Suleqatissatsinnik nutaanik ujaasivugut. Ulluinnarni Kalaallit nunaanni sulinissamut najugaqarnissamullu akuersissutinik suliaqartarpugut aammalu Nuummi innuttaasunut sullissivitsinni sulilertussat sulisitsisullu ilitsersuullugillu siunnersortarlugit.
Suliffiit nutaaq Kalaallit Nunaanni inissisimasoq
Immikkoortortaqarfipput nutaaq Nuummiittoq ukioq 2025 ukiakkut ammarpoq, taamaattumik periarfissatsialammut suli inerisarneqartumut ilanngutissaatit. Sulisut pikkorissut arfinillit sulisuupput, immikkoortortaqarfimmilu aqutsisoq.
Suleqatitsitut nutaatut immikkoortortaqarfimmut ilanngutissaatit, ataatsimoorluta anguniagarput tassaavoq sunniuteqarluartumik suleriuseqarneq, kiffartuussinermut aalajangiinerit eqqortut pilersinneqarniassammata aammalu sulinermi piginnaasatigut eqqortumillu ilitsersuinermik tunniussisinnaaniassangatta suliletussamut sulisitsisumullu.
Suliffik allaffinni periarfissagissaartumi Nuummi inissisimaffeqarpoq. Allaffiup inissisimaffia illoqarfiup qeqqaniippoq, neriniartarfinnut, filmertarfimmut, pisiniarfinnullu qanilluni. Aammalu Nuummi periarfissat akornanni pinngortitamilu kusanartumi qanittuararsuarmiilluni, sisorarnissamut angalaarnissamut periarfissaqarluni, pinngortitamilu pisuttuartoqarsinnaalluni.
Nuummi ulluinnarni periarfissat pillugit paasisaqarnerorusukkaanni Kommuneqarfik Sermersuup nittartagaa alakkarneqarsinnaavoq, aalaneq – timersornerlu quperneq aqqutingalugu. https://sermersooq.gl/da/category/borger/fritid/idraet-og-sport/
SIRI suliffeqarfik paasisaqarfiginiarukku uani atuarsinnaavat: https://siri.dk/om-os/
Ulluinnarni inuunerit uagutsinni
Suliassatit ilaatigut makkuussapput:
- Aalajangiinernik eqqortumik inatsisilerinikkut tunngaveqartunik kiisalu paasiuminartunik innuttaasunut/tigusisussamut saqqummiussisarneq
- inatsisit tunngavigalugit naliliisarneq, ilanngullugu paasissutissanik amerlanerusunik pisariaqartitsineq imaluunniit piumasaqaateqarnermik piniarnissamik nalilersuineq
- malittarisassanik atuutsitsineq pillugu erseqqissaanermut peqataaneq
- innuttaasunut oqarasuaatikkut allakkatigulluunniit siunnersuineq
- SIRI-p innuttaasunut sullissiviani Nuummi toqqaannartumik saaffiginnissutaannik tigusinissamik suliaqarnermik isumaginninneq
- Kalaallit Nunaanni Danmarkimilu oqartussaasunik aammalu suleqatigisanik allanik suleqateqarneq
- Sulianut allaaserinninnermut allattuinermut ikiuunneq, pisortaqarfiit inniminniinerinut akissuteqarnerit aammalu naalakkersuisunik sullissinerit assigisaalu.
Neqeroorutigarput:
Ilinniartinneqarnissat pingaaruteqarnerpaatut isigaarput, aammalu pitsaanerpaamik tikilluaqquneqarnissat anguniarlugu sapinngisarput tamaat iliuuseqassaagut. SIRI-mi suliaqarsimasunik misilittagaqarluartunik sulilernermi ilinniartinneqarnissamik pilersaarummik tulluartumik ilanngunneqassaatit, tassani SIRI suliffittut saqqummiunneqassaaq aammalu suliassanik ingerlatsinermut tunngatillugu piginnaasatit ineriartortinneqassapput. Tamatuma saniatigut piareersimassaatit suliassat assigiinngitsut suliarinissaannut.
Immikkoortortaqarfik mikisunnguummat, ulluinnarni suliassat assigiinngitsut suliarinerinut suleqatigiinnut ilanngunneqartarnissamut periarfissaqartassaatit.
Naatsorsuutigisinnaassavatit:
- Immikkoortortaqarfik ilisimasanik avitseqatigiiffiusoq aammalu siunnersoqatigiinneq
- Piginnaasanut ilisimasanullu piginnaanngorsaqqinneq, pikkorissaqqinnerit suliassallu nutaanngorartuarnerisigut
- Sulinermut piumassuseqarneq ineriartortuarnerlu pingaartinneqarput, sulinermi akunnerit suliffiusut sinnersimangaanni aaqqiissuteqarfigisinnaaneri
SIRI-mi ammasumik oqaloqatigiittarpugut, aammalu aqutsisoqarfiup iluani suleqatit akornanni pitsaasumik suleqatigiinneq inooqatigiinnerlu ilisarnaatigaarput. SIRI-mi ataatsimoorneq nukittooq pigaaruteqarpoq, tamannalu aamma immikkut ukkataraarput SIRI Valby aamma SIRI Nuuk akornanni ungasissutsit annertugaluartut.
Illit pillutit
Naatsorsuutigaarput illit allaffissornermut ilinniarsimasuunissat imaluunniit akademiskimik naleqquttumik tunuliaqutaqarnissat, assersuutigalugu cand.jur.-itut ilinniagaqarsimasuuguit.
Tamatuma saniatigut makkua naatsorsuutigaagut:
- Nunatsinni najugaqareertutit imaluunniit Kalaallit Nunaanni najugaqarnissamut piareersimasutit
- Allaffissornikkut inatsisinik misilittagaqartutit
suliassanik ataasiakkaanik suliaqarnermut kajumissuseqartuustit aammalu nunanit allanit tikittartunut tunngasunik soqutigisaqartuusutit
nammineerlutit, aaqqissuussaasumik aammalu pitsaasumik suleriaaseqartuusutit
danskisut tuluttullu allassinnaallutillu oqalussinnaavutit – kalaallisut oqalussinnaaguit allassinnaaguilluunniit iluaqutaassaaq
suleqatiginnilluarsinnaasoq, aammalu suleqatigiilluni suliassanik ataatsimoortumik akisussaaffeqarnermik pimoorussisinnaasutit
Soqutigaajuk?
Atorfimmut atatillugu paasisaqarnerorusukkuit, immikkoortortami pisortaq Elin Schmidt attaveqarfiginissaanut tikilluaqquneqareerputit mail: esmi@siri.dk oqarasuaat +299 223032. Malugiuk Danmark-imi nalunaaquttap nikinganera 3 tiimiummat.
Atorfininnermut aningaasarsianullu isumaqatigiissutinut tunngasunik paasisaqarnerorusukkuit, atorfinititsinermut suliaqarnermi suleqaterput Hanan Karaouni attavigiuk mail: haaka@uim.dk imaluunniit oqarasuaat +45 61 98 35 01.
Suleqatissaraatsigit?
Qinnuteqaativit tigunissaanut qilanaarpugut, CV ilinniarsimanermullu allagartat ilanngullugit nassiutikkit kingusinnerpaamik sapaat ulloq 24.juni 2026.
Atorfinitsitsinissamut oqaloqatiginninnerit ingerlanneqassapput sapaatip akunnerani 27-imi.
Qallunaat nunaanni najugaqaruit takkullutit oqaloqatigininneq neqeroorutigaarput.
Atorfininneq pissaaq ulloq 1.september 2026 imaluunniit piaarnerpaamik.
Atorfik ulloq suliffissaq tamaat suliffiuvoq sap.akunneranut 40 tiimit.
Akissarsiat atorfeqarnermilu atugassarititaasut
Allaffissornermi ilinniarsimasutut atorfinitsitaaguit isumaqatigiissut naapertorlugu atorfinitsitsisoqassaaq: Finansministeriet, Medarbejder- og Kompetencestyrelsen aamma SIK – allaffissornermut suliaqartut pillugit isumaqatigiissut.
Akademikeriuguit kandidatitut ilinniakkatit aalajangiissavaa qanoq isumaqatigiissut naapertorlugu atorfinitsinneqassanerlutit. Magisteriuguit atorfinitsinneqassaatit isumaqatigiissut naapertorlugu Finansministeriet, Medarbejder- og Kompetencestyrelsen, DM, Ingeniørforeningen, IDA kiisalu Landinspektørforeningen akornanni isumaqatigiissutigineqartoq, Kalaallit Nunaanni naalagaaffiup sullissisuinut magisterinut, ingeniørinut aammalu landsinspektørinut atuuttoq. Faglige organisation Djøf-iusoq, atorfinitsinneqassaatit isumaqatigiissut Financeministeriet, Medarbejder- og Kompetencestyrelsen aammalu Djøf akornanni isumaqatigiissutigineqartoq naapertorlugu, cand.jur.-it kiisalu universitetøkonomit il.il. pillugit Kalaallit Nunaanni naalagaaffiup sullissisuinut atuuttoq.
Allanik ilinniarsimasuuguit ilinniakkat misilittakkallu aallaavigalugit atorfinitsitsineq pissaaq.
Suliffissatut inissisimaffik: Udlændinge- og Integrationsministeriet.
Suliffik: Styrelsen for International Rekruttering og Integration, Industrivej 31.1, 3900 Nuuk.
Feeriat aammalu immikkut ittumik feriat isumaqatigiissutit atuuttut aammalu Kalaallit Nunaanni piffissami atuuttumi feriap pillugit inatsisartut inatsisaat naapertorlugit pissarsiarineqassapput.
Kalaallit Nunaanni funktionærlov naapertorlugu atorfinitsinneqassaatit.
SIRI-p atorfimmut atatillugu inissamik Nuummi neqerooruteqarpoq
Atorfininnermi soraarnermilu angalanissamut aammalu nuunnissamut aningaasartuutit pillugit Namminersorlutik Oqartussat atorfilittaanut Kalaallit Nunaanni atuuttunik malittarisassanik tunngavigalugu aningaasartuutit matussuserneqassapput.
Ukiut marlukkaarlugit akiliunneqarluni feriartarnissamut angalanissamut pisinnaatitaaffeqarputit, isumaqatigiissutit atuuttut naapertorlugit.
Atorfimmut atatillugu angalanermi aningaasartuutit, Namminersorlutik Oqartussat Kalaallit Nunaanni atorfilittanut tunngatillugu malittarisassaat naapertorlugit ajunngitsorsiassaqartinneqassaatit.
Atorfiit tamakkiisumik suliffiupput, sapaatip akunneranut agguaqatigiissillugu akunnerit 40-it sulisussatut naatsorsuutigineqarlutik.
Atorfininnermi politiit (PET) isumannaallisaanermik misissuisassapput, taamaalilluni Udlændinge- og Integrationsministeriatip atorfinitsinnissannut naleqquttuunersutit naliliiffigineqarsinnaaniassammat. Atorfeqarnerit tamakkerlugu ingerlaavartumik isumannaallisaanikkut misissorneqarsinnaasariaqarputit. Illit paasissutissatit qanoq suliarineqartarnersut pillugu uani atuarsinnaavat.
Inuiaqatigiinni naleqassusillit tamaasa qinnuteqaqqullugit kajumissaarpagut. Kinaagaluaruit – suiaassuseq, ukiut, upperisarsiornermi immikkoortitsineq il.il. apeqqutaatinnagit qinnuteqarnissamut tikilluaqqusaavutit. Udlændinge- og Integrationsministeriet ilaasortaavoq Foreningen Lige Adgang-imut.
