motoorileriffik/atv-leriffik Yamaha forhandleriuffigalugu aammattaaq Volvo Penta,
uulianik Gulf-inik aammalu Garmin-inik tuniniaasuuneq, pisiniarfik (Yamaha, Palby), transport ingerlapparput aamma lastbilit pingasut ingerlataralutigit, allallu tamalaat mekanikerit suliarisinnaasaat aamma suliarisarpagut.
Tamakku saniatigut allaffissorneq qitiusorujussuartut inissisimavoq, ataqatigiisitsinerlu tassanngaanniik, tassanilu bogholderassistent-imik pisariaqartitsivugut, akisussaassusilimmik tunniusimasumillu.
Suliffeqarfimmi mekanikerit, ikiortit, allaffimmilu ikiortut katillugit suleqatigiit 20 sinnelaarpugut, aasakkut amerlanerusarlutik ulapaarfimmi.
Qulaani taaneqartut aallaavigalugit, allaffissornermi, kisitsisilerinermi, anigaasarsialerinermi, pilersaarusiornermi aammalu bogholderiip iluani ingerlatsinermi pitsaanerulersitseqataarusuppit? Taava VB-mi suleqatissatsinnik ujartuivugut atorfimmik bogholderip silarsuata iluaniittumik.
Suliassat allaffimmi aammalu bogholderassistentitut ukuussapput:
- Ullormut bogføringassalereqataaneq
- Akiligassanik nassiussuineq
- Sullitanut attaveqarneq
- Lagerimik ingerlatsinermi suleqataaneq
- Akiligassalinnut akileeqqussutsinik suliaqarneq
- Anigaasarsialerineq/tiimilerineq
- Qaammammoortunik aammalu ukiumoortumik regnskabimik matusinermi ikiuunneq
- Allaffissornermi aammalu sullissinermi pisisartunut ikiuunneq
- Telefonikkut saaffiginnittunik tingooraaqataaneq
- Pisiniarfimmiunut lagerilerisunullu kisitsisitigut kisitsinikkullu ikiuuneq
- Suliasallu ataasiakkaajusinnaasut allat
Piumasaqaatit:
Bogholderiip iluani misilittagaqarnissaq, anigaasarsialerinermi misilittagaqalaarnissaq, økonomisysteminik atuinermik ilisimasaqarnissaq, excelimi atuisinnaaneq, nammineerullugu suliaqarsinnaasuuneq, torersumik aammalu akisussaassusilimmik sulisinnaaneq, saaffigiuminartuunissaq suliffeqarfiup iluani aammalu avataaniik saaffiginnittut eqqarsaatigalugit, minnerunngittumillu suliffimmut tunniusimanissaq.
Kalaallisut qallunaatullu oqalussinnaassuutit, aammalu pittaaqutaassaaq tuluttut oqalussinnaaguit piumasaqaataanngilarli.
Neqeroorutigivarput:
- Suliffeqarfimmi suli alliartortumi ineriartorfiulluartumilu, Piffissamik tamakkiisuusumik stabiliusumik atorfinitsitsinissaq.
- Anigaasarsiat atugassaritinneqartullu piginnaasat malillugit inissinneqassapput.
- Atorfimmut tunngatillugu inissaqartitsisoqarsinnaanngilaq.
- Suleqatit saaffigiuminartut, atortullu pisariaqartitat malillugit tunniunneqassallutik.
- Qinnuteqartumut eqqortumut karrierreqalernissaq ineriartoqqinnissarlu periarfissaavoq.
Attavissat:
Hans-Henrik Heilmann, hanshenrik@vbmarine.com, 946001, imlt. Lars Fleischer 543619, imlt. qinnuteqaat CV-lu uunga nassiullugu: kontor@vbmarine.com
Ornigulluni aamma saaffiginnittoqarsinnaavoq.
Qinnuteqarfissaq ulloq kingulleq 28. juli 2026, qinnuteqartut akornanni piukkunnartunik ataavartumik oqaloqateqartassaagut,
Piaartumik atorfinitsitsinissaq kissaatigaarput.
